Yosuwa 18:8 - Mandinka Bible

⁸ Ñiŋ kewolu la parewo waatoo ka taa bankoo ñiŋ na kuwo koroosi, Yosuwa ye ñiŋ yaamaroo dii ì la le ko, “Ali taa ñiŋ bankoo bee kaŋ, ali ye a keñaa bee safee. Bituŋ ali ye muru naŋ n kaŋ jaŋ. M be alikuuroo le ke la ali teema Silo saatewo to jaŋ Yaawe ñaatiliŋo la.”

Yosuwa 18:8 ပူးပေါင်းရင်းမြစ်များ

Roomankoolu 14:19

Wo to, ali ŋà katoo kafu kuwolu to, mennu ka kayiroo saabu, aduŋ ì ka m̀ maakoyi ka ñoo bambandi.

Yosuwa 18:10

Wo le to Yosuwa naata alikuuroo ke ì teema Silo saatewo to jee, Yaawe ñaatiliŋo la. Jee le to, a naata bankoo ñiŋ talaa Banisirayila lasili toomaalu teema.

1 Samuweli 14:41

Sawulu ko Yaawe ye ko, “Muŋ ne ye a tinna, bii i maŋ n danku? Yaawe Banisirayilankoolu la Alla, n danku niŋ bere buuñaariŋolu la. Niŋ a ye a tara, Yonatani le boyita waraŋ nte, i danku niŋ Urimu la, bari niŋ i la moolu Banisirayilankoolu le taa mu, i si i danku niŋ Tummimu la.” Dankuroo naata ke Sawulu niŋ Yonatani la karoo le la, bituŋ moolu seneyaata.

Yosuwa 18:6

Niŋ ali ye bankoo la ñiŋ dulaa woorowuloo bee keñaa safee, ali ye ì samba n ye naŋ jaŋ. M be alikuuroo* le ke la ali teema Yaawe ǹ na Alla ñaatiliŋo la.

Yosuwa 18:1

Banisirayilankoolu bee benta Silo saatewo to, bituŋ ì ye Bendulaa Tiriliisi Senuŋo* wanka jee. Bankoo ñiŋ naata tara ì la maroo to.

Yosuwa 15:1

Ñiŋ bankoo le keta alikuuroo* ti Yahuuda lasiloo moolu teema, ka bo kaabiila ka taa kaabiila: Bankoo ñiŋ naanewo taata le fo Edomu bankoo bala, aniŋ ka taa fo Sini keñewuloo* bala bulubaa karoo la.

Yosuwa 13:7

Saayiŋ, ñiŋ bankoo talaa keetaafeŋo ti lasili konontoo teema, aniŋ Manase lasili talanteemoo.”

1 Musa 13:17

Wuli, i ye bankoo ñiŋ bee taama, kaatu m be naa a dii la ite le la.”

Yosuwa 18:9

Bituŋ ñiŋ kewolu wulita ka taa bankoo ñiŋ bee kaŋ. Ì ye bankoo ñiŋ na kuwo koroosi, ì ye a talaa talaadaa woorowula le ti. Aduŋ ì ye a saatewolu bee safee wo le ñaama kitaaboo kono. Bituŋ ì muruta Yosuwa kaŋ ì la daakaa to, Silo saatewo to.

Yesaya 34:17

A faŋo ye alikuuroo* ke ì la kuwo to le, a faŋo buloo le ye Edomu talaa ì teema. A be tara la ì bulu le fo abadaa, ì ye tara sabatiriŋ jee, ka bo jamaani ka taa jamaani.