Yosuwa 10:20 - Mandinka Bible

²⁰ Bituŋ Yosuwa niŋ Banisirayilankoolu ye ì bee faa faañaa jawu baa la, ì ye ì bee kasaara le cewu, fo moo dantaŋ, wolu le kanata ka duŋ ì la saatee tatariŋolu kono.

Yosuwa 10:20 ပူးပေါင်းရင်းမြစ်များ

Yosuwa 8:24

Banisirayilankoolu ye Ayinkoolu bee baŋ faa la kenoolu to jee, ì be ì bayindi kaŋ nuŋ daameŋ. Kabiriŋ ì ye ì bee kiliŋ-kiliŋ faa hawusaroo la, Banisirayilankoolu bee muruta Ayi saatewo kono ka moolu faa, mennu be jee.

Yeremiya 8:14

Yahuuda moolu ko: “Ǹ ka muŋ ne sii jaŋ? Ali ŋà kafu ñoo ma, ŋà bori saatee tatariŋolu kono, hani niŋ a ye a tara m̀ be faa la jee, kaatu saayaa, Yaawe ǹ na Alla ye wo le parendi ǹ ye, a ye kunoo le dii ǹ na ka a miŋ, kaatu ŋà junuboo le ke a la.

2 Taarika 13:17

Abiya niŋ a la kelediŋolu ye ì kasaara jawuke. Jee to, ì ye Banisirayila kelediŋ tombondiŋ wuli keme luulu le faa.

2 Samuweli 20:6

Dawuda ko Abisayi ye ko, “Saayiŋ Seba Bikiri dinkewo be kuu jawu tambiriŋo le ke la ǹ na, ka tambi Abusalomu ye meŋ ke. I la keebaa la kewolu taa, i ye a bayindi, niŋ wo nte a be duŋ na saatee tatariŋolu kono le, a ye kana m̀ ma.”

Yosuwa 10:10

Yaawe ye ì kijoo teyi le, kabiriŋ ì ye Banisirayilankoolu hayinaŋ. Ate le ye a tinna, Banisirayilankoolu ye ì noo kendeke keloo to, meŋ keta Kibeyoni. Ate le ye a tinna fanaa, ì ye ì bayi fo Beti-Horoni Konko seleraŋ siloo kaŋ. Ì tententa ka ì faa ka taa fo Aseka aniŋ Makeda.

5 Musa 20:16

Bari Yaawe be naa bankoo meŋ dii la ali la ka ke ali taa ti, niŋ ali ye wo saatewolu muta, ali ñanta le ka jee niilamaalu bee faa.

Yosuwa 10:19

Bari ali faŋolu kana tu jee. Ali tenteŋ ka ali jawoolu nooma, ali ì kele ka bo ì kooma la. Ali kana soŋ ì ye futa ì la saatewolu ma. Yaawe ali la Alla le ye ì duŋ ali buloo kono.”

Yosuwa 10:21

Bituŋ kelediŋ kafoo bee muruta kayira kono Yosuwa kaŋ daakaa to meŋ be Makeda, aduŋ hani moo maŋ haañi ka kuma fo Banisirayilankoolu ma.

Yeremiya 4:5

Yaawe ko: “Kibaaroo fo Yahuuda kono, i ye kankulaaroo ke Yerusalaamu kono, ka a fo moolu ye ko: ‘Ali binoo fee bankoo bee kaŋ!’ Sari santo ka a fo ì ye ko, ‘Ali beŋ ñoo kaŋ, ali ye bori ka taa saatee tatariŋolu kono.’

Yosuwa 11:8

Yaawe ye ì duŋ Banisirayilankoolu bulu le. Ì ye ì noo le ka ì bayi fo Sidoni saatee baa to, Misirefoti-Mayimu, aniŋ Misipa Wulumbaŋo kono tiliboo la. Ì maŋ hani moo kiliŋ ne tu baluwo to jee.

Yosuwa 11:12

Ñiŋ saatewolu mennu bee ye mansoolu soto, Yosuwa ye ì bee le taa. A ye ì la mansoolu bee faa hawusaroo la. A ye ì bee le kasaara, ko Musa Yaawe la dookuulaa ye a yaamari ñaameŋ.

1 Mansoolu 20:21

Banisirayila mansa la nooroo kafuta, aduŋ ì ye Aramunkoolu faa baake, aniŋ ì ye ì la suwoolu niŋ keleraŋ sareetoolu muta.