Yesaya 60:9 - Mandinka Bible

⁹ Safaari kuluŋolu le mu, ì be naa la le ka i la moolu seyindi naŋ. Ì niŋ ì la sanoo niŋ kodiforoo le be naa, aduŋ wo be horoma baa le naati la nte i Maarii Yaawe ye, Banisirayila la Senuŋ Baa, kaatu ŋa i fandi niŋ horomoo le la. Tooñaa-tooñaa, banku jamfariŋolu ka nte le juubee.

Yesaya 60:9 ပူးပေါင်းရင်းမြစ်များ

Yesaya 55:5

Tooñaa-tooñaa, i be bankoolu le kumandi la, i maŋ mennu loŋ, aduŋ bankoolu mennu maŋ i loŋ, wolu niŋ tariyaa le be naa i kaŋ. Nte Yaawe i la Alla, Banisirayila la Senuŋ Baa la kuwo le be a saabu la, kaatu ŋa i fandi niŋ horomoo le la.”

Yesaya 2:16

A be safaari kuluŋolu tunendi la le, aniŋ kuluŋ ñiimaalu bee.

Yesaya 51:5

N na tiliŋo ka sutiyaa naŋ tariyaarinke le, n na kiisoo be siloo kaŋ naŋ ne, aduŋ n semboo le be kiitiiteyoo naati la bankoolu kaŋ. Banku jamfariŋolu be n lamoyi la le, ì ye ì jikoo loo n semboo kaŋ ka ì maakoyi.

Yesaya 11:11

Wo luŋo la, Maariyo be a bulu sembemaa taa la le kotenke, ka moo toomaalu kaniŋ mennu tuta a la moolu kono, ka bo Asiriya, ka taa fo Misira bankoo bulubaa niŋ maraa la, ka bo Kusi*, Elamu, Babiloni, Hamati, aniŋ ka taa fo Baa Baa* borindoo la.

Kalatiyankoolu 4:26

Bari wo Yerusalaamu meŋ be Alla yaa, wo mu foroo le ti, aduŋ ate le mu ntolu baamaa ti.

Yesaya 49:1

Alitolu baadaa borindoo sabatilaalu, ali i lamoyi n na. Alitolu banku jamfariŋo moolu, ali ali tuloo loo. Janniŋ n ka wuluu, Yaawe* ye n tomboŋ ne, ka ke a la dookuulaa ti. Kabiriŋ m be m baamaa wuluuñaŋo kono, wo to le a ye n toolaa.

Yesaya 42:10

Alitolu mennu ka taama niŋ baa la, aniŋ a konokono feŋolu bee, alitolu banku jamfariŋolu, aniŋ mennu be sabatiriŋ jee, ali suukuu kutoo laa Yaawe ye, a la jayiroo ye bo naŋ duniyaa daŋo bee to.

Yesaya 42:4

A te keerikeeri la waraŋ ka jikilateyi, fo niŋ a ye tiliŋo londi ñiŋ duniyaa kono. Moolu mennu be banku jamfariŋolu to, be tara la ñaaniriŋ a la luwaalu le la.”

Kalatiyankoolu 3:26

Kaatu alitolu bee mu Alla diŋolu le ti ka bo niŋ lannoo la Kiristu Yeesu kono.

Kiilaalu 9:15

Bari Maariyo ko Ananiyas ye ko, “Taa a kaŋ! Ñiŋ kewo mu n na jooraŋ tombondiŋo le ti, meŋ be n too samba la moolu ye, mennu maŋ ke Yahuudoolu ti, mansoolu ye, aniŋ Banisirayilankoolu.

Yohana 17:26

Ŋa ì londi i too la le, aduŋ m be tenteŋ na le ka moolu londi i too la, fo i ye kanoo meŋ soto n ye, ì fanaa si a soto aniŋ nte ye tara itolu kono.”

Luka 2:32

Ate le mu maloo ti ka siloo yitandi bantala bankoolu* moolu la. Ate le ye buuñaa naati Banisirayilankoolu ye, i la moolu.”

Jakariya 14:14

Hani Yahuuda faŋo be duŋ na keloo to Yerusalaamu le. Ì be ì dandanna bankoolu la fankoo kafu la ñoo ma le, meŋ be ko sanoo, kodiforoo aniŋ sitifeŋolu, ì jamaa baa.

Sefaniya 2:11

Yaawe be ì jaakalindi la le famfaŋ, a ye duniyaakono alloolu bee kasaara, ì ye mennu muta Alla ti. Bituŋ bankoolu moolu bee si naa sujudi ate doroŋ ye, moo-wo-moo a si a ke a faŋo la bankoo kaŋ.

Yeremiya 30:19

Tenturu suukuwolu le be kali kuma la naŋ ì kono, aniŋ moolu la seewoo wuurikaŋo. M be ì yaatewo siyandi la le, ì kana dooyaa, ŋa ì buuñandi, moo kana ì malundi kotenke.

Yeremiya 3:17

Wo waatoo la, ì be kali Yerusalaamu kumandi la Yaawe la Mansasiiraŋo le la. Duniyaa banku moolu bee be beŋ na jee le ka m batu n too la, aduŋ ì te bula la ì la sondome jaa niŋ kuruŋyaa nooma kotenke.

Yesaya 60:4

Yaawe ko: “I dandaŋolu juubee, i ye a je, meŋ be ke kaŋ. Ì bee benta le ka naa i yaa. I dinkewolu be bo la naŋ dulaa jaŋ, ì ye i dimmusoolu fanaa sika naŋ ne.

Yesaya 57:17

Ì la hadume maañaa le ye a tinna n kamfaata. Ŋa ì mantoora, ŋa n koo dii ì la kamfaa kono, hani wo, ì tuta ì fansuŋ siloo doroŋ ne nooma la.

Yesaya 43:6

M be a fo la maraa karoo moolu ye le ko, ì ye ali bula, ali ye taa, ŋa a fo bulubaa karoo moolu ye ko, ì kana ali muta. N na dindiŋolu ye muru naŋ Banisirayila, ka bo naŋ duniyaa daŋo to.

Yesaya 43:4

M be moolu ke la ali ye jooroo ti le, ka banku koteŋo moolu ke ali ye kumakaaraŋo ti, kaatu ali kummaayaata m fee le, ali keta n na horoma moolu ti, ŋa ali kanu le famfaŋ.

Kuma Kotoomaalu 18:20

Niŋ i daa ye i duŋ ka kuma-wo-kuma fo, i be a tinewo soto la le.

Jabuuroolu 72:10

Tarisi mansoolu, aniŋ baajooyoolu la mansoolu si naamoo joo a yaa. Seba niŋ Seeba bankoolu la mansoolu si soorifeŋolu dii a la.

1 Mansoolu 22:48

Yehosafati ye safaari kuluŋ sapoolu dadaa le mennu ñanta taa la Ofiri ka sanoo ñini, bari ì nene maŋ wuli ka teyi, ì tiñaata baa kono Esiyoni-Keberi saatewo daala.

1 Mansoolu 10:22

A ye safaari kuluŋolu le soto nuŋ baa to, aniŋ Hiramu la kuluŋolu kafuriŋo. Sanji saba-wo-sanji saba ì ka muru naŋ ne, ì niŋ sanoo, kodiforoo aniŋ samañiŋo, ka taa ndemoolu niŋ kumaarewolu.

1 Mansoolu 10:1

Kabiriŋ Seba musumansoo* ye Sulemani la darajoo moyi, darajoo meŋ sunta Yaawe* too la, a naata ka a kotobo niŋ ñininkaari koleŋolu la.

1 Mansoolu 8:41

“Luntaŋo si naa noo le, meŋ maŋ bo i la moolu Banisirayilankoolu kono, ka bo naŋ banku koteŋ kaŋ i too la kuwo kamma la.

Yosuwa 9:9

Ì ye a jaabi ko, “I la joŋolu le mu ntolu ti. Ǹ ka bo naŋ banku jamfariŋ baa le to, Yaawe* la kuwo darajoo kamma la, i la Alla. Ŋà a la kuwolu kibaaroolu le moyi, a ye meŋ bee ke Misira,

2 Musa 33:19

Yaawe ye a jaabi ko, “M be n na beteyaa bee yitandi la i la le, aduŋ m be n too ‘Yaawe’ kankulaa la i ñaatiliŋo la le. N ñanta hiina la mennu ye, m be hiinoo dii la ì la le. N ñanta balafaa soto la mennu ye, m be balafaa la wolu ye le.”

1 Musa 9:27

Allamaa Alla ye Yafeti la bankoo lafaa, Allamaa a koomalankoolu ye sabati Semu koomalankoolu kono. Allamaa a ye Kanaani ke Yafeti la joŋo ti.”

Jabuuroolu 48:7

ì keta komeŋ niŋ turubaadi jawoo ye safaari kuluŋolu janjaŋ.

Yesaya 24:15

Wo to tilibolankoolu, ali horomoo niŋ buuñaa dii Yaawe la, baadaa borindoo siilaalu, ali Yaawe too horoma, Banisirayila la Alla.

Yesaya 49:22

Maarii Yaawe ye ñiŋ ne fo ko: “Saayiŋ, m be taamanseeroo ke la bantala bankoolu ye le. M be n na bandeeroo wulindi la le, moolu ye a je. Ì be i dinkewolu sika la le, ì ye i dimmusoolu laa ì dabakunkuŋolu kaŋ, ì ye ì naati i ye.

Yesaya 60:6

Ñonkome koorewolu be i la bankoo bee beŋ na le, Midiyani niŋ Efa ñonkomoolu, ì niŋ ì la marisandiisoolu. Sebankoolu be naa le, ì niŋ sanoo niŋ cuuraayoo, aduŋ ì be tara la nte Yaawe too kankulaa la le, ka a jayi.

Esekiyeli 39:7

N na moolu Banisirayilankoolu bee be n too jankuriŋo loŋ na le, aduŋ n te soŋ na bantala bankoolu* ye jutu n too jankuriŋo la kotenke. Ì bee be a loŋ na le ko, nte le mu Yaawe ti, Banisirayila la Senuŋ Baa.

Mika 4:13

Yaawe naata a fo ko: “Dimmusuriŋ Siyoni, wuli i ye ì toñonka. M be neebinoo le faliŋ na i ye, ŋa jaawali worosoolu faliŋ i ye. I be banku jamaa le toñonka la, ka ke ko munku budewo. I be ì la ñapinkaŋ feŋolu samba la naŋ nte Yaawe le kaŋ, duniyaa Maariyo, aniŋ ì la sotofeŋolu.”

Mika 7:12

Wo luŋo la, moolu be ali waliŋ na le ka bo Asiriya aniŋ Misira saatewolu to, ka bo biriŋ Misira ka taa fo Yufurati Boloŋo to, ka bo biriŋ fankaasi fo fankaasi, aniŋ ka bo biriŋ konko fo konko.

Jabuuroolu 97:1

Yaawe* mu Mansa le ti, duniyaa moolu, ali kontaani! Hani fankaasoo daŋo to siilaalu, ali seewoo!

Yesaya 46:13

M pareeta le ka n na tankoo sutiyandi naŋ, a maŋ jamfa, aduŋ n na kiisoo te mee la a be naa. M be Siyoninkoolu* kiisa la le, ŋa n na kallankeeyaa* dii Banisirayilankoolu la.”

Yesaya 66:12

Kaatu Yaawe ye ñiŋ ne fo ko: “M be kayiroo feenee la Yerusalaamu ye le ko baajiyo, ŋa bankoolu la naafuloo fuumandi a ye ko woyoo. A be ali suusundi la le ko deenaanoo, a ye ali sika ka ali bambu, aniŋ ka ali tulundi a wutoo kaŋ.