Yesaya 7:7 - Mandinka Bible

⁷ Bari Maarii Yaawe ye ñiŋ ne fo ko, “Wo te beŋ noo la, aduŋ a te ke la.”

Yesaya 7:7 ပူးပေါင်းရင်းမြစ်များ

Jabuuroolu 33:11

Bari Yaawe la feeroolu be tu la looriŋ ne fo fawu. A la natoolu be taama la le fo abadaa.

Jabuuroolu 76:10

Hadamadiŋolu la kamfaa i kamma, wo labaŋo be ke la i ye tenturoo le ti. Ì la kamfaa be ke la i ye ñaroo le ti.

Kuma Kotoomaalu 21:30

Ñaameŋ te jee, fahaamuru te jee, aduŋ feere te jee meŋ si taamandi noo Yaawe kaŋ.

Yesaya 28:18

Ali niŋ saayaa ye kambeŋo meŋ siti, wo si buruka, ali niŋ kaburoo denta kaŋo meŋ na, te loo la. Niŋ kasaaroo feeneeta naŋ, ali te kana la.

Yesaya 37:29

Baawo Sennakeribu kamfaata nte le kamma, aduŋ ŋa a la faŋ waroo moyi le, m be n na dooliŋo le duŋ na a nuŋo la, ŋa karafewo bula a daa la. M be a murundi la siloo le la, a naata meŋ na.”

Yesaya 7:1

Kabiriŋ Yotamu dinkewo Ahasi, Usiya mamariŋo, keta Yahuuda mansa ti, Resini, Aramu mansa aniŋ Remaliya dinkewo Peka, Efurayimu* mansa, wulita ka taa Yerusalaamu boyinkaŋ keloo la. Bari ì maŋ jee taa noo.

Yesaya 7:6

Ì ko, ‘Ali ŋà taa Yahuuda boyinkaŋ ka a teyi, ŋà moolu silandi. Ǹ si Tabeeli dinkewo ke mansa ti.’ ”

Yesaya 8:10

Ali feeroo siti ñoo kaŋ, bari a be ke la kenseŋo le ti. Ali si diyaamu, bari a kumoo te loo la, kaatu Alla be ntolu fee le.

Niikuyaa Suukuwolu 3:37

Niŋ a maŋ ke Maariyo la keroo ti, jumaa le si kumakaŋo dii, a ye ke?

Daniyeli 4:35

Duniyaa moolu bee buka muluŋ a ñaa koto feŋ ti. A la lafoo mu meŋ ti, a ka wo le ke malaayikoolu kono santo, aniŋ hadamadiŋolu kono duuma. Moo te a la keroo baayi noo la, waraŋ ka a ñininkaa a kekuwo la.