Yesaya 57:6 - Mandinka Bible

⁶ Jalaŋolu mennu be wulumbaŋo kono, bere deerariŋolu be daameŋ, itolu le kummaayaata ali fee, nte wo nte. Ali ka miŋ feŋ sadaalu boŋ ì ye le, aniŋ siimaŋ sadaalu. Ñiŋ kuwolu bee jeriŋ koolaa, fo n si sabari noo baŋ?

Yesaya 57:6 ပူးပေါင်းရင်းမြစ်များ

Yesaya 65:11

“Bari alitolu mennu ye ali koo dii nte Yaawe la, ali ñinata n na konko senuŋo* la, ali ka domori feŋ sadaa naati Kadu jalaŋo ye, miŋ feŋ diimaa, Meni jalaŋo ye,

Yesaya 66:3

Bari doolu be jee le mennu ka bula ì fansuŋ siloo nooma, aniŋ ka kontaanoo soto kuu haraamuriŋolu to. Niŋ ì ye tuuraa bondi sadaa* ti, a konta nte fee le ko, niŋ ì ye hadamadiŋo le bondi sadaa ti. Niŋ ì ye saajiyo bondi sadaa ti, a ka munta le ko, niŋ ì ye wuloo le kaŋo kati. Niŋ ì ye siimaŋ sadaa le bondi, wo ka munta m fee le ko, niŋ ì ye seewu yeloo le bondi. Niŋ ì ye cuuraayoo siisindi sadaa ti, wo ka munta le ko, niŋ ì ye jalaŋo le batu.

Yeremiya 19:13

Buŋolu mennu be Yerusalaamu kono, ka taa Yahuuda mansoolu la buŋolu, be ke la dulaa kosoriŋo le ti ko Tofeti. Ì ka cuuraayoo siisindi sadaa ti wo buŋ santo teruriŋolu* to, saŋo santo malafeŋolu ye, aduŋ ì ka miŋ feŋ sadaalu boŋ jalaŋolu ye.”

Yeremiya 3:9

Cakayaa maañaa maŋ ke Banisirayila ñaa koto feŋ ti, wo le ye a tinna a ye bankoo kosondi. A ye jeenoo le ke ka bo niŋ jalambatoo la, biriŋ a bere jalaŋ, fo a yiri jalaŋ.

Yeremiya 32:29

Itolu Babiloninkoolu mennu be ñiŋ saatewo kele kaŋ, ì be dimbaa le duŋ na a la ka a jani. A buŋolu be jani la le, ì ka cuuraayoo siisindi mennu santo teruriŋolu to, Baali* jalaŋo ye, ì ka miŋ feŋ sadaalu* boŋ jalaŋ koteŋolu ye daamennu to, ka n kamfandi.

Yeremiya 5:29

Fo m maŋ ñaŋ na ì jarabi la ñiŋ na baŋ? Fo m maŋ ñaŋ na juloo joo la ñiŋ banku siifaa to baŋ?” Yaawe le ye a fo.

Yeremiya 5:9

Fo m maŋ ñaŋ na ì jarabi la ñiŋ kuwolu la baŋ? Fo m maŋ ñaŋ na juloo joo la ñiŋ banku siifaa to baŋ?” Yaawe le ye a fo.

Yeremiya 7:18

Dindiŋolu le ka loo kafu ñoo ma, faalu ye dimbaa mala, bituŋ baalu ye fariñoo nooni ka a jani mbuuroo ti jalaŋo ye, ì ka meŋ kumandi Saŋo Santo Musumansoo* la. Ì ka miŋ feŋ sadaalu* boŋ batufeŋ koteŋolu ye le, ñiŋ kamma la ka n kamfandi.

Yeremiya 9:9

Fo m maŋ ñaŋ na ì jarabi la ñiŋ kuwolu la baŋ? Fo m maŋ ñaŋ na juloo joo la ñiŋ banku siifaa to baŋ?” Yaawe le ye a fo.

Esekiyeli 20:39

Maarii Yaawe ye ñiŋ ne fo ko: “Wo to saayiŋ, alitolu Banisirayilankoolu, niŋ a diyaata ali ye, ali si taa ka ali la jalaŋolu batu, bari ñaato siniŋ, ali be i lamoyi la n na le, ali ye soŋ n na yaamaroolu la. Kaatu nte jankuta le. Ali te horomantaŋyaa tiliŋ na n too la kotenke niŋ ali la wo jalaŋolu la, ali ka mennu batu, aniŋ ali ka ali la sadaalu bo mennu ye.”

Habakuki 2:19

Kooroo be ali ye, alitolu mennu ka a fo doko jaaroo ye ko, ‘Wuli,’ ali ka a fo bere jaaroo ye ko, ‘Loo.’ Wolu si muŋ ne yitandi noo ali la? Ì muuta sanoo la ñaa-wo-ñaa, aniŋ kodiforoo, hani wo bee maŋ ì ke niilamaa feŋ ti.”