Yosuwa 22:22 - Mandinka Bible

²² “Yaawe Alla Tallaa! Yaawe Alla Tallaa ye a loŋ ne! Aduŋ alitolu Banisirayilankoolu fanaa ñanta a loŋ na le! Niŋ a ye a tara, ñiŋ mu ka ǹ koo dii Alla le la, waraŋ ka foroyaabaliyaa tiliŋ Yaawe la, ali kana m̀ bula ŋà baluu bii.

Yosuwa 22:22 ပူးပေါင်းရင်းမြစ်များ

1 Mansoolu 8:39

i si i lamoyi ka bo Arijana kono, i taradulaa. I si yamfa, aduŋ i si kuu ke. I si moo-wo-moo kuluu a la baaroo la, kaatu i ye a loŋ ne a sondomoo be ñaameŋ, aduŋ ite doroŋ ne ye moo bee sondomoo kono loŋ.

5 Musa 10:17

Yaawe ali la Alla le mu mansoolu la Mansa ti, maariyolu Maarii. Ate le mu Alla Tallaa ti, a warata, aduŋ a ñaasilaŋo warata. A buka laa moo kaŋ, sako ka dukoo taa.

Jabuuroolu 44:21

fo ite Alla te wo loŋ na baŋ? Bayiri ite ye sondomoo kono kulloolu bee le loŋ.

Yuuba 10:7

Ite ye a loŋ ne ko, nte maŋ boyi, aduŋ ko, moo te n tanka noo la ite bulu.

Yeremiya 17:10

Nte Yaawe le ka hakiloo kisikisi, n ka sondomoo kotobo, ka moo-wo-moo joo a maañaa la, aniŋ a kekuwolu la.”

Lankenemoo 19:16

A ye too soto, meŋ be safeeriŋ a la waramboo niŋ a wutoo bala ko, Mansoolu la Mansa aniŋ Maariyolu Maarii.

Lankenemoo 2:23

M be a diŋolu faa la le. Wo to le, n na kafoolu bee be a loŋ na ko, nte le mu wo ti, meŋ ka sondomoolu niŋ hakiloolu kisikisi, aduŋ m be alitolu meŋ-wo-meŋ joo la a la kebaaroolu la le, a jarita meŋ na.

Hiburunkoolu 4:13

Feŋ te keriŋ daaroo kono, meŋ si i maabo noo Alla ma. Kuwolu bee be laariŋ kenebaa le to a ñaatiliŋo la, aduŋ ate le be ǹ na kebaaroolu kontibo la.

1 Timoti 6:16

Ate dammaa le buka faa. A be sabatiriŋ mala baa le kono, hadamadiŋo te sutiyaa noo la meŋ na. Moo nene maŋ a je, aduŋ moo nene te a je noo la. Horomoo niŋ semboo be ate le ye, fo abadaa. Amiin.

2 Korintinkoolu 11:31

Maarii Yeesu la Alla, meŋ mu a Faamaa ti, ate ye a loŋ ne ko, nte maŋ tara faniyaa fo kaŋ. Tenturoo niŋ jayiroo be ate le ye fo abadaa.

2 Korintinkoolu 11:11

Muŋ daliila le ye a tinna, ŋa ñiŋ fo? Fo m maŋ ali kanu baŋ? Alla ye a loŋ ne ko, ŋa ali kanu le.

2 Korintinkoolu 5:11

Baawo ŋà Maariyo ñaasilaŋo loŋ ne, wo le ye a tinna ǹ ka a kata ka moolu sondi ate ma. Ntolu mu mennu ti, wo koyita Alla ma le, aduŋ n jikita ko, alitolu fanaa ye wo loŋ koyirinke ali sondomoolu kono le.

Kiilaalu 25:11

Wo kamma la, niŋ ŋa kuu jawoo le ke, meŋ jarita saayaa la, m maŋ balaŋ ka faa. Bari niŋ ì la n tuumiroo maŋ ke tooñaa ti, moo te n duŋ noo la ì bulu. Wo kamma la, ŋa Rooma bankoo la mansa la n kiitindoo daani.”

Kiilaalu 1:24

Wo to le ì duwaata ko, “Maariyo, ite ye moolu bee le sondomoo loŋ. A yitandi ǹ na, ite ye meŋ tomboŋ ñiŋ kee fuloo kono.

Yohana 21:17

Yeesu ko a ye sabanjanke ko, “Simoni Yohana dinkewo, fo i ye n kanu le baŋ?” Pita niyo naata kuyaa baake, kaatu wo le mu siiñaa sabanjaŋo ti, Yeesu ye a ñininkaa ko, “Fo i ye n kanu le baŋ?” Wo to le Pita ko a ye ko, “M Maarii, i ye kuwolu bee loŋ ne. Ite ye a loŋ ne ko, ŋa i kanu le.” Bituŋ Yeesu ko a ye ko, “N na saajiyolu daañini!

Malaki 3:18

Ali be naa a loŋ na le kotenke, fataŋ-fansoo meŋ be moo kuruŋolu niŋ moo tilindiŋolu teema, aniŋ Alla batulaa niŋ Alla batubaloo teema.

Mika 7:9

Ŋà junube kuwo le ke a la, wo kamma la m̀ be muña la a la kamfaa la ǹ kamma le, fo janniŋ a be loo la ǹ na kuwo la, a ye ǹ na kuwo tooñaa londi. A be m̀ fintindi la diboo kono le, ka ǹ dundi maloo kono, m̀ be a la makatibayoo je la le.

Daniyeli 11:36

“Meŋ diyaata Aramu mansa ye, a be wo le ke la. A be a faŋ sikandi la le, ka a faŋ wara alloolu bee ti. A be sookiri kuma baalu le fo la Alla Tallaa ma. A be wajabi la a kekuwolu kaŋ ne, fo Alla ye a la kamfaa jindi naŋ a kaŋ. Alla be meŋ ke la, wo te baayi la.

Daniyeli 2:47

Mansa ko Daniyeli ye ko, “Tooñaa, i la Alla le warata alla koteŋolu bee ti, aduŋ ate le mu mansoolu Maarii ti, meŋ ka kulloolu lankenemayandi. Wo le ye a tinna i ye ñiŋ kulloo kotoo fo noo.”

Yeremiya 12:3

Bari Yaawe, ite ye nte loŋ ne. I ñaa ka tara n na le, ka n sondomoo kotobo i la kuwo to. Wo moo kuruŋolu bondi banta ko ì ka taa saajiyolu mennu kanateyi, i ye ì jenkendi kara la ka ì kanateyi waatoo batu.

Jabuuroolu 136:2

Ali Alla tentu, mansoolu la Mansoo, a la kanu bambaloo be tu la le fo abadaa.

Jabuuroolu 97:7

Moolu mennu ka jalaŋ kenseŋolu batu, ì ka kibiri ì la, wolu be malu la le. Jalaŋolu bee ka boyi Yaawe ñaatiliŋo la le.

Jabuuroolu 95:3

Kaatu Yaawe warata le, aduŋ ate le mu Mansa baa ti, meŋ warata alloolu bee ti.

Jabuuroolu 82:1

Alla siita a la mansasiiraŋo kaŋ sembetiyolu la beŋo to. A ye kiitiyo teyi ì la beŋo to le ko:

Jabuuroolu 37:6

A be i la tiliŋo yitandi la le, a ye koyi lewu, aniŋ i boloo, komeŋ tilikuntewo.

Yuuba 23:10

Bari ate ka nte taaraŋ siloo loŋ ne. Niŋ a ye n kotobo, a be n tara la koyiriŋ ne ko saniforoo.

1 Samuweli 15:23

Ka Alla soosoo, wo niŋ batuutaayaa bee mu junube kiliŋo le ti. Aduŋ kanjaa niŋ jalambatoo bee kaañanta junuboo la le. I ye Yaawe la yaamaroo tiñaa le, a fanaa ye i la mansayaa palaasoo tiñaa.”

2 Musa 18:11

Saayiŋ ŋa a loŋ ne ko, Yaawe le semboo warata alloolu bee ti, kaatu a ye ñiŋ ke moolu le la, mennu ye ì faŋ wara Banisirayilankoolu ti, ka ì mantoora.”

Yosuwa 22:21

Bituŋ Rubeni lasiloo moolu, Kadu aniŋ Manase lasili talanteemoo ye Banisirayilankoolu la ñiŋ kaabiila kuntiyolu jaabi ko,

Jabuuroolu 40:9

Yaawe, i la moolu la beŋ baa to, ŋa kibaari diimaa fo le, i ye ǹ tankandi ñaameŋ. I ye a loŋ ne ko, n te n daa kaari la a foo la.

Jabuuroolu 50:1

Sembetii Baa, Yaawe* Alla diyaamuta le, a ye duniyaa moolu bee kumandi ka bo tilibo ka taa tilijii.

1 Samuweli 2:3

Ali kana tu diyaamu la ka ali faŋolu sikandi, ali si ali la kuma baalu talaa. Kaatu Yaawe mu Alla le ti, meŋ ye moo la kuwolu loŋ, aduŋ ate le ka ke moolu la kebaaroolu peesarilaa ti.

Yuuba 31:22

wo to m buloo ye kati n nonkonkuŋo to, n daboo ye farasi n dabakunkuŋo bala.

Jabuuroolu 44:22

Ite la kuwo le ye a tinna ǹ ka tu faa la, ǹ keta le ko saajiyolu mennu ñanta kanateyi la.