Yesaya 6:12 - Mandinka Bible

¹² fo niŋ nte Yaawe ye moo bee bayi ka taa dulaa jamfariŋo to, bankoo kenseŋo ye tu jee.

Yesaya 6:12 ပူးပေါင်းရင်းမြစ်များ

Yeremiya 4:29

Suuborindilaalu niŋ kalabeñe fayilaalu maakaŋo naŋ, wo le be saatewolu bee moolu borindi la. Doolu be duŋ na sutu dibiŋolu le kono, doolu ye sele ka taa konko berehuwolu kono. Saatewolu bee be kenseŋyaa la le, moo te tara la sabatiriŋ jee.

5 Musa 28:64

Bituŋ a si naa ali janjandi bankoolu bee kaŋ taariŋ, biriŋ duniyaa tonkoŋ fo tonkoŋ, aduŋ ali si alla koteŋolu batu jee, ì ye mennu dadaa yiroo niŋ beroo la, ali niŋ ali mumuñolu nene maŋ alloolu mennu loŋ nuŋ.

Niikuyaa Suukuwolu 5:20

Muŋ ne ye i ñinandi ntolu la ñiŋ saŋolu bee la, muŋ ne ye a tinna ì ye i koo dii ǹ na fo waati jaŋ?

Yeremiya 15:4

M be ì la kuwo ke la duniyaa mansamarali bankoolu bee ye masilaŋo le ti, Hesekiya dinkewo Manase kekuwo kaŋ, biriŋ a keta Yahuuda mansa ti Yerusalaamu saatewo kono.”

Yeremiya 12:7

Yaawe ko: “Ŋa n na dimbaayaa Banisirayila bula le, ŋa n koo dii m faŋo la tomboŋ moolu la. Ŋa mennu kanu n niyo la, ŋa ì duŋ ì jawoolu bulu le.

Yesaya 26:15

Hee Yaawe, i ye ǹ na bankoo warandi le, i ye ǹ na bankoo warandi, ka buuñaa naati i faŋo ye, i ye bankoo naanewolu bee lafaa le.

2 Mansoolu 25:21

Bituŋ Babiloni mansa ye ì faa Ribula saatewo to jee, Hamati bankoo kaŋ. Ì ye Yahuuda moolu bondi ì la bankoo kaŋ wo le ñaama, ì ye ì samba ka tara mutoo kono.

2 Mansoolu 25:11

Kelediŋ kuntiyo Nebusaradani ye moo doolu muta le, a ye ì samba Babiloni. Wo mu moolu le ti mennu tuta saatewo kono, ka taa moolu mennu ye ì faŋ seyi Babiloni mansa ma, aniŋ saatewo moo koteŋolu.

Roomankoolu 11:15

Biriŋ Alla ye a la moolu bula fo waati, wo naata a niŋ duniyaa moolu diyandi. Wo to, niŋ a be a la moolu jiyaa la kotenke, muŋ ne be ke la? Furewolu si wulindi ka baluu!

Yesaya 5:9

Yaawe Alihawaa Maariyo kalita ñiŋ na le, m faŋo tuloo le ye a moyi, “Tooñaa-tooñaa, wo buŋolu bee le be ke la tumbuŋo ti, buŋ ñiimaa baalu be jee le, bari moo te tara la ì kono.

Yesaya 13:12

M be moolu yaatewo dooyandi la le ko saniforoo, ì sotoo ye koleyaa ko Ofiri tundoo sanoolu.

Yeremiya 52:27

Bituŋ Babiloni mansa ye ì faa Ribula saatewo to jee, Hamati bankoo kaŋ. Ì ye Yahuuda moolu bondi ì la bankoo kaŋ wo le ñaama, ì ye ì samba ka tara mutoo kono.

Sefaniya 1:3

Hadamadiŋ wo, beeyaŋ wo, kunu wo, ñee wo, m be ì bee le bondi la duniyaa kono, ŋa moo kuruŋolu la kuwo jindi. M be hadamadiŋolu bee le kasaara la. Nte Yaawe le ye a fo.