Yesaya 8:13 - Mandinka Bible

¹³ Ali ñanta nte Yaawe Alihawaa Maariyo*, dammaa le muta la Senuŋ Baa ti. Ali ñanta sila la nte dammaa le la, aduŋ nte le la kuwo ñanta ali kijoo fara la.

Yesaya 8:13 ပူးပေါင်းရင်းမြစ်များ

Luka 12:5

Bari m be ali dandalaa la, ali ñanta sila la meŋ na. Ali sila Alla la, ate meŋ ye semboo soto ka ali faa, aduŋ a ye semboo soto le ka ali fayi Jahannaba kono. Ŋa a fo ali ye, ali sila Alla la!

Lankenemoo 15:4

Maariyo, jumaa le te sila la ite la, jumaa le te i too horoma la? Ite le dammaa seneyaata. Nasiyoŋolu bee be naa ite batu la le, kaatu i la baara kuu tilindiŋolu lankenemata le.”

Matiyu 10:28

Ali kana sila moolu la, mennu si balajaatoo faa noo, bari ì te niyo faa noo la. Bari ali si sila Alla la, meŋ si niyo niŋ balajaatoo bee kasaara noo Jahannaba kono.

Jabuuroolu 76:7

Ite doroŋ ne mu silantaa ti. Jumaa le si i loo noo i fee, niŋ i jusoo kandita?

Malaki 2:5

“Kambeŋo meŋ be n niŋ ì teema, wo le mu, ka baluwo sabatindi ì ye, aniŋ kayiroo. Ŋa ñiŋ dii ì la ñiŋ ne kamma fo ì si sila n na. Aduŋ ì silata n na le, ì ye n too kuliyaa.

Yesaya 29:23

Kaatu ko, niŋ ì koomalankoolu ye a je, m be meŋ ke la ì kono, wo be a tinna le ì ye n too horoma. Ì be Banisirayila la Senuŋ Baa horoma la le. Banisirayila la Alla ñaasilaŋo be tara la ì la le.

1 Musa 31:53

Allamaa Iburayima la Alla, Nahori niŋ ì faa la Alla ye ke ǹ teema kiitiikuntulaa ti.” Bituŋ Yaakuba naata i kali Alla la, a faamaa Isiyaaka silata meŋ na,

Roomankoolu 4:20

A maŋ soŋ, sikoo ye duŋ a sondomoo kono Alla la laahidoo to, bari a ka tu bambandiŋ doroŋ a la lannoo kono, niŋ a ka tenturoo niŋ jayiroo dii Alla la.

4 Musa 27:14

Kaatu ali moo fuloo bee le balanta n na yaamaroo la Cini Keñewuloo kono. Biriŋ jamaa moolu be sonka kaŋ m ma Meriba Woyoo to, ali maŋ n kuliyaa n na seneyaa kaŋ ì ñaatiliŋo la.” Ñiŋ ne mu Meriba Woyoo ti Kadesi saatewo to Cini keñewuloo kono.

3 Musa 10:3

Bituŋ Musa ko Haaruna ye ko, “Yaawe ye ñiŋ ne fo ko: ‘M be n na seneyaa yitandi la le ka bo niŋ moo-wo-moo la, meŋ be sutiyaariŋ n na, fo moolu bee si n kuliyaa.’ ” Bari Haaruna tuta deyiriŋ ne.

2 Musa 20:20

Bituŋ Musa ko moolu ye ko, “Ali kana sila. Alla naata le ka ali kotobo, fo Alla ñaasilaŋo si tara ali kono, ka ali tankandi junube kuu kewo la.”

5 Musa 14:23

Ali si ali la siimaŋ kese jakoolu, wayini* jakoolu, olifu* tulu jakoolu aniŋ ali la beeyaŋolu konoñaa foloolu domo Yaawe ñaatiliŋo la, dulaa to a be daameŋ tomboŋ na ka a too ke jee. Wo be ali karandi la le ka Yaawe ali la Alla kuliyaa waatoo bee la.

Yesaya 5:16

Bari Yaawe Alihawaa Maariyo la kiitiyo ye a la mansabaayaa yitandi le, Mansa Senuŋo la tiliŋo ye a la seneyaa yitandi.

Esekiyeli 38:16

I be naa ka ñapi n na moolu Banisirayilankoolu kaŋ, komeŋ minaayoo meŋ ye bankoo bee muuri. Ñaato siniŋ m be a ke la le i ye naa ñapi n na bankoo kaŋ. Bari niŋ m buloo laata ite Kooki kaŋ, m be n too senuŋo lankenemayandi la le, aduŋ wo bantala bankoolu be a je la le. Niŋ wo keta, duniyaa bee be a loŋ na le ko, nte le mu Yaawe ti.”

3 Musa 22:32

Ali kana jutu n too la. Banisirayilankoolu ñanta soŋ na m ma le, ka n kuliyaa. Nte le mu Yaawe ti meŋ ka ali seneyandi,

1 Samuweli 11:7

A ye ninsituuraa fula taa, a ye ì kuntuŋ-kuntuŋ, a ye kiilaalu kii ka ì samba Banisirayila bee kono. Ì be kankulaaroo la ko, “Ñiŋ ne be ke la moo-wo-moo la ninsituuraalu la, niŋ ali maŋ bula Sawulu niŋ Samuweli nooma.” Bituŋ Alla ñaasilaŋo ye moolu taa, ì bee fintita ka ke kiliŋ ti.