Yesaya 6:6 - Mandinka Bible

⁶ Wo to le serafu malaayika kiliŋ tiita naŋ fo m be daameŋ, dimbaa keñemboo be a buloo kono. A ye a bondi niŋ baayaŋo le la ka bo sadaajanidulaa* to.

Yesaya 6:6 ပူးပေါင်းရင်းမြစ်များ

Esekiyeli 10:2

Bituŋ Yaawe* diyaamuta wo kewo ye, fatari dendikoo be meŋ na, a ko a ye ko, “Taa wo sareeti siŋolu teema, mennu be wo kerubu malaayikoolu dandaŋo la, i ye i buloo fandi dimbaa keñemboolu la, i ye a janjaŋ Yerusalaamu saatewo kaŋ.” Bituŋ ŋa kewo ñiŋ je, a taata wo sareeti siŋolu teema.

Hiburunkoolu 13:10

Ŋà sadaabodulaa* le soto, moolu mennu ka dookuwo ke tiriliisoo* kono, ì maŋ siloo soto ka domoroo ke jee.

Hiburunkoolu 1:7

Bari malaayikoolu la kuwo to, a ko le: “A ka a la malaayikoolu ke foñoo ti, a ka a la dookuulaalu ke dimbaa ti.”

Yesaya 6:2

Serafu malaayikoolu le tarata tii kaŋ a ye santo la, meŋ-wo-meŋ ye dampaŋ wooro le soto. Ì ka ì ñaadaalu muuri niŋ dampaŋ fula le la, fula doo, ì ka ì siŋolu muuri wolu le la, fuloo meŋ tuta, ì ka tii wolu le la.

3 Musa 16:12

a si naa cuuraayi siisindiraŋo fandi dimbaa keñemboolu la ka bo cuuraayi siisindidulaa to, meŋ be nte Yaawe ñaatiliŋo la, aniŋ cuuraayi diimaa bulufaañaa fula, meŋ tuuriŋo mu. A si ì samba ridoo ye konoto la, Dulaa Senuŋ Baa kono.

Hiburunkoolu 1:14

Fo malaayikoolu bee maŋ ke dookuulaalu doroŋ ne ti baŋ? Ì bee mu maakoyirilaa nooroolu le ti, Alla ye mennu kii wo moolu ye, mennu be kiisoo soto la.

Kiilaalu 2:3

Wo to le ì ye feŋ je, meŋ mulunta ko dimbaa neŋolu. Ì janjanta ka jii ì bee kaŋ.

Matiyu 3:11

Tooñaa, n ka ali batisee niŋ jiyo le la ka a yitandi ko, ali tuubita le. Bari meŋ ka naa nte noo kaŋ, wo le la kuwo warata ka tambi nte la. M maŋ jari ka hani a la samatoolu samba. Ate be ali batisee la niŋ Noora Kuliŋo le la aniŋ dimbaa.

4 Musa 16:46

Musa ko Haaruna ye ko, “I la cuuraayi siisindiraŋo taa, i ye dimbaa keñemboo ke a kono ka bo sadaajanidulaa to. I ye cuuraayoo ke a kaŋ, i ye a samba katabake jamaa moolu ye, ka junube kafaroo sii ì ma. Kaatu Yaawe ye a la kamfaa bula naŋ ne fokabaŋ, alibalaa kuuraŋo le datita.”

2 Musa 25:38

Ali a meesi kunturaŋolu niŋ a sambaraŋolu ke saniforoo ti.

Yeremiya 1:9

Bituŋ Yaawe ye a buloo tiliŋ, a ye n daa maa. A ko n ye ko, “A juubee, ŋa n na kumoo duŋ i daa le.