Yesaya 7:21 - Mandinka Bible

²¹ “Niŋ wo waatoo siita, hani a ye a tara, moo ye a kata le fo ninsi kiliŋ dammaa tarata a bulu, aniŋ baa fula,

Yesaya 7:21 ပူးပေါင်းရင်းမြစ်များ

Yeremiya 39:10

Bari a ye bankoo fuwaaroo doolu tu Yahuuda bankoo kaŋ jee le, mennu maŋ feŋ soto, aduŋ a ye wayini* yiri kankaŋolu niŋ kunkoolu dii ì la wo waati kiliŋo le kono, ka ì dookuu.

Yesaya 5:17

Wo to saajiiriŋolu be baluu la saatee tumbuŋolu le to, baalu ye domoroo ke ì fansuŋ daañini dulaa to.

Yesaya 37:30

Yesaya tententa ka a fo ko, “Hesekiya, ñiŋ ne be ke la ite ye taamanseeroo ti: Ñinaŋ saŋo, fiifeŋo meŋ falinta a faŋ ye ali be wo le domo la, jaari saŋo fanaa, meŋ falinta ka bo wo bala. Bari sanji sabanjaŋo la, ali si fiiroo niŋ katiroo ke, ali si wayini* yiri kankaŋolu tutu, ali ye ì diŋolu domo.

Yesaya 17:2

Aroweri dandanna saatewolu be kenseŋyaa la le, ka ke beeyaŋolu la koorewo ti. Ì si i laa jee, moo te ì silandi la.

Yesaya 7:25

Fiifeŋolu ka faliŋ kunkoolu mennu bee kono, be ke la ŋaniŋ sutoo le ti, fo moo te taa noo la jee. A be ke la ninsoolu niŋ saajiyolu la domoridulaa le ti.”

Yesaya 14:30

Misikiinoolu be daañini dulaa soto la le, sembentaŋolu si sabati kayiroo kono. Bari mennu bota alitolu bala, konkoo le be ì faa la, ali la moolu mennu tuta baluuriŋ, ŋa wolu faa.

Yesaya 27:10

Saatee tatariŋolu si kenseŋyaa, ì sabatilaalu ye i bo jee to fereŋ, ì ye ì fili jee, ì bee ye muluŋ ko kene kenseŋo, beeyaŋolu ka i daañini daameŋ, ka i laa jee, ì ye yiri jamboolu ñimi.

Yesaya 35:1

Keñewuloo* niŋ kene kenseŋo be seewoo la le, wula jaaroo be kontaani la le, a bee ye jambakere.