Yesaya 9:10 - Mandinka Bible

¹⁰ “Biriki buŋolu boyita le, bari m̀ be ì lookuu la niŋ bere birikoolu le la, sooto yiroolu kuntuta le, bari m̀ be ì jooseyi la sedari* yiroolu le la.”

Yesaya 9:10 ပူးပေါင်းရင်းမြစ်များ

Malaki 1:4

Esawu koomalankoolu si a fo noo le ko, “Ì ye ǹ na bankoo Edomu kasaara ñaa-wo-ñaa, m̀ be ǹ na tumbuŋolu lookuu la le.” Bari Yaawe Alihawaa Maariyo* ye ñiŋ ne fo ko, “Hani niŋ ì ye a lookuu, n si a boyi. Ì be kumandi la Banku Jawoo le la, Yaawe be tara la jusuboriŋ bankoo meŋ moolu kamma fo fawu.

1 Mansoolu 10:27

Sulemani ye kodiforoo fuumandi Yerusalaamu kono le komeŋ beroo, aduŋ sedari* babaroo fuumata le komeŋ sikamu sooto yiroolu mennu be Sefela* konkotundoo* to.

Luka 19:4

Wo kamma la a borita ñaato, a seleta yiroo santo ka Yeesu je, kaatu a ñanta tambi la niŋ wo siloo le la.

Hoseya 8:14

“Banisirayila ñinata a Daamansoo la le, a ye buŋ ñiimaalu loo. Yahuuda ye saatee jamaa tata, bari m be dimbaa le jindi la naŋ ì kaŋ, ka ì la tatoolu jani.”

2 Mansoolu 16:9

Asiriya mansa sonta Ahasi ye a daani kuwo meŋ na. A wulita Damasiku saatewo kamma, a ye jee muta. A ye jee moolu bayi ka taa Kiri maafaŋo la, aduŋ a ye Mansa Resini faa.