Yosuwa 17:11 - Mandinka Bible

¹¹ Isakari niŋ Aseri la tundoolu kono, saatewo doolu fanaa naata tara Manase la maroo to jee le, saatee baalu, ì niŋ ì dandanna saateeriŋolu. Ñiŋ saatewolu le mu Beti-Sani ti, Ibuleyamu, Endori, Taanaki, Mekido aniŋ Dori. Ì ka Dori kumandi Nafoti la le fanaa.

Yosuwa 17:11 ပူးပေါင်းရင်းမြစ်များ

1 Taarika 7:29

Ì taata fo Manase lasiloo la naanewolu fanaa to, Beti-Sani, Taanaki, Mekido aniŋ Dori, ì niŋ ì dandanna saateeriŋolu. Yusufa, Isirayila dinkewo, a koomalankoolu sabatita jee le to.

2 Mansoolu 9:27

Kabiriŋ Yahuuda mansa Ahasiya ye a je meŋ keta, a borita ka taa Beti-Hakani saatewo maafaŋo la. Yehu ye a bayindi, aduŋ a sarita ka a fo ko, “Ali a fanaa faa.” Bituŋ ì ye a barama a la keleraŋ sareetoo kono siloo kaŋ meŋ ka sele ka taa Kuri, daameŋ to be Ibuleyamu daala. A kanata ka taa Mekido, bituŋ a naata faa jee.

Kiitindirilaalu 5:19

Mansakewolu naata, ì niŋ ì keleta: Kanaani mansoolu ye keloo ke Taanaki le, Mekido jiiborindoolu to, bari ì maŋ kodiforo samba ka bo jee.

Kiitindirilaalu 1:27

Manase lasiloo moolu maŋ Beti-Saninkoolu, Taanaki, Dori, Ibuleyamu, Mekido, aniŋ ì dandanna saateeriŋolu bayi noo. Kaatu Kanaaninkoolu tarata bambandiŋ ne ka sabati wo bankoo kaŋ.

Yosuwa 12:23

Dori mansa meŋ be Dori tundoo kaŋ, Koyimu mansa meŋ be Kilikali,

Jabuuroolu 83:10

Wolu mennu kasaarata Endori, ì furewolu tolita bankoo to.

1 Mansoolu 9:15

Sulemani ye diyaakuyaa dookuwo le taamandi ka Yaawe Batudulaa Buŋo loo, aniŋ a faŋo la mansasuwo, aniŋ saatewo la sapoolu, ka taa Yerusalaamu tata sansaŋo, aniŋ Hasori, Mekido, aniŋ Keseri.

1 Samuweli 31:10

Wo to le ì ye a la kelejooraŋolu ke ì la jalammusoo Asitoreti* la buŋo kono, aduŋ ì ye a baloo pempeŋ Beti-Sani saatewo tata sansaŋo le bala.

1 Samuweli 28:7

Wo to le Sawulu ko a la dookuulaalu ye ko, “Ali musoo ñini n ye, meŋ ka furewolu kumandi, fo n si taa a ñininkaa.” Ì ko a ye ko, “Kiliŋ be Endori le.”

Yosuwa 11:2

aniŋ mansoolu mennu be konkotundoo* kaŋ maraa karoo la, Araba* tundoo la Kinnereti bulubaa kara maafaŋo la, Sefela* konkotundoo la, aniŋ Dori tundoo kaŋ tilijii karoo la.

Jakariya 12:11

Wo luŋo la, woosiyo be ke la Yerusalaamu le kendeke, ko a keta nuŋ Hadadi-Rimmoni ñaameŋ, Mekido kene fanuŋo to.

2 Taarika 35:22

Bari Yosiya maŋ soŋ na bo la a nooma. A ye a faŋo muluŋo faliŋ ka a kele. A maŋ a tuloo tu kumoo to, Alla ye meŋ duŋ Neko daa, a taata duŋ keloo kono Mekido kene fanuŋo to.

1 Taarika 6:70

Ka bo Manase lasili talanteemoo taa to, ì ye Aneri niŋ Bileyamu dii Kohati koomalanka toomaalu le la, ì niŋ ì beeyaŋ daañini dulaalu.

1 Samuweli 31:12

ì la kee fatiŋolu bee ye suutoo taama le fo Beti-Sani. Ì ye Sawulu niŋ a dinkewolu furewolu bondi Beti-Sani saatee sansaŋo bala, ì ye ì samba Yabesi, ì ye ì jani jee le to.

Yosuwa 16:9

saatee baalu niŋ saateeriŋolu bee, ì ye mennu jenkendi ì ye kara la, ka bo Manase lasili moolu la kewo to.

Yosuwa 12:21

Taanaki mansa, Mekido mansa,

Yosuwa 17:10

Meŋ be bulubaa karoo la, wo be Efurayimu la maroo le to. Bituŋ meŋ be maraa karoo la, wo be Manase la maroo to. Bituŋ Baa Baa, wo le keta ì naanewo ti tilijiyo la. Manase la bankoo maraa karoo la, a niŋ Aseri lasiloo moolu la bankoo le naaneeta wo to. Bituŋ tilibo karoo la, a niŋ Isakari lasiloo moolu la bankoo naaneeta wo to.

Yosuwa 17:16

Bari Yusufa lasiloo moolu ko a ye le ko, “Konkotundoo dammaa maŋ kaañaŋ ntolu fee. Aduŋ kene fanuŋo to, Kanaaninkoolu le be sabatiriŋ jee, ì niŋ ì la keleraŋ neesareetoolu*. Mennu be Beti-Sani maafaŋo la, a niŋ a dandanna saateeriŋolu, aniŋ mennu be sabatiriŋ Yesireeli Wulumbaŋo kono, fanaa bee be wo le ñaama.”

2 Samuweli 21:12

a taata, a ye Sawulu niŋ a dinkewo Yonatani kuloolu taa, ka bo naŋ Yabesi-Kileyadinkoolu bulu. Kabiriŋ Filisitinkoolu ye Sawulu niŋ Yonatani faa nuŋ Kilibowa konkoo kaŋ, Yabesi-Kileyadi kewolu ye ì furewolu kullootoo taa le nuŋ saatee bantabaa to meŋ be Beti-Sani, Filisitinkoolu ye ì deŋ daameŋ.

Yeremiya 49:2

Wo kamma la, luŋolu be naa le, nte Yaawe le ye a fo, tuma meŋ m be kele wuuroo maamandi la Raba kamma, Ammoninkoolu la saatee baa. A be ke la tumbuŋ tuŋo le ti, ì ye dimbaa duŋ a saateeriŋolu la. Wo to le Banisirayila be moolu la banku kenoolu taa la, mennu ye a la bankoo taa.” Yaawe le ye a fo.