Yosuwa 17:14 - Mandinka Bible

¹⁴ Luŋ kiliŋ Yusufa lasiloo moolu ko Yosuwa ye ko, “Muŋ ne ye a tinna, ite ye bankoo kara kiliŋ doroŋ dii ntolu la? Ntolu siyaata le, aduŋ Yaawe neemata ntolu ma baake le.”

Yosuwa 17:14 ပူးပေါင်းရင်းမြစ်များ

1 Musa 48:22

Ŋa kenoo meŋ taa Amorinkoolu bulu n na hawusaroo* niŋ n na kalabeñoo la, ŋa wo dulaa dii i la le saayiŋ ka lafaa i taa kaŋ, i niŋ i kotookewolu niŋ i doomaa ye meŋ talaa.”

1 Musa 48:19

Bari a faamaa maŋ soŋ, a ko a ye ko, “Ŋa a loŋ ne, n diŋo, ŋa a loŋ ne. A fanaa be naa ke la lasiloo le ti, a be ke la moo baa le fanaa ti. Bari a si ke ñaa-wo-ñaa, a doomaa Efurayimu le la kuwo be wara la a ti, a koomoo be siyaa la le famfaŋ ka ke lasili jamaa ti.”

4 Musa 13:7

Isakari lasiloo to, Ikali, Yusufa dinkewo,

Yosuwa 16:4

Ñiŋ bankoo le keta keetaafeŋo ti Manase lasiloo moolu ye, aniŋ Efurayimu* moolu, mennu mu Yusufa koomalankoolu ti.

Yosuwa 17:15

Bituŋ Yosuwa naata a fo ì ye ko, “Niŋ ali siyaata, aduŋ Efurayimu konkotundoo* dooyaabaata ali fee, wo to ali taa wuloo kono, ali ye kenoo teyi ali faŋolu ye, Perisi koomalankoolu niŋ Rafa koomalankoolu la kenoolu to.”

Esekiyeli 48:5

“Efurayimu* be dulaa kiliŋ ne soto la wo kenoo to, a niŋ Manase ye naanee bulubaa karoo la. A be bo la a tilibo karoo naanewo le to, ka taa fo tilijii karoo naanewo to.

1 Musa 48:20

Wo le to a ye neemoo daani ì ye wo luŋo la, ka a fo ko, “Niŋ Banisirayilankoolu be neemoo daani la moo-wo-moo ye, ì be a fo la le ko, ‘Allamaa Alla ye i ke ko Efurayimu niŋ Manase.’ ” Bituŋ a ye Efurayimu la kuwo tambindi Manase la.

4 Musa 26:54

Lasili baalu niyo warandi, i ye lasilindiŋolu niyo dooyandi. Lasili-wo-lasili a ñanta a niyo soto la le ko kewo meŋ nankamoo safeeta jee.

4 Musa 36:12

Ì futuuta Manase, Yusufa dinkewo koomalanka kaabiila moolu le ye, bituŋ ì la keetaafeŋo tuta ì faamaa bota lasiloo meŋ kono.