Yesaya 66:20 - Mandinka Bible

²⁰ Aduŋ ì be ali baadiŋolu bondi la naŋ ne ka bo bankoolu bee kaŋ, ka naa n na konko senuŋo* to Yerusalaamu, ka ke soorifeŋo ti nte Yaawe ye. Ì be tara la seleriŋ suwoolu le kaŋ, sareetindiŋolu niŋ sareeti baalu, bahalewolu* aniŋ ñonkomoolu kaŋ.” A ko: “Ì be ì naati la le ko Banisirayilankoolu ka ì la siimaŋ sadaalu naati keraŋ seneyaariŋo kono ñaameŋ, nte Yaawe la Batudulaa to.

Yesaya 66:20 ပူးပေါင်းရင်းမြစ်များ

Roomankoolu 15:16

a ye n tomboŋ Kiristu Yeesu la dookuulaa le ti moolu ye, mennu maŋ ke Yahuudoolu ti. N na ñiŋ piriisiyaa* dookuwo mu ka Alla la kibaari betoo kawandi ì ye, ka ì naati Alla ye ko sadaa*, meŋ ka a seewondi, aniŋ Noora Kuliŋo ye meŋ seneyandi.

Yesaya 65:25

Suluwo niŋ saajiiriŋo be domoroo ke la ñoo kaŋ ne, jatoo be ñaamoo ñimi la ko ninsoo, kankaŋo ye ke saa la domoroo ti. Ì te mantoora ke la, ì te kasaarali ke la n na konko senuŋo* bee kaŋ. Nte Yaawe le ye a fo.”

Yesaya 65:11

“Bari alitolu mennu ye ali koo dii nte Yaawe la, ali ñinata n na konko senuŋo* la, ali ka domori feŋ sadaa naati Kadu jalaŋo ye, miŋ feŋ diimaa, Meni jalaŋo ye,

Yesaya 56:7

m be ñinnu le samba la n na konko senuŋo* to, ì ye tara seewooriŋ n na duwaa buŋo kono. M be soŋ na le ì la jani sadaalu* niŋ ì la beeyaŋ sadaalu ye laa n na sadaajanidulaa* kaŋ. Kaatu ì be n na buŋo kumandi la duwaa buŋo le la, bankoolu bee ye.”

Yesaya 43:6

M be a fo la maraa karoo moolu ye le ko, ì ye ali bula, ali ye taa, ŋa a fo bulubaa karoo moolu ye ko, ì kana ali muta. N na dindiŋolu ye muru naŋ Banisirayila, ka bo naŋ duniyaa daŋo to.

Yesaya 11:9

Feŋ te tara la Alla la konko senuŋo* kaŋ, meŋ si moo mantoora, waraŋ ka moo kasaara, kaatu duniyaa bee be faa la moolu le la, mennu ye Yaawe loŋ, ko baa ka tara faariŋ jiyo la ñaameŋ.

1 Pita 2:5

Ali ali faŋolu dii ka ke bere baluuriŋolu ti, fo ali si ke buŋ looraŋolu ti Alla la buŋo ye, meŋ loota a la Nooroo la siloo la. Alitolu si ke piriisi* senuŋolu ti, ali ye sadaalu* bo Nooroo la siloo la, ka bo niŋ Yeesu Kiristu* la, aduŋ Alla be soŋ na wo sadaalu ma le.

Filipinkoolu 2:17

Ali la lannoo keta le ko jani sadaa*, ŋa meŋ dii Alla la. Hani niŋ a ye a tara, nte yeloo le be boŋ na wo kaŋ miŋ feŋ sadaa ti, wo be ke la nte ye jusulaa le ti, aniŋ seewoo n niŋ ali bee ye.

Yesaya 54:3

Kaatu i be tara la karoo bee le la, bulubaa niŋ maraa, i koomalankoolu be banku koteŋolu la kenoo buusi la le, ì ye naa sabati saatee tumbundiŋolu to.

Yesaya 52:11

Ali taa, ali taa, ali bo Babiloni! Feŋolu mennu maŋ janku, ali kana ì maa. Ali jamfa jee la, ali ye seneyaa, alitolu mennu ka Yaawe la batudulaa jooraŋolu samba.

4 Musa 7:3

Ì ye sareeti wooro le samba naŋ Yaawe* ñaatiliŋo la, aniŋ ninsi taŋ niŋ fula: ñaatonka-wo-ñaatonka ninsi kiliŋ, aniŋ ì moo fula-wo-fula sareeti kiliŋ, ka ì ke buuñaa feŋo ti. Ì ye ñinnu le londi Tiriliisi Senuŋo ñaatiliŋo la.

Yesaya 2:2

Luŋ be naa le, Yaawe* Batudulaa Buŋo* be konkoo meŋ kaŋ, wo le be tara la konkoolu bee ye santo la, a jamfoo si tambi konko koteŋolu la. Aduŋ bankoolu bee moolu si jee waliŋ.

Yesaya 2:3

Moo jamaa si naa, ka a fo ñoo ye ko, “Ali naa ŋà taa Yaawe la konkoo kaŋ, ka taa Yaakuba la Alla Batudulaa Buŋo to, fo a si ǹ karandi a la siloolu la, fo ǹ si taama noo a la lafoo kaŋ.” Yaamaroo be finti la naŋ Siyoni* le, Yaawe la kumoo be bo la naŋ Yerusalaamu le.

Yesaya 56:5

M be hakilibulandiraŋo niŋ too le dii la ì la, mennu be tara la n na Batudulaa Buŋo* kono, ì ye fisiyaa ì ye dinkewolu niŋ dimmusoolu ti. M be too le dii la ì la, meŋ te buruka la, a be tu la le fo abadaa.

Daniyeli 11:45

A be a la mansa tiriliisi* baalu le faŋo wanka la baa niŋ konkoo teema, Alla Batudulaa Buŋo be looriŋ meŋ kaŋ. Bari a be faa la le, aduŋ moo te soto la meŋ be a maakoyi la.”

4 Musa 7:62

A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.

Sefaniya 3:10

M batulaalu, n na moolu mennu be janjandiŋ be sadaalu* samba la n ye naŋ ne, ka bo naŋ biriŋ Kusi* boloŋolu ye kooma la.