Yesaya 66:2 - Mandinka Bible

² A ko: “M faŋo buloo le ye ñiŋ feŋolu bee daa, ì naata soto. “Ŋa ñiŋ maarii le sikandi santo, moo meŋ ye a fammajii, a tuubita a la junuboolu la, aniŋ n na kumoolu ka silaŋo dundi meŋ na.

Yesaya 66:2 ပူးပေါင်းရင်းမြစ်များ

1 Mansoolu 21:29

“Fo i ye a koroosi le Ahabu ye a fammajii n ñaatiliŋo la ñaameŋ? Baawo a ye ñiŋ ke le, n te kasaara kuwo samba la naŋ ate la baluwo waatoo kono, bari m be a samba la naŋ a la dimbaayaa moolu le kaŋ a dinkewo la baluwo waatoo kono.”

2 Mansoolu 22:10

Safeerilaa Safani tententa, a ko mansa ye ko, “Piriisi Hilikiya ye kitaabu le dii n na.” Bituŋ a ye a karaŋ a ye.

2 Mansoolu 22:11

Kabiriŋ mansa ye Luwaa Kitaaboo kumoolu moyi, a ye a la dendikoo fara a faŋ na niikuyaa kamma la.

Esira 10:3

Saayiŋ ǹ ñanta kambeŋo le siti la ǹ na Alla ñaatiliŋo la, ka ǹ na ñiŋ musoolu bee bula, ì niŋ ì diŋolu ye taa. M̀ be ñiŋ ke la ka bo niŋ ite, m maarii la kaŋo le kaŋ, aniŋ moolu la kaŋo kaŋ mennu silata ǹ na Alla la yaamaroolu la. Alla la Luwaa ye meŋ fo, m̀ be wo le ke la.

Esira 9:4

N tarata siiriŋ jee le, m be sunuriŋ fo wulaara sadaaboo* waatoo siita. Bituŋ moolu ye a dati ka kuru n dandaŋo bee la. Wolu le mu moolu ti, mennu silata Banisirayila la Alla la wo kumoo kamma la, a ye meŋ fo moolu la badali kuwo to, mennu muruta naŋ ka bo mutoo kono.

Jabuuroolu 119:120

I ñaasilaŋo ye a tinna le m fatewo ka jarajara, i la kiitiiteyoolu le ye n sila. Ayin

Jabuuroolu 119:161

Maralilaalu ka n toorandi le, daliila te a la, bari ite le la kumoo silaŋo be n sondomoo kono.

Jabuuroolu 138:6

Yaawe warata ñaa-wo-ñaa, a ka fammajiilaalu hati le, bari a ka faŋ waralaalu kekuwolu loŋ ne ka bo jamfa jaŋo to.

Jabuuroolu 34:18

Yaawe be moolu fee le, mennu jikilateyita, aduŋ a ka moolu tankandi le, mennu jikoo banta fereŋ.

Jabuuroolu 51:17

Ite Alla lafita sadaa meŋ na, wo le mu fammajiyo ti ka bo sondomoo kono. Fammajiyo niŋ tuubi tooñaa be sondomoo meŋ kono, i te balaŋ na wo to.

Jabuuroolu 51:19

Niŋ wo keta, i be seewoo la sadaa sootaaribaloolu la le, mennu mu jani sadaalu ti, aduŋ m̀ be ninsituuraalu le bo la sadaa ti, i la sadaajanidulaa* kaŋ.

Kuma Kotoomaalu 28:14

Neemoo be moo le ye, meŋ ye Yaawe ñaasilaŋo soto, bari moo meŋ ka a faŋo jusoo jandi, a ka duŋ bataa le kono.

Kuma Kotoomaalu 29:23

Moo la faŋ waroo le ka a jindi, bari moo meŋ ye a fammajii, a ka buuñaa soto le.

Yesaya 40:26

Ali ali ñaa ke saŋo santo, ali ye a juubee! Jumaa le ye looloolu daa? Ate le ka ì bee kiliŋ-kiliŋ fintindi, a ye too dii ì bee la. Alla la sembe waroo niŋ a la kallankeeyaa le ye a tinna, hani kiliŋ maŋ manki.

Yesaya 41:20

Wo to le moolu si a je, ì ye a loŋ, ì si ì hakilitu aniŋ ka a fahaamu ko, nte Yaawe faŋo le ye ñiŋ ke, Banisirayila la Senuŋ Baa semboo le ye a saabu.”

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Yesaya 61:1

M Maarii Yaawe* la Nooroo be n kaŋ ne, kaatu Yaawe le ye n tomboŋ, ka kibaari betoo kawandi fuwaaroolu ye. A ye n kii le ka moo jikilateyiriŋolu wakiilindi, ka a kankulaa mutamoolu ye ko ì firinta le, aniŋ ka bunjawutonkoolu bondi diboo kono.

Yesaya 66:5

Yaawe la kumoo ka silaŋo dundi mennu la, ali i lamoyi a la kumoo la. A ko: “Ali baadiŋolu mennu ye ali koŋ, ì ñoorita ali la, kaatu ali ye n too le horoma, ì ye ali ñaawali le ka a fo ko, ‘Yaawe la kallankeeyaa* ye lankenema, fo ǹ si ali la seewoo je!’ Bari itolu le be malu la.

Hoseya 11:10

Niŋ nte Yaawe bumbunta ko jatoo, n na moolu be bula la n nooma le. Niŋ m bumbunta, n diŋolu kijafaratoo si naa, ka bo tilijii karoo la.

Mika 6:8

Ite hadamadiŋo, Yaawe ye a fo i ye le, meŋ mu kuu kendoo ti, aduŋ a ye meŋ kaniŋ i bulu, wo le mu, ka tooñaa taamandi, ka beteyaa kanu, aniŋ ka bula Alla nooma, i Maarii, fammajiyo kono.

Habakuki 3:16

Kabiriŋ ŋa ñiŋ moyi, n kija le bota. N daaturoolu ka fadi ñoo la, maakaŋo ñiŋ kamma la. M baloo bee le lamfuta, n siŋolu faata n koto. Bari hani wo, m be muñariŋ ne ka luŋo batu, luŋo meŋ, maasiiboo be boyi la moolu kaŋ, mennu ñapita ǹ kaŋ.

Matiyu 12:6

Bari m be a fo la ali ye, moo le be jaŋ, meŋ na kuwo warata ka tambi Alla Batudulaa Buŋo la.

Kiilaalu 7:50

Fo a maŋ ke m faŋo buloo le ti, meŋ ye ñiŋ feŋolu bee daa.’

Kiilaalu 9:6

Wuli saayiŋ, i ye duŋ saatewo kono. A be fo la i ye jee le, i ñanta meŋ ke la.”

Filipinkoolu 2:12

N kanuntewolu, biriŋ n tarata ali fee, ali ye n na yaamaroolu muta ali bulu fuloo le la. Saayiŋ, bayiri m be jamfariŋ ali la le, wo yaamarimutoo kummaayaata baake le. Wo to ali katoo bee ke, ali niŋ silaŋo niŋ jarajaroo, fo ali si ali la kiisa timmariŋo soto.

Kolosankoolu 1:17

Janniŋ feŋ-wo-feŋ ka daa, ate be sotoriŋ ne nuŋ fokabaŋ, aduŋ feŋolu bee be mutariŋ ñoo bala ate le kono.