Yosuwa 1:9 - Mandinka Bible

⁹ Kana ñina ŋa yaamaroo meŋ dii i la, ka fatiyaa, aniŋ ka bambaŋ. Kana sila, i kana jikilateyi, kaatu nte Yaawe i la Alla le be tara la i fee, i taata daa-wo-daa.”

Yosuwa 1:9 ပူးပေါင်းရင်းမြစ်များ

1 Musa 28:15

A loŋ ko, m be i fee le, aduŋ m be i tanka la le, i taata daa-wo-daa, aduŋ nte le be i murundi la naŋ ñiŋ bankoo kaŋ jaŋ. N te i tu la jee, fo niŋ ŋa n na laahidoo timmandi i ye.”

5 Musa 20:1

Musa tententa ka a fo Banisirayilankoolu ye ko: Niŋ ali fintita ka taa ali jawoolu kele, ali ye keleraŋ sareetoolu* je aniŋ suwoolu, aniŋ kelediŋ kafoo meŋ siyaata ali taa ti, ali kana sila ì la. Kaatu Yaawe* ali la Alla meŋ ye ali bondi naŋ Misira bankoo kaŋ, a be tara la ali fee le.

Jabuuroolu 46:7

Yaawe* Alihawaa Maariyo* be ntolu fee le. M̀ mumu Yaakuba la Alla le mu ǹ ye tankadulaa ti. S

Yesaya 43:1

Wo to saayiŋ, Yaawe* meŋ ye ite Yaakuba daa, a ye muluŋo ke ite Banisirayila la, a ye ñiŋ ne fo ko: “Ali kana sila, kaatu ŋa ali kumakaa le, ŋa ali kumandi ali too le la ka ke m faŋo taa ti.

Yesaya 43:5

“Ali kana sila, kaatu m be ali fee le. M be ali diŋolu bondi la naŋ tilibo karoo la, ŋa ali bee naati tilijii karoo la.

Kiitindirilaalu 6:14

Bituŋ Yaawe ye a ñaa tiliŋ a la, a ko a ye ko, “Taa niŋ i semboo bee la, i ye Banisirayilankoolu tankandi ka bo Midiyaninkoolu bulu. Nte faŋo le be i kii kaŋ!”

2 Samuweli 13:28

Abusalomu ye a la kewolu yaamari ko, “Ali i lamoyi! Niŋ Amunoni ye doloo miŋ, fo a siirata, aduŋ n ko ali ye ko, ali a faa, ali si a faa. Ali kana sila. Fo nte le maŋ ali yaamari, ka a ke baŋ? Ali si fatiyaa, ali ye bambaŋ!”

Kiilaalu 4:19

Bari Pita niŋ Yohana ye ì jaabi ko, “Ali ñiŋ kuwo kiitii ali faŋolu fee: Fo ñiŋ tilinta Alla ñaatiliŋo la le, ka alitolu la yaamaroo muta, diina Alla la yaamaroo ti?

5 Musa 31:28

Ali ali la lasili ñaatonkoolu niŋ alifaalu bendi n ñaatiliŋo la, fo n si ñiŋ kumakaŋolu bee fo ì ye, saŋo niŋ bankoo ye ke ǹ teema seedoo ti.

5 Musa 1:21

A fele, Yaawe ali la Alla ye bankoo ñiŋ dii ali la le. Ali taa ka jee ke ali taa ti, ko Yaawe, ali mumuñolu la Alla ye a fo ali ye ñaameŋ. Ali kana sila waraŋ ka jikilateyi.”

Yosuwa 1:10

Bituŋ Yosuwa ye kaŋo dii a la moolu la ñaatonkoolu la ko,

Yosuwa 1:17

Ko ŋà Musa batu ñaameŋ, m̀ be i fanaa batu la wo le ñaama. Allamaa Yaawe i la Alla ye tara i fee, ko a be nuŋ Musa fee ñaameŋ.

Yosuwa 8:1

Bituŋ Yaawe* ko Yosuwa ye ko, “Kana sila, aduŋ i kana jikilateyi. I niŋ kelediŋolu bee ye taa, ali ye taa ka Ayi boyinkaŋ. Nte le ye Ayi mansa duŋ i buloo kono, a la moolu, a la saatewo, aniŋ a la bankoo.

Yosuwa 10:8

Yaawe* naata a fo Yosuwa ye ko, “Kana sila ì la, kaatu nte le ye ì duŋ i bulu. Moo te ì kono, meŋ si i loo noo i fee keloo la.”

2 Taarika 15:7

Bari alitolu, ali bambaŋ, ali kana lamfu, kaatu ali be ali la dookuwo joo soto la le.”

Yesaya 41:10

Wo to ali kana sila, kaatu m be ali fee le. Ali kana dewuŋ, kaatu nte le mu ali la Alla ti. M be ali bambandi la le, ka ali maakoyi. M be ali muta la niŋ m bulubaa bulu tilindiŋo le la, ka ali tanka.

1 Musa 39:2

Yusufa tarata a ñiŋ maarii Misirankoo le yaa. Yaawe* tarata a fee le, aduŋ a naata ke moo le ti, meŋ ye ñaatotaa soto.

1 Musa 39:3

Potifa ye a je le ko, Yaawe be Yusufa fee le, a ye kuu-wo-kuu ke, Yaawe ka a so mantaabeŋo le la jee.

5 Musa 31:23

Wo to le Yaawe ye Yosuwa, Nuni dinkewo yaamari, a ko a ye ko, “I si bambaŋ, i ye fatiyaa. Kaatu ite le be Banisirayilankoolu ñaatonkayaa la ka ì samba bankoo kaŋ, ŋa ì laahidi daameŋ na, aduŋ m be tara la i fee le.”

Yosuwa 1:18

I be naa kumoo meŋ bee fo la ǹ ye, moo-wo-moo maŋ a kuliyaa, a ye a soosoo, m̀ be a maarii faa la le. I si fatiyaa, i ye bambaŋ!”

Yosuwa 3:7

Bituŋ Yaawe naata a fo Yosuwa ye ko, “M be i dawuloo wulindi la Banisirayilankoolu bee ñaatiliŋo la le jaŋ bii, fo ì si ñiŋ loŋ ko, m be i fee le, ko m be nuŋ Musa fee ñaameŋ.

Yosuwa 6:27

Yaawe tarata Yosuwa fee le, bituŋ a darajoo naata janjaŋ bankoo bee kaŋ.

Yosuwa 10:25

Yosuwa ko ì ye ko, “Ali kana sila, aduŋ ali kana jikilateyi. Ali fatiyaa, ali ye bambaŋ. Yaawe be ñiŋ siifaa doroŋ ne ke la jawoolu bee la, ali be naa mennu kele la.”

1 Samuweli 10:7

Niŋ ñiŋ taamanseeroolu bee keta i la, feŋ-wo-feŋ beteyaata i fee, i si wo ke, kaatu Alla be i fee le.”

1 Taarika 28:20

Bituŋ Dawuda ko a diŋo Sulemani ye ko, “Loo i ye bambaŋ, i ye wakiili ka ñiŋ dookuwo ke. Kana sila sako i si jikilateyi, kaatu Yaawe Alla, n na Alla, be i fee le. A nene te i bula la, a be tara la i fee le, fo i ye ñiŋ dookuwo bee baŋ, a la Batudulaa Buŋo to.

Yesaya 8:12

“Ñiŋ moolu ka feŋ-wo-feŋ muta jamfaa kuwo ti, ali kana wo muta jamfaa ti. Ì silata mennu la, ali kana sila wolu la, aduŋ a kana ali kijoo fara.

Daniyeli 10:19

A ko n ye ko, “Ite mu Alla kanuntee baa le ti, wo to kana sila, i be tara la kayiroo le kono. I si bambaŋ, i ye wakiili.” Kabiriŋ a ye ñiŋ fo n ye, m bambanta, aduŋ n ko a ye ko, “M maarii, kumoo fo n ye i lafita ka meŋ fo n ye, kaatu i ye m bambandi le.”

Hakayi 2:4

Bari saayiŋ Yaawe ye ñiŋ ne fo ko, “Hani wo de, i si wakiili, ite Serubabeli. Ite Yosuwa fanaa si wakiili, ite meŋ mu piriisi kuntiyo ti. Alitolu bankoo moolu bee fanaa si wakiili.” Yaawe Alihawaa Maariyo* le ye ñiŋ fo ko, “Ali dookuwo ke, kaatu m be tara la ali fee le.

Hakayi 2:5

Ŋa wo le laahidi kabiriŋ ŋa ali bondi naŋ Misira. N na Nooroo be sabatiriŋ ali kono le, ali kana sila.”