Yosuwa 13:11 - Mandinka Bible

¹¹ Kileyadi fanaa be ate le kono, Kesuri aniŋ Maakatinkoolu la tundoo, Herimoni Konkoo bee, aniŋ Basani bee, ka taa fo Saleka,

Yosuwa 13:11 ပူးပေါင်းရင်းမြစ်များ

1 Taarika 2:23

Bari Kesurinkoolu niŋ Aramunkoolu naata Yayiri taa a bulu, aniŋ Kenati niŋ a saateeriŋolu. Ì ye saatewolu mennu noo, a bee taata kaañaŋ saatee taŋ wooro le fee. Ñinnu bee mu Kileyadi faamaa Makiri koomalankoolu le ti.

1 Musa 37:25

Bituŋ ì taata sii ka domoroo ke. Kabiriŋ ì ye ì kuŋolu wulindi santo, ì ye juloolu je, Isimayila koomalankoolu. Ì ka naa ka bo Kileyadi ka taa Misira, ì niŋ ì la ñonkomoolu, ì la marisandiisoolu be laariŋ mennu koo to.

4 Musa 32:29

A ko ì ye ko, “Kadu lasiloo kee-wo-kee, aniŋ Rubeni lasiloo kee-wo-kee niŋ a ye jooraŋo sika, a niŋ ali teyita Yoridani Boloŋo la Yaawe ñaatiliŋo la, wo to niŋ ali ye bankoo ñiŋ taa, ali ye Kileyadi tundoo dii ì la ka ke ì taa ti.

5 Musa 3:10

Ŋà Basani mansa Oki la saatewolu bee le taa mennu be konkoo kaŋ Kileyadi tundoo kaŋ ka taa fo tilibo karoo saatee fuloo to mennu mu Saleka niŋ Edireyi ti.

Yosuwa 11:3

Mansa Yabini ye kumoo kii Kanaaninkoolu fanaa ye le, mennu be tilijiyo niŋ tiliboo la, Amorinkoolu, Hitinkoolu, Perisi koomalankoolu aniŋ Yebusinkoolu, mennu be sabatiriŋ konkotundoo kaŋ, aniŋ Hiwinkoolu, Herimoni* konkosiŋo la Misipa bankoo kaŋ.

Yosuwa 13:2

“Ñiŋ ne mu bankoo ti meŋ tuta jee: Filisitinkoolu niŋ Kesurinkoolu la tundoolu bee,

Yosuwa 13:10

A taata le fo ka bula Ammoninkoolu la naanewo la, aniŋ saatewolu bee, Amori mansa Sihoni meŋ ye maraloo ke Hesiboni, ye mennu mara nuŋ.

Yosuwa 13:25

Yaseri tundoo la, saatewolu mennu bee be Kileyadi, aniŋ Ammoni bankoo talanteemoo, ka taa fo Aroweri, Raba daala.

Yosuwa 17:5

Ñiŋ ne ye a tinna, Manase lasiloo moolu ye nii taŋ soto bankoo ñiŋ to. Ì ye niyo soto Kileyadi tundoo fanaa kaŋ ne, aniŋ Basani, Yoridani tilibo karoo la,

1 Taarika 5:11

Kadu koomalankoolu le tarata sabatiriŋ ì daala Basani tundoo kaŋ, ka taa fo Saleka.

1 Samuweli 13:7

Doolu teyita niŋ Yoridani Boloŋo le la, ka duŋ Kadu niŋ Kileyadi bankoo kaŋ. Sawulu be nuŋ Kilikali le, aduŋ moolu mennu be nuŋ a fee silata le fo ì ka jarajara.