Yosuwa 17:13 - Mandinka Bible

¹³ Kabiriŋ Banisirayilankoolu ye semboo soto, ì maŋ Kanaaninkoolu bayi jee fereŋ, bari ì ka ì foriseetoo dookundi le.

Yosuwa 17:13 ပူးပေါင်းရင်းမြစ်များ

Yosuwa 16:10

Bari ì maŋ Kanaaninkoolu bayi, mennu be sabatiriŋ Keseri. Wo kamma la, Kanaaninkoolu niŋ Efurayimu lasili moolu tarata sabatiriŋ ñoo kaŋ ne, fo ka naa bula bii tiloo la. Bari ì ka Kanaaninkoolu foriseetoo dookundi le.

Filipinkoolu 4:13

N ka kuwolu bee ke noo ka bo niŋ ate le la, meŋ ka n sembentuŋyaa.

2 Pita 3:18

Wo noo to, ali si yiriwaa m̀ Maarii niŋ ǹ na Kiisandirilaa Yeesu Kiristu* la hiinoo niŋ a loŋo kono. Tenturoo niŋ jayiroo be ate le ye, saayiŋ aniŋ fo abadaa. Amiin.

Efesusinkoolu 6:10

Labaŋo la, ali bambaŋ Maariyo kono, a la sembe baa ye ali sembentuŋyaa.

2 Samuweli 3:1

Keloo meŋ keta Sawulu la moolu niŋ Dawuda la moolu teema, ye waati jaŋ ne taa. Dawuda semboo ka tu lafaa la le doroŋ, bari Sawulu la moolu, wolu semboo ka tu dooyaa la le.

Kiitindirilaalu 1:35

Amorinkoolu fanaa tuta sabatiriŋ Hari-Heresi, Ayaloni aniŋ Saalibimu le. Kabiriŋ Yusufa koomalankoolu semboo warata, ì naata ì fanaa foriseetoo dookundi.

Kiitindirilaalu 1:33

Nafutali lasiloo moolu maŋ Beti-Semesinkoolu aniŋ Beti-Anatinkoolu bayi noo. Bituŋ ì fanaa niŋ Kanaaninkoolu tarata sabatiriŋ ñoo kaŋ ne, mennu be wo bankoo ñiŋ kaŋ. Bari ì ka Beti-Semesinkoolu niŋ Beti-Anatinkoolu foriseetoo dookundi le.

Kiitindirilaalu 1:30

Sebuluni lasiloo moolu fanaa maŋ Kanaaninkoolu bayi noo, mennu be sabatiriŋ Kitironi, aniŋ Nahaloli. Ì tuta sabatiriŋ ì fee jee le, bari ì ka ì foriseetoo dookundi le.

Kiitindirilaalu 1:28

Kabiriŋ Banisirayilankoolu ye semboo soto, ì ye Kanaaninkoolu foriseetoo dookundi le, bari ì maŋ ì bee bayi noo bankoo ñiŋ kaŋ fereŋ.

1 Musa 49:15

I be a je la wo le to, dahaa diyaa mu meŋ ti, aniŋ bankoo niiseewoo mu meŋ ti. I ka i sañoo jimi dunoo le ye, i keta joŋo le ti ka foriseetoo dookuwo ke.

1 Mansoolu 9:21

Ì mu moolu le koomalankoolu ti Banisirayilankoolu maŋ mennu baŋ noo faa la. Sulemani ye ì diyaakuyaa dookundi a faŋo ye ko joŋolu, aduŋ a be wo le ñaama ka naa bula bii la.