Yosuwa 18:14 - Mandinka Bible

¹⁴ Bituŋ a muruta wo la ka bo konkoo ñiŋ tilijii kara maafaŋo to la, ka tiliŋ wo la Kiriyati-Baali bulubaa karoo la. Kiriyati-Baali, ì ka ate le fanaa kumandi Kiriyati-Yeyarimu la. Ñiŋ saatewo be Yahuuda lasiloo moolu le la maroo to. Ñiŋ ne mu tilijii kara maafaŋo naanewo ti.

Yosuwa 18:14 ပူးပေါင်းရင်းမြစ်များ

Yosuwa 15:9

Ka bo konkoo kaŋ na, naanewo ñiŋ taata le fo Nefutowa Woyoo bala ka tenteŋ wo la fo saatewo doolu to la, mennu be Efuroni Konkoo daala. A muruta naŋ wo la ka naa Baala saatewo to la. Ì ka ñiŋ saatewo kumandi Kiriyati-Yeyarimu fanaa la le.

2 Samuweli 6:2

A niŋ a la kewolu bee bota Baala, meŋ be Yahuuda bankoo kaŋ ka Alla la Kambeŋ Kunewo* bondi naŋ jee. Ì ka Kambeŋ Kunewo kumandi Yaawe* Alihawaa Maariyo* too le la, meŋ be sabatiriŋ kerubu malaayikoolu* teema, mennu be Kambeŋ Kunewo kaŋ.

Yosuwa 15:60

Kiriyati-Baali, ì ka jee kumandi Kiriyati-Yeyarimu fanaa la le, aniŋ Raba. Ì taata kaañaŋ saatee baa fula le fee, ì niŋ ì dandanna saateeriŋolu.

Yosuwa 9:17

Bituŋ Banisirayilankoolu naata paree taamoo la. Tili sabanjaŋ luŋo, ì naata futa Kibeyoninkoolu la saatewolu to: Kibeyoni, Kefira, Beeroti aniŋ Kiriyati-Yeyarimu.

Yosuwa 18:13

Ka bo wo to la, a taata wo la Lusi konko jindaalu la, bulubaa karoo la; Lusi, ì ka ate le fanaa kumandi Beteli la. Bituŋ a tententa wo la ka taa Ataroti-Adari fo konkoo to, meŋ be Beti-Horoni-Duuma ye bulubaa karoo la.

Yosuwa 18:15

Bulubaa karoo la, naanewo ñiŋ datita Kiriyati-Yeyarimu kenekoomoo le to tilijii karoo la. Bituŋ a naata wo la fo Nefutowa Woyoo bala.

1 Samuweli 13:18

kafu doo taata Beti-Horoni, labaŋo taata naanewo to, meŋ be Seboyimu wulumbaŋo niŋ keñewuloo* daala.