Yesaya 8:22 - Mandinka Bible

²² waraŋ duuma, bari ì te feŋ je la, fo niikuyaa niŋ diboo, aniŋ silaŋ kuu baa. Ì be fayi la dibi fiŋ diboo le kono.

Yesaya 8:22 ပူးပေါင်းရင်းမြစ်များ

Yesaya 5:30

Ì be bumbuŋ na le ko fankaasoo. Wo luŋo la, ko niŋ tawali fiŋo ye tiloo muuri, diboo aniŋ niikuyaa le be tara la Banisirayila bankoo kaŋ.

Matiyu 22:13

Wo to le mansakewo ko a la dookuulaalu ye ko, ‘Ali a siŋolu niŋ a buloolu siti, ali ye a fayi banta diboo kono, kumboo niŋ nimisoo be daameŋ.’

Matiyu 8:12

Bari moolu mennu ñanta tara la Alla la mansabaayaa kono, wolu be fayi la banta le diboo kono, kumboo niŋ nimisoo be daameŋ.”

Yeremiya 13:16

Ali horomoo dii Yaawe ali la Alla la, janniŋ a be diboo dundi la ali ma, ali siŋolu kali taki konko dibiriŋolu kaŋ. Tuma meŋ na ali be tara la mala ñiniŋo la, a be dibi fiŋo le naati la ali ye, a ye a ke ali ye dibi baa ti.

Yuuda 1:13

Ì be le ko fankaasoo jiibaliŋ saŋarariŋolu, ì ka malu kuwolu fintindi ko jiibaliŋolu la kankaŋo ka fuusa banta ñaameŋ. Ì be le ko looloo taamalaalu, dibi baa kataŋo mu ì taa le ti fo abadaa.

Kuma Kotoomaalu 14:32

Moo jawoo la kuu kuruŋ kewo le ka a kasaara, bari moo tilindiŋo la beteyaa, wo le ka a tankandi.

Yuuba 18:18

Alla be ì bondi la duniyaa kono, a be ì ñori la ka bo maloo dulaa to ka taa diboo kono.

Matiyu 24:29

“Wo koleyaa kuu baa koolaa doroŋ, wo luŋolu la, tiloo be dibi la le, aduŋ karoo te a la maloo dii la. Looloolu be boyi la ka bo saŋo santo, aduŋ saŋ fatoolu la semboo be jiijandi la le.

Yeremiya 23:12

“Wo kamma la ì taaraŋ siloolu be ke la ì ye le komeŋ sila namayaariŋo diboo kono. M be ì ñori la wolu le kaŋ, ì ye boyi. M be kasaaroo le boyi la ì kaŋ, niŋ m be ì jarabi la waatoo meŋ na.” Yaawe le ye a fo.

Yesaya 9:1

A si ke ñaa-wo-ñaa, moolu mennu tarata wo diboo kono, te tara la niitooroo kono fo abadaa. Koomanto, Alla ye Sebuluni tundoo aniŋ Nafutali tundoo la kuwo jindi le, bari ñaato, ñiŋ dulaa kiliŋo be horoma la le, ka bo baa maafaŋo la, ka taa Kalilee meŋ mu tumarankee tundoo ti, fo Yoridani Boloŋo kankuŋ doo la.

Yesaya 8:20

Ali Alla la luwaalu aniŋ a la yaamaroolu muta! Mennu maŋ ì muta, ì be tu la diboo le kono.

Lankenemoo 16:10

Malaayika luulunjaŋo ye a la booloo boŋ wo daafeŋ saŋarariŋo la mansasiiraŋo kaŋ. Bituŋ feŋ-wo-feŋ meŋ be a la maraloo koto dibita, fo moolu ka ì neŋolu kiŋ dimiŋo kamma la.

Yesaya 9:20

aduŋ moolu ye domorindiŋ je daa-wo-daa, ì ka a suuñaa le, ì ye a domo, bari wo buka konkoo bo ì la. Meŋ si ke ì maakoyilaa ti, ì ka i baluu wo le la.

Yesaya 30:6

Ñiŋ kiilaariyaa kumoo le fota Nekefu* tundoo daafeŋolu la kuwo to: Ñiŋ kiilaalu ka taa niŋ banku le la, ì be bataa niŋ niitooroo taki la daameŋ. Jata kewolu niŋ jata musoolu le be siloo kaŋ, daŋaroolu niŋ capatoolu. Ì ye faloolu niŋ ñonkomoolu dunindi ì la naafuloo la, ka ì samba wo banku nafantaŋo to.

Yesaya 50:11

Bari saayiŋ alitolu mennu bee ka dimbaa mala, aniŋ ka pacamoolu taa ka ì mala ali faŋolu ye, ali ye i je ali faŋolu la dimbaa maloo la, aniŋ ali ye ali la pacamoolu mennu mala. Ali be ñiŋ ne soto la Yaawe bulu, ka tara mantooroo kono.

Yesaya 59:9

Wo le ye a tinna tiliŋo jamfata ǹ na, kiitii tilindiŋo maŋ futa ǹ na. M̀ be n yillaariŋ maloo le la, bari m̀ buka feŋ je fo diboo. Ǹ ka suula fanuñaa le la, bari ǹ ka taama dibi fiŋ baa le kono.

2 Musa 10:21

Bituŋ Yaawe ko Musa ye ko, “I buloo tiliŋ saŋo maafaŋo la, fo diboo si duŋ Misira kono, diboo meŋ moo si moomooroo ke noo a kono.”

2 Musa 10:22

Wo to le Musa ye a buloo tiliŋ saŋo maafaŋo la, aduŋ dibi baa ye Misira bee beŋ fo tili saba.

Yesaya 50:3

Ŋa saŋ fatoolu feetoofata niŋ diboo la, ŋa booto funtoo ke ì ye muurilaŋo ti.”

Yesaya 60:2

A juubee, diboo le ye duniyaa bee beŋ, dibi fiŋ baa ye bankoolu muuri, bari Yaawe la maloo be i kaŋ ne ko tiloo, a la kallankeeyaa fintita i bala le.