Yesaya 9:4 - Mandinka Bible

⁴ Yookoo* meŋ ka ì mantoora, i ye a kati le, aniŋ dokoo meŋ be laariŋ ì sañoolu kaŋ. Ì mantooralaalu la busoo, i ye a kati le, ko i ye Midiyani la busoo kati nuŋ ñaameŋ.

Yesaya 9:4 ပူးပေါင်းရင်းမြစ်များ

Yesaya 14:25

M be Asiriya kelediŋ kafoo kasaara la n na bankoo kaŋ ne, ŋa ì doriŋ-doriŋ n na konkoolu kaŋ. Ì la yookoo* be bo la n na moolu toŋo to le, ì ye dunoo meŋ laa ì sañoolu kaŋ, fanaa ye bo.

Yeremiya 30:8

Yaawe Alihawaa Maariyo* ko: “Wo luŋo la, m be joŋyaa yookoo* kati la le ka bo ali toŋo to, ŋa ali la joŋyaa juloolu kuntu, ali te ke la luntaŋolu ye joŋolu ti kotenke.

Nahumu 1:13

Ì la maraloo yookoo* meŋ be laariŋ ali kaŋ, m be a bondi la ali kaŋ ne, ŋa ì la joŋyaa juloo kuntu ali kaŋo la.”

Yesaya 54:14

I be tara la bambandiŋ tiliŋo le kaŋ. Mantooroo be jamfa la i la le, i kijoo te fara la, silaŋ kuu baa fanaa te kata la i la.

Yesaya 49:26

M be a ke la le, i toorandilaalu ye ñoo faa. Ì faŋolu yeloo le be ì siirandi la ko doloo. Wo to hadamadiŋolu bee be a loŋ na le ko, nte Yaawe le mu i Kiisandirilaa ti, i Kumakaalaa, Yaakuba la Alla Tallaa.”

3 Musa 26:13

Nte le mu Yaawe ali la Alla ti, meŋ ye ali bondi joŋyaa kono, Misirankoolu bulu, ŋa ali bondi naŋ ì la bankoo kaŋ. Ŋa ali la joŋyaa yookoo* kati le ka bo ali toŋo to, ŋa ali kuŋo wulindi, ka ali firiŋ.

1 Musa 27:40

I be baluu la niŋ hawusaroo* le la. I be ke la i doomaa ye dookuulaa le ti. Bari niŋ i keta balannaa ti a bulu, i be bo la a la maroo kono le.”

Yesaya 10:5

Yaawe ko, “Kooroo be Asiriya mansa ye, n na kamfaa busamaa, aniŋ n na liparilaŋ dokoo be meŋ buloo kono.

Jabuuroolu 125:3

Moo kuruŋolu te tu la maraloo ke la moo tilindiŋolu la bankoo kaŋ. Niŋ wo nte, moo tilindiŋolu si duŋ noo kuu jawu baaroo to le.

Yesaya 51:13

Fo ali ñinata nte Yaawe ali Daamansoo la le baŋ? Nte le ye saŋ fatoolu waree, ŋa bankoo fondamaŋo laa. Muŋ ne ye a tinna, ali ka tara silaŋ baa kono luŋ-wo-luŋ, ali toorandilaa la kamfaa kamma, meŋ be lafiriŋ ka ali kasaara? Ali toorandilaa la kamfaa maŋ ke tuus ti.

Yesaya 47:6

Kabiriŋ n kamfaata n na moolu kamma, m maŋ ì ke m faŋo taa ti kotenke, ŋa ì duŋ i bulu le, bari i maŋ balafaa soto ì ye. I ye duni kuliŋ baa laa keebaa kotoolu faŋo kaŋ ne.

Jabuuroolu 81:6

A naata a fo ko, “Ŋa ali sañoolu dahandi dunoo la, ŋa ali buloolu foñondi sinsiŋ kuliŋ sikoo la.

Yesaya 9:5

Kelediŋ-wo-kelediŋ ye samatoo meŋ duŋ keloo waatoo, aniŋ ì la dendikoolu mennu ye yeloo maa, ì bee be jani la le.

Yesaya 16:4

Ali Mowabi keleborilaalu tu, ì ye sii ali la bankoo kaŋ. Ali ke ì ye tankaraŋo ti ì kasaaralaa bulu.” Mantooralaa la kuwo be daŋ na le, kasaaroo te soto la kotenke, tiñaarilaa ye yeemaŋ bankoo kaŋ.

Yesaya 52:2

Wuli Yerusalaamu, i ye buutoo konkoŋ i bala, i ye sii mansasiiraŋo kaŋ. Dimmusuriŋ* Siyoni, meŋ be mutoo kono, neejoloolu mennu be i kaŋo la, ì bondi.

Yeremiya 48:17

Ali kumboo a ye, alitolu mennu bee be a dandaŋo la, alitolu mennu ye a loŋ a too la. Ali a fo ko, ‘Ñiŋ mansayaa doko baa le katita teŋ, ñiŋ mansa doko ñiimaa!’

Yesaya 10:16

Wo to, Yaawe Alihawaa Maariyo* be kuuraŋ jawoo le jindi la naŋ Asiriya mansa la kelejawara bambandiŋolu kaŋ. Dimbaa le be duŋ na a jikiraŋ semboo la, a bee ye kasaara.