Yosuwa 13:27 - Mandinka Bible

²⁷ Ì ye ñiŋ dulaalu le soto Yoridani Wulumbaŋo kono: Beti-Haramu, Beti-Nimura, Sukoti aniŋ Safoni, aniŋ Hesiboni mansa Sihoni la mansamarali banku toomaa bee Yoridani tilibo karoo la. Yoridani Boloŋo le mu ì la naanewo ti tilijii karoo la, ka taa fo Kinnereti Baa bala maraa karoo la.

Yosuwa 13:27 ပူးပေါင်းရင်းမြစ်များ

4 Musa 34:11

Naanewo ñiŋ be taa la le ka bo Sefamu ka taa fo Ribula, Ayini tilibo kara maafaŋo la, a ye tenteŋ konkoriŋolu to la Kinnereti Baa tilibo kara maafaŋo la.

4 Musa 32:36

Beti-Nimura, aniŋ Beti-Harani ka ke saatee tatariŋolu ti, ì ye taradulaalu sansaŋ ì la beeyaŋolu fanaa ye.

1 Musa 33:17

Bari Yaakuba taata Sukoti le, a ye buŋo loo a faŋo ye jee, aniŋ a ye jembereŋolu loo a la beeyaŋolu ye. Wo kamma la ì naata wo dulaa kumandi Sukoti la.

Yosuwa 11:2

aniŋ mansoolu mennu be konkotundoo* kaŋ maraa karoo la, Araba* tundoo la Kinnereti bulubaa kara maafaŋo la, Sefela* konkotundoo la, aniŋ Dori tundoo kaŋ tilijii karoo la.

5 Musa 3:17

Tilijii karoo naanewo bota niŋ Yoridani Boloŋo le la ka taa niŋ Koojii Baa bulubaa kara maafaŋo la, ka kuntu niŋ Kinnereti Baa maraa karoo la, ka taa fo Pisika Konko jindaa la, tilibo karoo la.

Luka 5:1

Luŋ doo le la, Yeesu be looriŋ Kennesareti Baa daala, moolu tarata ñoo ñoroo la a kaŋ fo ì si Alla la kumoo moyi.

1 Mansoolu 7:46

A ye ì dadaa Mansa ye potoo muuloolu le la Yoridani Boloŋo kene fanuŋo kono Sukoti niŋ Saretani teema.

Yosuwa 12:3

Ate le ye Araba tundoo tilibo karoo la fanaa mara ka taa fo Kinnereti Baa bala, aniŋ ka taa fo Araba Baa bala. Wo le mu Koojii Baa ti meŋ ñaa be tilindiŋ Beti-Yesimoti maafaŋo la. Bulubaa karoo la, a ye bankoo doo fanaa mara Pisika Konko jindaalu la.

4 Musa 32:3

“Ñiŋ tundoo, Banisirayilankoolu ye meŋ taa Yaawe* la deemaaroo kaŋ, Ataroti saatewo be daameŋ, Diboni saatewo, Yaseri saatewo, Nimura saatewo, Hesiboni saatewo, Eleyale saatewo, Sebamu saatewo, Nebo saatewo aniŋ Beyoni saatewo, baluudulaa kende baalu le mu beeyaŋolu ye, aduŋ beeyaŋo be siyaariŋ ntolu bulu le.

Yosuwa 13:26

Ì la bankoo la waroo taata le ka bo Hesiboni ka taa fo Ramati-Misipa aniŋ Betonimu, aniŋ ka bo Mahanayimu ka taa fo Debiri naanewo bala.

Yosuwa 13:28

Ñiŋ saatee baalu niŋ ì daala saateeriŋolu le mu Kadu koomalankoolu la keetaafeŋo ti ka bo kaabiila ka taa kaabiila.

Jabuuroolu 60:6

Alla ye ñiŋ ne laahidi a la seneyaa kaŋ ko: “N na nooroo kaŋ, ka bo tiliboo la, m be Sekemu tundoo talaŋ-talaŋ na le, ka taa tilijiyo la, ŋa Sukoti Wulumbaŋo niilaa.