Yesaya 6:4 - Mandinka Bible

⁴ Ì sari kaŋo ye a tinna le fo bundaa kaadaroolu aniŋ bundaa kuŋolu ka jiijaa, aduŋ Alla Batudulaa Buŋo* faata niŋ siisiyo la.

Yesaya 6:4 ပူးပေါင်းရင်းမြစ်များ

Jabuuroolu 18:8

Siisiyo bota naŋ a nuŋo kono, dimbaa bota naŋ a daa kono, dimbaa keñemboo bota a bala.

2 Musa 40:34

Bituŋ minaayoo ye Tiriliisi Senuŋo muuri, aduŋ Yaawe la semboo niŋ waroo faata a kono.

Esekiyeli 1:24

Niŋ ì be taa kaŋ, ì dampaŋolu kumakaŋo ka muluŋ ne ko baa baliŋolu ka bumbuŋ ñaameŋ, waraŋ ko kelediŋ kafu baa maakaŋo ka kuma ñaameŋ, waraŋ niŋ Alla Tallaa faŋo be daali kaŋ. Niŋ ì loota, ì ka ì dampaŋo seyindi a ñaama le.

Esekiyeli 10:5

Wo malaayikoolu dampaŋo ka kuma le ko Mansa Tallaa diyaamukaŋo ka ke ñaameŋ. Hani meŋ be Batudulaa banta luwo to, a si ì dampaŋolu kumakaŋo moyi.

Esekiyeli 41:16

ka taa dundaŋ daakuŋo to, ì ye wolu bee laa babaroo le la. Aduŋ ka bo teroo to ka taa fo palanteeroolu to, ì ye wolu fanaa bee laa babaroo le la. Babara teleŋolu le be tembendiriŋ palanteeroolu dandaŋolu la.

Esekiyeli 44:4

Bituŋ kewo ye n samba naŋ Batudulaa Buŋo* ñaatiliŋo la, ka bo niŋ dundaŋ buŋo la meŋ ñaa be tilindiŋ maraa karoo la. A fele, Batudulaa Buŋo bee be faariŋ Yaawe la kallankeeyaa* la. Bituŋ ŋa m fayi bankoo to, m bitita n ñaadaa kaŋ.

Amosi 9:1

M Maarii Yaawe* ye n jerindi ñiŋ ne la: Ŋa m Maariyo je looriŋ sadaajanidulaa* daala. Bituŋ a kumata ko: “Ñiŋ batudulaa samasiŋolu santo ye taki, buŋo ñiŋ bee ye jiijaa ka bo santo fo duuma. A bee ye boyi naŋ moolu kaŋ. Niŋ mennu kanata, hawusaroo* le be wolu faa la. Hani moo kiliŋ te kana la ì kono, hani moo kiliŋ te bori la.

Lankenemoo 11:19

Bituŋ Alla Batudulaa Buŋo yeleta Arijana kono, aduŋ Kambeŋ Kunewo* jeta, meŋ be a kono. Saŋ ŋalasoolu, saŋ feteŋolu, saŋ kumakaŋolu, aniŋ banku jarajaroo keta, saŋ bere baalu naata boyi duniyaa kono.

Lankenemoo 15:8

Bituŋ Alla la semboo niŋ a la kallankeeyaa* ye Batudulaa Buŋo ñiŋ fandi niŋ siisiyo la. Moo-wo-moo le maŋ duŋ noo jee to, fo biriŋ wo malaayika woorowuloo la mantooroolu banta.