Yesaya 7:8 - Mandinka Bible

⁸ A ko: “Aramunkoolu semboo mu ì la saatee baa Damasiku doroŋ ne ti, aduŋ Damasiku semboo mu ì la ñaatonkoo Resini dammaa le ti. Efurayimu la karoo la, sanji taŋ wooro niŋ luulu ñaato, a bee be kasaara la le, a moolu ye janjaŋ.

Yesaya 7:8 ပူးပေါင်းရင်းမြစ်များ

1 Musa 14:15

Jee le to, a ye a la dookuulaalu talaŋ-talaŋ suutoo, bituŋ a ye ñiŋ mansoolu boyinkaŋ. A ye ì noo, a ye ì bayi ka taa fo Hoba, meŋ be Damasiku maraa kara maafaŋo la.

Yesaya 8:4

Janniŋ a be a baa niŋ a faa too kumandi noo la, Asiriya mansa be Damasiku la naafuloo bee taa la le, a ye Samariya la feŋolu bee ñapinkaŋ ka ì samba.”

Esira 4:2

ì taata Serubabeli kaŋ aniŋ lasili alifaalu. Ì ko ì ye ko, “Ali m̀ bula ǹ niŋ ali ye buŋ loo ke, kaatu ntolu fanaa ka ali la Alla le batu ko ali ka a batu ñaameŋ. Ǹ ka sadaalu* bondi a ye le ka bo Asiriya mansakewo Esahadoni la waatoo la, meŋ ye ǹ samba naŋ jaŋ.”

2 Samuweli 8:6

A ye daakaalu loo Aramunkoolu la mansamarali bankoo kaŋ, meŋ na kundaa baa mu Damasiku ti, aduŋ Aramunkoolu sonta a ma, ì ka naamoo joo a yaa. Dawuda taata daa-wo-daa, Yaawe* ka a ke le, a ye nooroo ke.

Yesaya 9:9

Efurayimunkoolu* aniŋ ì la saatee baa Samariya, ì bee be a loŋ na le, bari hani wo ì be ì faŋ wara la le, ì ye ì faŋ sikandi, ka a fo ko,

Yesaya 9:11

Bari Yaawe ye jawoolu wulindi Banisirayila kamma le, Asiriyankoolu, mennu ye Aramu mansa Resini noo. A ye ì jawu doolu fanaa maamandi le,

Yeremiya 49:23

Ñiŋ kiilaariyaa kumoo le fota Damasiku ma: “Hamati niŋ Aripadi saatewolu jikilateyita le, kaatu ì ye kibaari jawoolu le moyi. Ì kijoo teyita le, ì dunta ñoo to ko baa waameriŋo, meŋ buka tenkuŋ noo.

Esekiyeli 27:18

“I niŋ Damasikunkoolu ka waafiroo ke le, kaatu i ye marisandiisi siifaa jamaa le soto, aduŋ i fankabaata le. Ì ka Heliboni doloo aniŋ Sahari tundoo saajiitii bayi koyoolu samba naŋ i ye le ka ì faliŋ niŋ i la marisandiisoolu la.

Hoseya 13:1

Niŋ Efurayimu* lasiloo diyaamuta, moolu ka jarajara silaŋo kamma le, ì ye ì kuliyaa Banisirayila lasiloolu kono le kendeke. Bari ì dunta Baali* jalambatoo to, bituŋ ì kasaarata.