Yesaya 7:13 - Mandinka Bible

¹³ Wo to le Yesaya ko, “Dawuda koomalankoolu, ali i lamoyi n na. Nte pasita ali la balambaatooyaa la le, saayiŋ ali lafita wo le tiliŋ na Alla fanaa la.

Yesaya 7:13 ပူးပေါင်းရင်းမြစ်များ

1 Musa 30:15

Bari Leya ko a ye le ko, “Fo a maŋ kaañaŋ, i ye n keemaa taa m bulu, saayiŋ i be a kata kaŋ ne ka n dinkewo fanaa la ñiŋ mandarake diŋolu taa a bulu?” Raheli ko a ye ko, “Niŋ i ye i dinkewo la ñiŋ mandarake diŋolu dii n na, n si i bula i niŋ Yaakuba ye kafu suutoo.”

2 Taarika 21:7

Bari Yaawe maŋ lafi ka Dawuda la dimbaayaa kasaara, kambeŋo la kuwo kamma, a niŋ Dawuda ye meŋ siti. Kaatu a ye laahidoo dii Dawuda la le ko, a be a niŋ a koomalankoolu la mansayaa lampoo tu la mala la le fo abadaa.

Jabuuroolu 45:5

I la kalabeñoolu melunta le, ì ka i jawoolu soo ì jusoolu le to. Banku koteŋ moolu ka boyi i siŋo koto le.

Yesaya 1:14

Ŋa ali la Kari Kuta Juuraloolu koŋ ne, aniŋ ali la diina beŋ koteŋolu. Ì keta n ye duni baa le ti, m muñata ì la le fo m bataata.

Yesaya 1:24

Silaŋ Yaawe Alihawaa Maariyo, Banisirayila la Alla Tallaa, ye ñiŋ ne bankee ko, “N jawoo, m be n na kamfaa jindi la i kaŋ ne, m be n na juloo joo la i to le!

Yesaya 22:22

M be Mansa Dawuda la caaboolu karafa la ate le la. Niŋ a ye dulaa meŋ yele, moo te a soroŋ noo la, niŋ a ye dulaa meŋ soroŋ, moo te a yele noo la.

Yesaya 25:1

Hee Yaawe*, ite le mu n na Alla ti, m be i sikandi la le, m be i too jayi la le, kaatu i ye kaawakuwolu le ke. Biriŋ koomanto, i la feeroolu tilinta le, ì bambanta.

Yesaya 43:24

Ali maŋ hani ñaama seeralaa le saŋ n ye naŋ, waraŋ ka n seewondi ali la beeyaŋ sadaalu keŋo la. Bari ali ye n toora niŋ ali la junuboolu le la, aniŋ ka m batandi ali la kuu kuruŋolu la.

Yesaya 63:10

Hani wo ì balanta le, a la Noora Kuliŋo naata sunu ì la kuwo la. Wo to le Alla fanaa yelemata, a naata ke ì jawoo ti, a faŋo ye ì kele.

Yesaya 7:12

Bari Ahasi ko, “N te Yaawe ñininkaa la, aduŋ n te a kotobo la fanaa.”

Yesaya 7:2

Ì ye a fo Ahasi niŋ a la moolu ye le ko, “Aramu niŋ Efurayimu be kuu kiliŋ ne.” Wo ye Ahasi niŋ a la moolu kijoo fara le, ì keta le ko niŋ foñoo ka yiroolu jiijaa yiri sutoo kono.

Yeremiya 21:12

Nte Yaawe ye ñiŋ ne fo ko: Alitolu Mansa Dawuda koomalankoolu, ali kiitii tilindiŋo taamandi fanikee-wo-fanikee, ka moo-wo-moo bondi a toorandilaa bulu, ì ye meŋ nakari, niŋ wo nte, n na kamfaa si mala ko dimbaa. A si mala, moo te soto noo la ka a faa, ali la kuu jawu kewolu kamma la.

Yeremiya 44:22

Yaawe maŋ ali la kuu jawu baaroolu niŋ ali la kuu ñewundiŋ kewo muña noo. Wo le ye a tinna ali la bankoo keta tumbuŋo ti ka kenseŋyaa, aniŋ ka ke danka feŋo ti, aduŋ moo te siiriŋ jee, ko a be ñaameŋ bii.

Yeremiya 6:11

Wo kamma la Yaawe la kamfaa be faariŋ n kono le tep, aduŋ n te a muta noo la n kono kotenke. Yaawe ko n ye ko: “A kupi dindiŋolu kaŋ mbeedoolu kono, ka taa fondinkee beŋolu to. Kewolu niŋ ì la musoolu be bula la a kono le, ka taa keebaalu, hani fo keebaa kotoo baalu.

Esekiyeli 16:20

“Aduŋ i ye i dinkewolu niŋ i dimmusoolu taa i ye mennu wuluu n na ka ì jani jalaŋolu ye sadaa ti. Fo i la cakayaa maŋ kaañaŋ baŋ?

Esekiyeli 16:47

I bulata ì la siloolu le nooma, ka ì la kuu haraamuriŋ siifaalu ke. Waati sutuŋo kono le doroŋ, ite la kuu jawu kewo naata jawuyaa ka tambi ì taalu la.

Esekiyeli 34:18

Fo ali maŋ wasa ka i baluu dulaa kendiŋo to baŋ? Fo ali ka wo ñaamoolu bee doriŋ-doriŋ mennu be ali la daañini dulaalu to? Fo ali maŋ wasa ka i miŋ jii seneyaariŋo la baŋ? Fo ali ñanta wo jiyo duundi la niŋ ali siŋolu la le baŋ?

Esekiyeli 6:9

Aduŋ wo moolu mennu kanata keloo to, ì hakiloo be bula la n na, wo bantala bankoolu kaŋ ne, ì ye ì samba mutoo kono daamennu to. Ì hakiloo be bula la, ì ye niitooroo meŋ laa n kaŋ ì la m fulaŋ kafuñooyaa la ka bula jalaŋolu nooma aniŋ ka hame jalaŋolu la kuwo la. Labaŋo la ì be ì faŋ koŋ na, ì kekuwolu niŋ ì la kuu haraamuriŋ kewolu la le.

Amosi 3:13

Maarii Yaawe, Alihawaa Maariyo* ye ñiŋ ne fo ko, “Ali i lamoyi, dandalaaroo fele Yaakuba koomalankoolu ye:

Malaki 2:17

Ali ye Yaawe* batandi ali fokumoolu la ko, “Moolu mennu ka kuu jawoo ke, mu moo betoolu le ti Yaawe ñaa koto, aduŋ a ka kontaani ì la kuwo la le,” aniŋ ka a fo ko, “Alla lee, meŋ mu tiliŋo mansoo ti?” Saayiŋ ali ka naa a fo ko, “Ŋà a batandi ñaadii?”

4 Musa 16:13

Ite le ye ntolu bondi naŋ bankoo kaŋ, keekewo niŋ liyo be woyiriŋ daameŋ, ka naa m̀ faa keñewuloo kono. Fo ite ye wo muta kuundiŋo le ti? Saayiŋ i lafita i faŋ ke la ǹ kunna maralilaa le ti.

4 Musa 16:9

Banisirayila la Alla ye ali jenkendi kara la ka bo Banisirayila jamaa moolu kono a faŋo le ye. A ye ali katandi a faŋ na ka dookuwo ke a la Tiriliisi Senuŋo* to, aniŋ ka tambi jamaa ñaato ka dookuwo ke ì tooyaa la. Fo alitolu ye wo muta kuundiŋ ne ti baŋ?

Luka 1:69

A ye Kiisandirilaa sembemaa baa le dii ǹ na, ka bo a la dookuulaa Dawuda la lasiloo kono,

Kiilaalu 7:51

“Alitolu moo kuŋ jaaroolu! Ali sondomoolu niŋ ali tuloolu sukita le. Ali ka tu balandiŋ Noora Kuliŋo ma le waati-wo-waati. Ali mumuñolu ka meŋ ke nuŋ, ali fanaa be wo le ke kaŋ.

Hiburunkoolu 3:10

fo sanji taŋ naani. Wo le ye a tinna n kamfaata ì la kuwo la, aduŋ n ko, ‘Ì ka tu fili la ì sondomoolu kono le doroŋ, ì nene maŋ n na siloo loŋ.’