Yosuwa 17:17 - Mandinka Bible

¹⁷ Bari Yosuwa ko Yusufa lasiloo moolu ye le ko, Efurayimu aniŋ Manase, “Tooñaa-tooñaa, ali siyaata le, aduŋ ali ye sembe baa le soto. Ali maŋ ñaŋ na bankoo kara kiliŋ doroŋ soto la.

Yosuwa 17:17 ပူးပေါင်းရင်းမြစ်များ

Yosuwa 17:16

Bari Yusufa lasiloo moolu ko a ye le ko, “Konkotundoo dammaa maŋ kaañaŋ ntolu fee. Aduŋ kene fanuŋo to, Kanaaninkoolu le be sabatiriŋ jee, ì niŋ ì la keleraŋ neesareetoolu*. Mennu be Beti-Sani maafaŋo la, a niŋ a dandanna saateeriŋolu, aniŋ mennu be sabatiriŋ Yesireeli Wulumbaŋo kono, fanaa bee be wo le ñaama.”

Yosuwa 17:18

Konkotundoo fanaa be ke la ali taa le ti. Sutoo le mu jee ti, bari ali si jee teyi noo le fo a dandulaa to ka ke ali taa ti. Kanaaninkoolu ye keleraŋ neesareetoolu soto ñaa-wo-ñaa, aniŋ ì la bambaŋo bee, ali be ì bayi noo la jee le.”

1 Samuweli 1:1

Kewo doo le mu, a bota Ramatayimu le, Sufu koomalankoo le mu, aduŋ a bota Efurayimu* konkotundoo* le kaŋ. A too mu Elikana le ti. A mu Yerohamu dinkewo le ti, Yerohamu Elihu dinkewo, Elihu Tohu dinkewo, Tohu Sufu dinkewo, Efurayimu bonsuŋo.

1 Musa 48:16

Aduŋ a la malaayikoo le ye n tanka kooroo kuwo bee ma. Allamaa Alla ye neema ke ñiŋ kambaanendiŋolu ye. Allamaa n too niŋ n na moo foloolu Iburayima niŋ Isiyaaka toolu ye tu keriŋ ka bo niŋ ñinnu la. Allamaa ì ke la jiidilaa ti, ì ye siyaa duniyaa kono.”