Yesaya 8:9 - Mandinka Bible

⁹ Bantala bankoolu*, ali beŋ ñoo kaŋ, bari ali si tara dewundiŋ. Banku jamfariŋo moolu, ali i lamoyi! Ali i paree keloo la, bari ali si tara dewundiŋ. Tooñaa, ali i paree, bari ali dewuŋ.

Yesaya 8:9 ပူးပေါင်းရင်းမြစ်များ

1 Mansoolu 20:11

Bituŋ Banisirayila mansa ye Beni-Hadadi jaabi ko, “Moo meŋ be a la keleraŋ feŋolu duŋ kaŋ ka taa keloo la, wo maŋ ñaŋ na kibiri la komeŋ moo meŋ taata keloo la, fo a naata a be i wura kaŋ.”

Kuma Kotoomaalu 11:21

I si ñiŋ loŋ ko, moo kuruŋo te kana la mantoora kuwo ma, bari meŋ tilinta, wo be kana la le.

Yesaya 28:13

Wo to, Alla la kumoo be ke la itolu fee le komeŋ, balabala, balabala, balabala kuma kenseŋ. Wo be a tinna le, ì ye boyi ì koo la, ì ye barama, ì siŋo ye duŋ kutindiŋo daa, ì jawoolu ye ì muta.

Yesaya 37:36

Wo to le Yaawe la malaayikoo taata, a ye kee wuli keme, wuli taŋ seyi, aniŋ wuli luulu faa Asiriyankoolu la daakaa kono. Kabiriŋ fanoo keta, ì furewolu tarata laariŋ jee le.

Yesaya 54:15

Niŋ moo-wo-moo ye i boyinkaŋ, a maŋ ke nte la lañinoo ti. Moo-wo-moo ye i boyinkaŋ, be boyi la le.

Yeremiya 42:11

Ali kana sila Babiloni mansakewo la, meŋ na kuwo be ali silariŋ. Ali kana sila a la, kaatu nte Yaawe be ali fee le, ka ali tanka, aniŋ ka ali kiisa a bulu.

Yeremiya 46:3

“Ŋa Misirankoolu sari kaŋo moyi le ko, ‘Koteerindiŋ, koteeri* baa, ali ì parendi, ali ye keloo waliŋ!

Yeremiya 46:4

Ali suwoolu siti keleraŋ sareetoolu* la, alitolu suukaŋ selelaalu, ali sele! Ali ali la kelenaafoolu duŋ ka ali la keledaalu muta! Ali ali la sooroolu daa diyaa, ali ye ali la kele duŋ feŋolu duŋ!’

Yeremiya 51:20

Yaawe ko: “Babiloni, i mu n na maritoo le ti, n na keleraŋo, ka bankoolu juru i la, ka mansamarali bankoolu juru i la,

Esekiyeli 38:7

“I si tara pareeriŋ, i niŋ wo kafoolu bee mennu be looriŋ i fee, i si ke ì ye ñaatonkoo ti.

Esekiyeli 38:8

Ñaato siniŋ m be i kumandi la dookuwo la le, ka bankoo boyinkaŋ, wo bankoo ì ye meŋ seyinkaŋ loo keloo koolaa. Wo moolu bota naŋ bantala banku* jamaalu le kaŋ, ka naa Banisirayila konkoolu kaŋ, ka ì la saatewolu lookuu, mennu tarata tumbundiŋ waati jaŋ na. Saayiŋ a fele, ì be sabatiriŋ kayiroo le kono jee.

Yosuwa 11:5

Ñiŋ mansoolu bee naata soŋ. Ì laata ñoo kaŋ, ì ye daakaa loo Meromu Bolondiŋo to, ka Banisirayilankoolu kele.