Yosuwa 12:2 - Mandinka Bible

² Mansakee foloo, wo le mu Sihoni ti, Amori mansa meŋ sabatita Hesiboni. Ate le ye Kileyadi tundoo talanteemoo bee mara ka bo Aroweri, Arinoni Wulumbaŋo daala, ka bo wulumbaŋo teema maafaŋo la, ka taa fo Yaboki Boloŋo bala meŋ mu Ammoninkoolu la naanewo ti.

Yosuwa 12:2 ပူးပေါင်းရင်းမြစ်များ

1 Musa 32:22

Wo suuto kiliŋo la, Yaakuba wulita, a ye a la musu fuloo taa, a la kaŋ foroyandi musu* fuloo, aniŋ a diŋ taŋ niŋ kiliŋo, ì teyita niŋ Yaboki teyidulaa la.

Jabuuroolu 135:11

komeŋ Sihoni, Amorinkoolu la mansa, aniŋ Oki, Basani tundoo mansa, aniŋ Kanaani mansamarali bankoolu bee.

Nehemiya 9:22

“I ye mansamarali bankoo dii ì la, aniŋ banku koteŋolu moolu, aduŋ i ye tonkoŋ-wo-tonkoŋ talaŋ-talaŋ ì teema le. Ì ye Sihoni la bankoo taa le, Hesiboni saatewo mansakewo, aniŋ Oki la bankoo, Basani tundoo mansakewo.

Kiitindirilaalu 11:22

Ì ye Amorinkoolu la bankoo bee muta ì bulu, ka bo Arinoni Wulumbaŋo to ka taa fo Yaboki Boloŋo, aniŋ ka bo keñewuloo kono ka taa fo Yoridani Boloŋo to.

Kiitindirilaalu 11:13

Ammoninkoolu la mansa ye Yefuta la kiilaalu jaabi ko, “Ñiŋ ne ye a saabu: Kabiriŋ Banisirayilankoolu bota Misira, ì ye n na bankoo taa le ka bo Arinoni Wulumbaŋo to ka taa fo Yaboki Boloŋo to, aniŋ ka taa fo Yoridani Boloŋo to. Saayiŋ, a seyindi kayiroo kono.”

1 Taarika 5:8

aniŋ Bela. Bela, Asasi dinkewo, Asasi, Sema dinkewo, Sema, Yoweli dinkewo, meŋ tarata sabatiriŋ Aroweri, ka taa wo la fo Nebo aniŋ Baali-Mewoni.

Yeremiya 48:19

Alitolu Aroweri saatee moolu, ali taa loo sila daala baŋ. Ali keleborilaa kewolu niŋ musoolu kiliŋ-kiliŋ ñininkaa ko, ‘Muŋ ne keta?’

5 Musa 1:4

Ñiŋ keta biriŋ a ye Amorinkoolu la mansa Sihoni noo keloo to, meŋ tarata maraloo la Hesiboni saatewo to. Wo waati kiliŋo la le a ye Basani tundoo Mansa Oki fanaa kele, a ye a noo, meŋ tarata maraloo la nuŋ Asitaroti niŋ Edireyi saatewolu to.