Yesaya 57:5 - Mandinka Bible

⁵ Ali ka tara jarabiriŋ jalaŋolu le nooma, yiri baalu niŋ yiri biireeriŋolu koto. Ali ka ali diŋolu kanateyi le ka ke sadaalu* ti, wulumbaŋolu niŋ berehuwolu kono.

Yesaya 57:5 ပူးပေါင်းရင်းမြစ်များ

1 Mansoolu 14:23

Itolu fanaa ye jalaŋ batudulaalu loo ì faŋolu ye, jalaŋ bere looriŋolu aniŋ Asera jalaŋ doko looriŋolu, konkoolu bee kaŋ aniŋ yirisuŋ biireeriŋolu bee koto.

2 Mansoolu 17:10

Ì ye Asera* doko samasiŋolu niŋ beroolu loo ì faŋolu ye, konko jaŋolu bee kaŋ ne, aniŋ yirisuŋ biireeriŋolu bee koto ka ì batu.

2 Mansoolu 17:7

Ñiŋ kuwo bee keta le kaatu Banisirayilankoolu ye junube kuwo le ke Yaawe la, ì la Alla meŋ ye ì bondi Misira mansa Firawoona bulu. A ye ì samba naŋ ne ka bo naŋ Misira bankoo kaŋ. Ì ye alla koteŋolu le batu,

2 Mansoolu 23:10

A ye Tofeti sadaabodulaa* tiñaa Hinnomu Wulumbaŋo kono le, ñiŋ kamma moo kana a dinkee waraŋ a dimmusu jani dimbaa kono, ka a ke sadaa ti Moleki ye.

2 Taarika 28:3

a ye cuuraayoo siisindi Hinnomu Wulumbaŋo kono, hani a dinkewolu faŋo, a ye ì jani dimbaa kono ka ì ke sadaa* ti. A bulata banku koteŋolu la kuu haraamuriŋolu le nooma, Alla ye mennu bayi ka ì fintindi Banisirayilankoolu ye.

2 Musa 32:6

A saamoo moolu wulita juuna, ì ye jani sadaalu* bondi, ì ye doolu bondi ka ì ke kayira sabatindiraŋ sadaa* ti. Moolu naata domoroo niŋ dolo miŋo ke, ì wulita ka tuluŋ.

Yesaya 1:29

Ali kontaanita le ka jalaŋolu batu yirisuŋ baalu koto, bari ali be naa malu la jee le. Ali ye naakoolu tomboŋ ne ka ì batu jee, bari ali be dooyaa soto la ì la kuwo to le.

Yeremiya 17:2

Hani ali koomalankoolu fanaa buka ñina noo ì la sadaabodulaalu niŋ ì la Asera* jalaŋ dokoolu la, yirisuŋ biireeriŋolu koto taariŋ, konkoriŋolu kaŋ,

Yeremiya 2:20

Yaawe ko: “Biriŋ waati jaŋ koomanto le ite Banisirayila ye i la yookoo* kati, i ye i la juloolu kuntu ka balaŋ. I ko i te m batu la. Silaŋ, konko jaŋolu meŋ-wo-meŋ kaŋ, yirisuŋ biireeriŋolu koto taariŋ, i ka laañooyaa tuluŋo ke le ko cakoo.

Yeremiya 3:13

Ali soŋ ali la boyidaa la doroŋ ko ali balanta nte Yaawe ali la Alla le ma. Ali ye siloo dii banku koteŋ jalaŋolu le la, ka wolu kanuñooyaa yirisuŋ biireeriŋolu meŋ-wo-meŋ koto, ali maŋ soŋ ka n na kumakaŋo muta.” Yaawe le ye a fo.

Yeremiya 3:6

Mansa Yosiya la maraloo waatoo kono, Yaawe diyaamuta nte Yeremiya ye le ko, “Fo i ye a je le, Banisirayila ye meŋ ke baŋ, komeŋ futuumusu muritiriŋo? A seleta konko-wo-konko kaŋ ne, aniŋ yirisuŋ biireeriŋo meŋ-wo-meŋ koto, ka cakayaa maañaa ke jee.

Yeremiya 32:35

Ì ye batudulaa tintiŋolu* loo Baali jalaŋo ye Beni-Hinnomu Wulumbaŋo kono le ka ì dinkewolu niŋ ì dimmusoolu jani sadaa ti dimbaa kono Moleki jalaŋo ye. Nte maŋ ì yaamari wo la, aduŋ wo nene maŋ bula n kono, meŋ si a tinna ì ye ñiŋ kuu ñewundiŋo ke ka Yahuuda dundi junube kewo to.”

Yeremiya 50:38

Jaa be naa a baajiyolu kaŋ ne, fo ì si jaa kos! Kaatu a bankoo bee niŋ batufeŋolu le mu, ì ñaamaata jalaŋ jawoolu la kuwo la le.

Yeremiya 51:7

Babiloni tarata nte buloo kono le ko sani mindaŋo, duniyaa bee ye a miŋ fo ì keta tamaji. Bankoolu ye a la wayinoo* miŋ ne, a ye ì ñaamandi.

Yeremiya 7:31

Ì ye batudulaa tintiŋolu* le loo ì ka daameŋ to kumandi Tofeti la, Beni-Hinnomu Wulumbaŋo kono, ka ì dinkewolu niŋ ì dimmusoolu jani sadaa ti dimbaa kono. Nte maŋ ì yaamari wo la, aduŋ wo nene maŋ bula n kono.

Esekiyeli 16:20

“Aduŋ i ye i dinkewolu niŋ i dimmusoolu taa i ye mennu wuluu n na ka ì jani jalaŋolu ye sadaa ti. Fo i la cakayaa maŋ kaañaŋ baŋ?

Esekiyeli 20:26

Ŋa ì bula le ì ye ì faŋ kosondi ì la jani sadaalu* la. Wo le ye a saabu itolu bee ye ì diŋ foloolu dii ka ì ke jani sadaalu ti. Wo duŋ mu kuu jawu baa le ti. Ŋa ñiŋ toora siifaa laa ì kaŋ ne fo ì si a loŋ ko, nte le mu Yaawe ti.

Esekiyeli 20:28

Kabiriŋ ŋa ì samba naŋ bankoo kaŋ ŋa ì laahidi ka daameŋ dii ì la, ì ye n kamfandi jee to le. Kaatu ì ka beeyaŋ sadaalu bondi jalaŋ batudulaalu le to konko jaŋolu kaŋ santo aniŋ yiri biireeriŋolu koto taariŋ. Aduŋ ì ka cuuraayi seera diimaalu le siisindi ì la jalaŋolu ye jee ka ì seewondi, ì ka miŋ feŋ sadaalu fanaa boŋ wo sadaabodulaalu* to jee le.

Esekiyeli 20:31

Ali ka ali diŋolu ke jani sadaalu ti, ka ali faŋ kosondi ali la jalaŋolu la, fo ka naa bula bii la. Fo ali si naa noo ka n na lafoo ñininkaa baŋ, a ye a tara ali ka ñiŋ kuu haraamuriŋ siifaalu ke? A be koyiriŋ ñaameŋ ko nte Yaawe be baluuriŋ ne, n te ali jaabi la hani feŋ ne la, ali ka n ñininkaa mennu la.

Esekiyeli 6:13

Moolu mennu faata, ì furewolu be tara la fatafatariŋ ì la jalaŋolu niŋ ì la sadaabodulaalu le to taariŋ, konkoriŋolu niŋ konko baalu bee kaŋ santo, aniŋ yirisuŋ baalu niŋ yirisuŋ biireeriŋolu koto, ì ka cuuraayi seera diimaalu siisindi ì la jalaŋolu ye daamennu to. Niŋ wo keta le, ì be a loŋ na ko, nte le mu Yaawe ti.

3 Musa 18:21

I kana i diŋ jani ka a ke sadaa* ti Moleki jalaŋo ye, ka jutunnayaa tiliŋ Alla too la. Nte le mu Yaawe ti.

4 Musa 25:6

Musa niŋ Banisirayila jamaa moo bee le tarata kumboo la Bendulaa Tiriliisoo* dundaŋ daa to. Wo dulaa faŋo to ì ñaa la, ì ye Banisirayilankoo doo le je, a ye Midiyani musoo samba naŋ, a niŋ a baadiŋolu la tiriliisoo to.

5 Musa 12:2

Ali ka taa bankoo meŋ taa teŋ, a moolu ka alla koteŋolu le batu. Ali ñanta ì la batudulaalu bee le tumbuŋ na fereŋ, mennu be konko baalu kaŋ waraŋ konkoriŋolu, aniŋ yirisuŋ biireeriŋolu koto.

Lankenemoo 18:3

Nasiyoŋolu bee ye i miŋ a la laañooyaa tuluŋo doloo la le. Duniyaa mansoolu niŋ a ye laañooyaa tuluŋo ke le, duniyaa safaarilaalu naata ke naafulutiyolu ti, a la fankoo semboo la.”