Yosuwa 24:8 - Mandinka Bible

⁸ wo to le ŋa ali samba naŋ Amorinkoolu la bankoo kaŋ, mennu be sabatiriŋ Yoridani Boloŋo tiliboo la. Ì ye ali kele, bari nte faŋo le ye ì duŋ ali bulu. M faŋo le ye ì kasaara ali ñaatiliŋo la. Bituŋ ali naata ì la bankoo taa ka ke ali taa ti.

Yosuwa 24:8 ပူးပေါင်းရင်းမြစ်များ

Nehemiya 9:22

“I ye mansamarali bankoo dii ì la, aniŋ banku koteŋolu moolu, aduŋ i ye tonkoŋ-wo-tonkoŋ talaŋ-talaŋ ì teema le. Ì ye Sihoni la bankoo taa le, Hesiboni saatewo mansakewo, aniŋ Oki la bankoo, Basani tundoo mansakewo.

Yosuwa 13:10

A taata le fo ka bula Ammoninkoolu la naanewo la, aniŋ saatewolu bee, Amori mansa Sihoni meŋ ye maraloo ke Hesiboni, ye mennu mara nuŋ.

5 Musa 2:32

Bituŋ Sihoni niŋ a la moolu bee fintita naŋ ǹ kamma keloo la Yahasi saatewo to.

2 Musa 23:23

N na malaayikoo be ali ñaatonkayaa la le, ka ali naati Amorinkoolu, Hitinkoolu, Perisinkoolu, Kanaaninkoolu, Hiwinkoolu aniŋ Yebusinkoolu la bankoo kaŋ, aduŋ m be ì bee kasaara la le.

Amosi 2:9

“Nte le ye Amorinkoolu kasaara ali la kuwo kamma la. Ì be jaŋayaariŋ ñaa-wo-ñaa ko sedari* yiroo, ì be bambandiŋ ko kembu yiroo, ŋa ì bee kasaara kewu.

Amosi 2:10

Ŋa ali bondi Misira. Ŋa ali ñaatonkayaa keñewuloo* kono sanji taŋ naani, ka Amorinkoolu la bankoo dii ali la ka ke ali taa ti.