Yosuwa 18:4 - Mandinka Bible

⁴ Lasili-wo-lasili, ali kee saba tomboŋ jee. M be ì kii la le ka taa ñiŋ bankoo bee kaŋ, ka jee keñaa bee safee. Ñiŋ ne be bankoo ñiŋ talaañaa sooneeyandi la. Ñiŋ kewolu bee ñanta muru la naŋ n kaŋ jaŋ ne.

Yosuwa 18:4 ပူးပေါင်းရင်းမြစ်များ

Yosuwa 18:9

Bituŋ ñiŋ kewolu wulita ka taa bankoo ñiŋ bee kaŋ. Ì ye bankoo ñiŋ na kuwo koroosi, ì ye a talaa talaadaa woorowula le ti. Aduŋ ì ye a saatewolu bee safee wo le ñaama kitaaboo kono. Bituŋ ì muruta Yosuwa kaŋ ì la daakaa to, Silo saatewo to.

Yosuwa 18:6

Niŋ ali ye bankoo la ñiŋ dulaa woorowuloo bee keñaa safee, ali ye ì samba n ye naŋ jaŋ. M be alikuuroo* le ke la ali teema Yaawe ǹ na Alla ñaatiliŋo la.

Yosuwa 18:3

Bituŋ Yosuwa naata a fo ì ye ko, “Ali be i batu la fo waati jumaa le la, ka bankoo taa Yaawe* ali faañolu la Alla ye meŋ dii ali la?

Yosuwa 4:2

“Ali kee taŋ niŋ fula tomboŋ ñiŋ moolu kono, lasili-wo-lasili kee kiliŋ.

Yosuwa 3:12

Wo to saayiŋ, ali kee taŋ niŋ fula tomboŋ ka bo Banisirayila lasiloolu kono, lasili-wo-lasili kee kiliŋ.

4 Musa 13:2

“Ñaatonka kiliŋ tomboŋ lasili-wo-lasili kono. I ye ì kii ka taa Kanaani bankoo kullootoo juubee, m be naa meŋ dii kaŋ Banisirayilankoolu la.”

4 Musa 1:4

Lasili-wo-lasili kee kiliŋ, dimbaayaa ñaatonkoo, wo le ñanta ke la ali maakoyilaa ti.

Yosuwa 18:5

Ali ñanta bankoo ñiŋ talaa la siidulaa woorowula le ti. Yahuuda, wo ñanta tu la a noo to le, a be daameŋ bulubaa karoo la, aniŋ Yusufa koomalankoolu, wolu fanaa ñanta tu la ì noo to le maraa karoo la.

Mika 2:5

Niŋ waatoo siita ka ñiŋ kenoolu murundi ka bo alikuuroo la, ali te moo soto la Yaawe la moolu kono, meŋ be soŋ na ka sumandiroo ke ali ye.