Yesaya 57:18 - Mandinka Bible

¹⁸ Ŋa itolu taaraŋ siloo loŋ ne, bari m be ì jaara la le. M be ì kanda la le, ŋa sabari jusoo dii ì la, fo ì sunuriŋolu si a dati ka jayiri suukuwo laa n ye.”

Yesaya 57:18 ပူးပေါင်းရင်းမြစ်များ

Yeremiya 33:6

“Wo ñaa-wo-ñaa m be jaaraloo niŋ kendeyaa naati la ñiŋ saatewo ye le. M be a tinna le ì ye ì faŋ je kayira baa niŋ yiriwaa kono.

Lankenemoo 7:17

kaatu Saajiiriŋo meŋ be mansasiiraŋo ñaatiliŋo la, ate le be ke la ì la kantarilaa ti. A be ì kenkeŋ na jii woyoolu le to, mennu ka baluwo dii, aduŋ Alla be ñaajiyo bee fita la ì ñaalu to le.”

Yeremiya 3:22

Yaawe ko: “Muna ali muru naŋ, alitolu diŋ muritiriŋolu, m be ali la murutoo jaara la le. “Ali ko, ‘A fele, ǹ naata i kaŋ ne, kaatu ite le mu Yaawe ǹ na Alla ti.

Yeremiya 31:3

Yaawe ye a faŋ lankenemayandi Banisirayila ye le biriŋ koomanto, a ko: “Ŋa ali kanu niŋ badaa-badaa kanoo le la, aduŋ n tententa n na kanu bambaloo kaŋ ali ye le.

Yeremiya 13:17

Niŋ ali maŋ soŋ ka i lamoyi, m be kali kullootoo kumboo la le, ali la faŋ waroo kamma la. N si kumboo baake, n ñaa ye jiyo buruntu, kaatu Yaawe la koorewo be taa mutoo kono le.

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Yesaya 49:10

Ì te konko la, waraŋ mindoo ye ì muta, sako tiloo si i kandi waraŋ keñewuloo* foñoo si ì mantoora. Nte Alla meŋ ka balafaa soto ì ye, be ì ñaatonkayaa la le, ka ì samba woyoolu to.

Yesaya 30:26

Niŋ Yaawe be a la moolu la baramoo jaara la, ka bataariŋolu la dimiŋolu jaara, karoo si mala ko tiloo. Tiloo la maloo si lafaa ko siiñaa woorowula ko tili woorowula kemperiŋo maloo.

Yesaya 12:1

Wo luŋo la, i be a fo la le ko: “Hee Yaawe*, m be i jayi la le! I kamfaabaata n kamma ñaa-wo-ñaa, i la kamfaa banta le, i ye n ñaajiyo fita.

Yesaya 1:18

Yaawe ko, “Ali naa saayiŋ, ŋà kuwo fo ñoo kaŋ. Ali la junuboolu finta le ko kemboo, bari ì be koyi la le ko perekaanoo. Hani a ye a tara ì be findiŋ ne nir, ì be koyi la le ko kotondi buunaa.

Kawandilaa 9:4

Moo-wo-moo be baluwo to, jikoo be a ye le. Wuloo meŋ be a niyo la, wo le ye fisa jata furewo ti.

Jabuuroolu 51:12

Seewoo dii n na kotenke i la kiisandiroo ka meŋ saabu. M bambandi ka i la kuwo muta n niyo la.

Jabuuroolu 23:2

A ka n sabatindi dulaa neemariŋo le to. A ka n samba jii tenkeyaariŋo le to.

Roomankoolu 5:20

Luwaa naata duniyaa kono le ka junuboo la jawuyaa yitandi. Bari junuboo ka siyaa ñaameŋ, Alla la hiinoo ka kafu wo le ñaama ka tambi a la.

Luka 15:20

“Bituŋ a wulita, a taata a faamaa kaŋ. Biriŋ a be naa kaŋ, a be jamfariŋ, a faamaa ye a hayinaŋ doroŋ, a ye a suutee. A balafaata a ye. A borita, a ye a sisifaa a la, a ye a sumbu.

Jabuuroolu 94:19

Niŋ n sondomoo miiroolu siyaata, ite le ka n sabarindi aniŋ ka n jusulandi.

Yesaya 19:22

Yaawe be Misira busa la le, bari a be muru la le ka a jaara. Ì be muru la Yaawe kaŋ ne, aduŋ a be ì lamoyi la ì la woosii kaŋo la le, a ye ì jaara.

Yesaya 52:12

Bari ali te jee bula la korontoo kono, waraŋ ka bori, kaatu Yaawe Banisirayila la Alla le be ali ñaatonkayaa la, aniŋ ka tara ali kooma.

Yesaya 53:5

Ǹ na junuboolu le ye a tinna, ì ye a baloo soo, ǹ na kuu kuruŋolu le ye a tinna, ì ye a baramaŋ-baramaŋ. Jaraboo meŋ laata a kaŋ, wo le ye kayiroo saabu ntolu ma, aduŋ a la baramoolu le ye ntolu kendeyandi.

Yesaya 58:11

Waati-wo-waati nte Yaawe le be ali ñaatonkayaa la. M be ali suula kuwolu ke la ali ye banku jaaroo kaŋ ne, fo ali ye wasa. M be ali kuloolu bambandi la le. Ali be muluŋ na le ko naakoo meŋ ye jiyo soto kendeke, waraŋ woyoo meŋ nene buka jaa.

Jakariya 1:13

Bituŋ Yaawe ye hiinanteeyaa kumoo niŋ jusuñaburaŋ kumoolu fo malaayikoo ye, meŋ be diyaamu kaŋ n ye.

Yesaya 30:18

Hani wo, Yaawe be hameriŋ ne ka hiina ali ma, a pareeta le ka balafaa yitandi ali la, kaatu Yaawe mu Alla le ti meŋ tilinta. Seewoo be moolu le ye mennu ka ì jikoo loo a kaŋ.

Yesaya 51:12

Yaawe ko: “Nte, nte faŋo le ka ali sabarindi. Wo to muŋ ne ye a tinna, ali ka sila hadamadiŋo la, saayaa be meŋ kunna, hadamadiŋo meŋ maŋ ke feŋ ti fo ñaamoo?

Yeremiya 30:17

M be ali murundi la jaatikendeyaa to le, ŋa ali la dimiŋolu jaara.” Yaawe le ye a fo. “Kaatu ì ka ali wulubayi le ka a fo ko, Siyoni* moolu le mu, moo daa te mennu la kuu to.”