Yesaya 66:22 - Mandinka Bible

²² A ko: “M be saŋ kutoo niŋ banku kutoo meŋ daa la, be tu la n ñaatiliŋo la ñaameŋ, ali too niŋ ali koomalankoolu be tu la ali ye wo le ñaama.”

Yesaya 66:22 ပူးပေါင်းရင်းမြစ်များ

Yesaya 65:17

“A juubee, m be saŋ kutoo niŋ banku kutoo le daa la. Hakili te bula la folooto kuwolu la, sako moo ka i miira ì la.

Lankenemoo 21:1

Bituŋ ŋa saŋ kutoo niŋ banku kutoo je, kaatu saŋ foloo niŋ banku foloo yeemanta le, aduŋ fankaasi maŋ tara sotoriŋ.

2 Pita 3:13

Bari ntolu mennu ye Alla la laahidoo soto, m̀ be saŋ kutoo niŋ banku kutoo le batu kaŋ, tiliŋo be sabati la daameŋ.

Matiyu 28:20

Ali si ì karandi ka kumoolu bee muta, nte ye ali yaamari mennu la. Aduŋ nte be tara la ali fee le waati-wo-waati hani fo duniyaa dandulaa to.”

Yesaya 48:19

Ali koomalankoolu be siyaa la le ko bankumunkoo, ali diŋolu te yaatee noo la. Ì toolu te buruka la muumeeke, waraŋ ì ye kasaara n ñaatiliŋo la.”

Yesaya 51:16

Nte le ŋa n na kumoo duŋ ali daa, ŋa m buloo biti ali kaŋ ka ali tanka. Nte le ye saŋ fatoolu ke ì dulaa to, ŋa bankoo fondamaŋo laa, n ko Siyoninkoolu ye ko, ‘Alitolu le mu n na moolu ti.’ ”

Yesaya 53:10

Bari a keta Yaawe la lafoo le ti, ka a mantoora niŋ dimiŋo la. A la baluwo keta sadaa* ti junuboolu ye ñaa-wo-ñaa, a koomalankoolu be siyaa la le. A be sii jaŋo soto la le, aduŋ a be Yaawe la feeroo taamandi kuu la le.

Yesaya 56:5

M be hakilibulandiraŋo niŋ too le dii la ì la, mennu be tara la n na Batudulaa Buŋo* kono, ì ye fisiyaa ì ye dinkewolu niŋ dimmusoolu ti. M be too le dii la ì la, meŋ te buruka la, a be tu la le fo abadaa.

Yesaya 61:8

Yaawe ko: “Nte ye kiitii tilindiŋo le kanu, ŋa suuñaaroo niŋ junube kuwo koŋ ne. M be n na moolu joo la niŋ tiliŋo siloo le la, n niŋ ì ye badaa-badaa kambeŋo siti.

Yesaya 61:9

Ì koomalankoolu te ke la moo maaboriŋ ti, bankoolu kaŋ, aduŋ mennu bota ì bala, be daraja la moolu kono le. Moo-wo-moo ye ì je, be soŋ na le ko, ñinnu mu moolu le ti, nte Yaawe neemata mennu ma.”

Yesaya 65:22

Ì te buŋo loo la kotenke, doolu ye tara sabatiriŋ jee, waraŋ ka tuturoo ke, doolu ye a domo. Kaatu yirisuŋo siyo ka jamfa ñaameŋ, n na moolu siyo be jamfa la wo le ñaama. N na tomboŋ moolu be diyaa soto la ì faŋo la dookuwo to le, fo a ye mee.

Yesaya 65:23

Ì te ì semboo bo la kensenke, waraŋ ka diŋolu wuluu, kasaaroo be naa mennu kaŋ, kaatu ì be ke la moolu le ti, Yaawe be neema la mennu ma, ì niŋ ì koomalankoolu bee.

Sefaniya 3:20

Ñiŋ waatoo la, m be ali kafu la ñoo ma le, ŋa ali samba naŋ suwo kono. M be buuñaa niŋ horomoo dii la ali la le, duniyaa moolu bee kono, ŋa ali la neemoo murundi ali kaŋ ali faŋolu ñaatiliŋo la.” Yaawe le ye a fo.

Yesaya 59:21

A ko: “Nte wo de, n niŋ ì be ñiŋ kambeŋo le siti la. Ite n na annabiyomoo, ŋa n na Nooroo meŋ dii i la, aniŋ ŋa n na kumakaŋo meŋ duŋ i daa, be tara la i fee le, aduŋ a be tara la i diŋolu fee le aniŋ i koomalankoolu ka bo saayiŋ na fo abadaa. Nte Yaawe le ye a fo.”

Yeremiya 33:20

“Nte Yaawe ye ñiŋ ne fo ko: Ŋa kambeŋo le siti n niŋ tiloo niŋ suutoo teema, ñiŋ kamma la ì kali naa ì la naa waati londiriŋolu la. Wo kambeŋo nene te tiñaa la.

Yeremiya 33:21

Wo ñaama fanaa, ŋa kambeŋo le siti n niŋ n na dookuulaa Dawuda teema ko, a be kali tu la mansakewo soto la a koomalankoolu kono le, aduŋ ŋa kambeŋo siti n niŋ Lewi lasiloo fanaa teema le ko, ì be kali tu la piriisiyaa dookuwo ke la n ye le. Wo kambeŋolu nene te tiñaa la.