Yesaya 7:20 - Mandinka Bible

²⁰ “Niŋ wo waatoo siita, Yaawe be liirilaa bondi la naŋ ne ka bo Yufurati Boloŋo maafaŋo la. Wo le mu Asiriya mansa ti. A be a luwaasi la le ka ali booraalu lii, ali kuntiñoolu, aniŋ ali balatiyolu, ka ali malundi.

Yesaya 7:20 ပူးပေါင်းရင်းမြစ်များ

Yesaya 1:5

Muŋ ne ye a tinna ali tententa ka balaŋ? Fo ali lafita le Yaawe ye tu la ali mantoora la baŋ? Ali kuŋo bee niŋ baramoo le mu, aduŋ ali sondomoo naasita le.

Yesaya 10:15

Bari, fo teeraŋo si a faŋo sikandi noo a maarii bulu, meŋ ka a sawundi, waraŋ seeroo ye a faŋo kibirindi a maarii ye, meŋ ka dookuwo ke a la? Fo dokoo si moo firifiri meŋ ye a sika, waraŋ babara kuntoo ye moo finjaŋ-finjaŋ?

Yesaya 11:15

Yaawe be Misira baajiyo buruka la le, a be a buloo finjaŋ na Yufurati Boloŋo kunto le, a ye a jandi niŋ foño kandi baa la. A be a talaŋ-talaŋ na woyindiŋ woorowula le ti, fo moolu niŋ samatoolu si kuntu noo jee.

Yesaya 36:1

Mansa Hesekiya la maraloo sanji taŋ niŋ naaninjaŋo kono, Asiriya mansa Sennakeribu ye Yahuuda saatee tatariŋolu bee boyinkaŋ keloo la, aduŋ a ye ì muta.

Yesaya 8:7

Wo to saayiŋ, nte Yaawe be naa paree la le, ka Yufurati Boloŋo jiyo waamemaa samba ì kaŋ. Wo le mu Asiriya mansa niŋ a la kelediŋolu ti. A be woyi la a kankuŋolu bee kaŋ ne, a ye bori a jiisiloolu dandulaa bee la.

Yesaya 9:13

Bari moolu maŋ muruŋ Yaawe kaŋ, Alihawaa Maariyo meŋ ye i mantoora, sako ka a la kuwo ñini.

Yeremiya 2:18

Silaŋ, i be muŋ nafaa le soto la ka taa Misira, ka i miŋ Nayili Boloŋo jiyo la? I be muŋ nafaa le soto la ka taa Asiriya, ka i miŋ Yufurati Boloŋo jiyo la?

Esekiyeli 29:18

“Hadamadiŋo, Babiloni mansakewo Nebukanesa wulita Tire saatee baa le kamma. A ye a la kelediŋolu diyaakuyaatoo ñundi kelejooraŋ kuliŋolu le la fo ì kuŋolu niŋ ì dabakunkuŋolu bee buusita. Bari hani wo, ì maŋ Tire saatewo muta noo.”

Esekiyeli 29:20

Misira bankoo be ke la a ye kañee feŋo le ti. Kaatu Nebukanesa niŋ a la kelediŋ kafoo ye n na yaamaroo le muta ka dookuwo ke n ye, ŋa ì bula meŋ na.” Maarii Yaawe le ye a fo.