Yohana 18:18 - Mandinka Bible

¹⁸ Dookuulaalu niŋ kantarilaalu ye dimbaa mala. Ì be looriŋ a kunto ka i jaa, kaatu sumayaa be dundiŋ ne. Pita fanaa be looriŋ jee le nuŋ, a be i jaa kaŋ.

Yohana 18:18 ပူးပေါင်းရင်းမြစ်များ

Maaka 14:54

Pita tarata Yeesu nooma kaŋ ka bo dulaa jaŋ fo piriisi kuntii baa la luwo to. A niŋ kelediŋ kantarilaalu be siiriŋ, a fanaa be dimbaa daala ka i jaa.

Yohana 18:25

Simoni Pita be looriŋ jee, a be i jaa kaŋ. Bituŋ ì ko a ye ko, “Fo ite fanaa maŋ tara a la saayiboolu kono baŋ?” A balanta, aduŋ a ko, “Hanii, nte te!”

Yohana 21:9

Kabiriŋ ì futata baa kankuŋo la, ì ye dimbaa keñemboo tara jee, ñewo be laariŋ a kaŋ, aniŋ mbuuroo.

Maaka 14:67

A ye Pita je jaa la dimbaa daala. A ye a juubee, a ko a ye ko, “Ite fanaa tarata Yeesu Nasaretinkoo fee le nuŋ!”

Kuma Kotoomaalu 13:20

Moo meŋ niŋ moo ñaamendiŋo ka taa, fanaa be ñaameŋo soto la le, bari toolewo taañooyaa mu bataa le ti.

Jabuuroolu 1:1

Barakoo be moo le ye meŋ buka taama niŋ moo kuruŋolu la yaamaroo la, waraŋ ka bula junubelaalu la siloo nooma, waraŋ ka tara siiriŋ ñaawalilaalu kono.

1 Musa 49:6

Allamaa n daa nene kana bula ali la feere sitoolu to. Allamaa n daa nene kana kafu ali la kafoo kono. Kabiriŋ ali kamfaata, ali ye moofaa le ke, ali ye tuuraalu tonkoliŋ fasoolu kuntu tawunteeyaa kono.

1 Korintinkoolu 15:33

Ali ali hakiloo tu, moo kana ali neenee! Kafuñoo kuruŋo ka daajika betoolu le tiñaa.

Kiilaalu 4:23

Biriŋ ì ye ì bula, Pita niŋ Yohana muruta ì kafuñoolu yaa. Ì ye kuwolu bee saata ì ye, piriisi ñaatonkoolu niŋ alifaalu ye mennu fo ì ye.

1 Mansoolu 19:9

Kabiriŋ a futata jee, a taata duŋ berehuwo kono ka suutoo laa jee. Bituŋ Yaawe la kumoo naata a kaŋ ka a fo a ye ko, “Eliya, i ka muŋ ne ke jaŋ?”

Luka 22:44

A duwaata kendeke niitooroo kono, aduŋ a taroo mulunta yele dotiŋ-dotiŋolu le la, mennu tondita bankoo to.

Yohana 18:3

Wo to le Yudas tambita kelediŋ kafoo ñaato, ì niŋ Alla Batudulaa kantalaalu, piriisi* ñaatonkoolu niŋ Farisewolu* ye mennu kii. Ì naata jee, ì niŋ dimbaa pacamoolu, lampoolu aniŋ kelejooraŋolu.