Yosuwa 23:6 - Mandinka Bible

⁶ Bari ali si ali hakiloo tu kendeke ka kumoolu nooma mennu be safeeriŋ Musa la Luwaa* Kitaaboo kono. Ali kana jenke luwaa ñiŋ ye kara la hani domandiŋ, fo bulubaa la, waraŋ maraa la.

Yosuwa 23:6 ပူးပေါင်းရင်းမြစ်များ

5 Musa 28:14

Ali kana ali koo dii kumakaŋolu la, m be ali yaamari kaŋ mennu la bii, ka taa bula alla koteŋolu nooma ka ì batu.

5 Musa 5:32

Bituŋ Musa ko ì ye ko: Ali kuwolu bee muta kendeke, Yaawe ali la Alla ye ali yaamari mennu la. Ali kana hani yaamari kiliŋ soosoo wolu kono, waraŋ ka jenke kara la.

Hiburunkoolu 12:4

Ali la balaŋo junuboo la, a keloo maŋ futa wo tunkuŋo to foloo, ali si yeloo boŋ daameŋ.

5 Musa 17:20

A maŋ ñaŋ na a faŋ fisiyandi la a baadiŋ Banisirayilanka koteŋolu ti, aduŋ a maŋ ñaŋ na jenke la Yaawe la Luwaa la. Wo to le a be mee la mansayaa la, aduŋ a koomalankoolu fanaa si mee mansayaa la Banisirayila.

5 Musa 12:32

Ali si kuwolu bee ke a ñaama, ŋa ali yaamari mennu la. Ali kana feŋ lafaa ì kaŋ waraŋ ka feŋ talaa ì to.

Lankenemoo 21:8

Bari jooteentuŋolu, lannabaloolu, moo kosoriŋolu, moofaalaalu, laañooyaa tulunnaalu, batuutaatiyolu, jalambatulaalu aniŋ faniyaa folaalu, wolu bee be ì niyo soto la wo daloo kono le, meŋ ka jani dimbaa niŋ solifa munkoo* la. Wo le mu saayaa fulanjaŋo ti.”

1 Korintinkoolu 16:13

Ali koroosiroo ke, ali loo bambandinke ali la lannoo kono. Ali si fatiyaa, aniŋ ali ye bambaŋ!

Yeremiya 9:3

Yaawe* ko: “Ì neŋ kolomoolu be jenkeriŋ ne ko kalandiŋo, aduŋ ì maŋ tara tooñaa ye, ì be faniyaa le ye bankoo kaŋ. Ì ka tu kuruŋyaa le laa la kuruŋyaa kaŋ, ì maŋ nte Yaawe horoma fereŋ.

Jabuuroolu 101:3

N te soŋ na n ñaa ye tara kuu jawu kewo kaŋ. Ŋa moo badaliriŋolu kekuwolu koŋ ne, n te soŋ na wo la muk.

Jabuuroolu 119:102

Nte maŋ n koo dii i la karandiroolu la, kaatu ite le ka n karandi.

1 Mansoolu 2:3

aniŋ i ye taama Yaawe* i la Alla la siloolu la. I si a la karandiroolu niŋ yaamaroolu muta, aniŋ a la kumoolu niŋ luwaalu, ko a be safeeriŋ Musa la Luwaa* kono ñaameŋ, ñiŋ kamma la i taata daa-wo-daa, i si yiriwaa soto kuu-wo-kuu to i be meŋ ke la.