Yohana 9:7 - Mandinka Bible

⁷ Bituŋ a ko a ye ko, “Taa, i ye i ñaalu kuu Silowamu Daloo to.” Ñiŋ daloo too kotoo mu ñiŋ ti: Ì ye meŋ kii. Bituŋ finkintewo taata a ñaalu kuu. Wo to le a muruta naŋ, a be jeroo ke kaŋ.

Yohana 9:7 ပူးပေါင်းရင်းမြစ်များ

Yesaya 35:5

Wo to le finkintewolu ñaalu be yele la, tulu sukiriŋolu ye moyiroo ke.

Yohana 11:37

Bari doolu ko, “Ñiŋ kewo meŋ ye finkintewo ñaalu yelendi, muŋ ne ye a tinna a maŋ ñiŋ tanka noo saayaa ma?”

Yohana 9:11

A ye ì jaabi ko, “Kewo, ì ka a fo meŋ ye Yeesu, wo le ye potoo ñaami, a ye a moosi n ñaalu bala. Bituŋ a ko n ye ko, ‘Taa Silowamu Daloo to, i ye i kuu.’ Wo to le, n taata n kuu jee. Bituŋ ŋa jeroo ke.”

Kiilaalu 26:18

I si ì ñaalu yelendi fo ì si bo diboo kono ka naa maloo kono, ka bo Seetaanoo* la maraloo kono ka naa Alla kaŋ. Wo to le ì be junube yamfoo soto la, aniŋ niyo moolu kono, mennu naata seneyaa kaatu ì laata nte la.’

Yesaya 8:6

A ko: “Ñiŋ moolu ye ì ñaa kaasi Silowa Woyoo la le, ñiŋ jii tenkeyaariŋo, bituŋ ì ka bula Resini aniŋ Remaliya dinkewo Peka nooma.

Jabuuroolu 146:8

Yaawe le ka finkintewolu ñaalu yelendi. Ate le ka moolu wulindi mennu jiranta. Ate le ka moo tilindiŋolu kanu.

Luka 13:4

Waraŋ fo ali ye a miira, wo moo taŋ niŋ seyoo, Silowamu tatoo boyita mennu kaŋ, ì faata, fo ì mu junubelaalu le ti baŋ ka tambi wo doolu la, mennu tarata Yerusalaamu?

Yesaya 42:7

I be ñaa finkiriŋolu yelendi la le, i ye mutamoolu bondi bunjawoo kono, ka moolu fintindi mennu be bunjawoo dulaa dibiriŋ baa kono.

Nehemiya 3:15

Koli-Hose dinkewo Salluni, Misipa kumandaŋ bankoo maralaa, le ye Woyito Dundaŋ Daa seyinkaŋ dadaa. A ye a loo le, a ye a santo kuyaŋ, ka daa tawundaŋolu ke a la, sorondaŋolu, aniŋ bantambiloolu. A ye tata sansaŋo fanaa seyinkaŋ loo Silowamu Daloo to le, meŋ be Mansa Kankaŋo daala, aniŋ ka taa fo teputepoolu to, mennu jiita ka bo Dawuda la Saatewo* bala.

2 Musa 4:11

Yaawe ko a ye ko, “Jumaa le ye hadamadiŋo daa dii a la? Jumaa le ka a tuloo suki, waraŋ ka a ke mumunewo ti? Jumaa le ka a ke a ye jeroo ke, waraŋ ka a ke finkintewo ti? Fo a maŋ ke nte Yaawe le ti baŋ?

Kalatiyankoolu 4:4

Bari biriŋ waatoo timmata, Alla ye a Dinkewo kii naŋ ne. A wuluuta ka bo niŋ musoo le la, aduŋ a naata tara Luwaa koto,

Roomankoolu 8:3

Luwaa maŋ meŋ ke noo hadamadiŋyaa la lamfoo kamma la, Alla ye wo le ke: A ye a Dinkewo kii naŋ niŋ hadamadiŋ muluŋo la, junuboo ye mennu mara, ka ke junube kafarilaŋo ti hadamadiŋolu bee ye. Wo siloo la, a ye junuboo la m̀ maroo semboo tiñaa

Yohana 10:36

Wo to, muŋ ne ye a tinna ali ka a fo wo Kiliŋo ye, meŋ Faamaa ye a tomboŋ, aniŋ a ye a kii duniyaa kono ko, ‘Ite ye tooñeeri kumoolu le fo,’ kaatu nte ko, ‘Nte mu Alla Dinkewo* le ti’?

Yohana 9:39

Wo to le Yeesu ko, “Nte naata ñiŋ duniyaa kono kiitiyo le la, fo moolu mennu maŋ jeroo ke, ì si jeroo ke, aduŋ moolu mennu ye jeroo ke, ì si finki.”

Luka 2:32

Ate le mu maloo ti ka siloo yitandi bantala bankoolu* moolu la. Ate le ye buuñaa naati Banisirayilankoolu ye, i la moolu.”

Yesaya 43:8

Tambi moolu ñaato, mennu ñaa be malariŋ, bari i finkita le, aniŋ mennu ye tuloo soto, bari ì buka moyiroo ke.

Yesaya 32:3

Wo to, moolu mennu ñaalu ye jeroo ke, ñaalu te biti la kotenke, aduŋ moolu mennu tuloolu ka moyiroo ke, si i lamoyi.

Matiyu 11:5

Finkintewolu ñaalu yeleta, namatoolu taamata, balajawutoolu kendeyaata, tulu sukiriŋolu ye moyiroo ke, furewolu wulita, aniŋ kibaari betoo kawandita fuwaaroolu ye.