Yesaya 57:13 - Mandinka Bible

¹³ Niŋ i woosiita maakoyiroo la, i la jalaŋ jurumoolu si i tanka. Foñoo le be ì bee samba la, niijii kenseŋo ye ì tindi ka taa. Bari moo meŋ be tuukuriŋ nte la, wo le be bankoo keetaa la, n na konko senuŋo* ye ke a taa ti.”

Yesaya 57:13 ပူးပေါင်းရင်းမြစ်များ

Jabuuroolu 37:9

Kaatu moo kuruŋolu be wafati la ñiŋ bankoo kaŋ ne, bari moolu mennu jikita Yaawe la, wolu le be ñiŋ bankoo keetaa la.

Jabuuroolu 37:3

Dankeneyaa Yaawe* la, i ye baara kuu betoo la, fo i si baluu ñiŋ bankoo kaŋ tankoo kono.

Yesaya 65:25

Suluwo niŋ saajiiriŋo be domoroo ke la ñoo kaŋ ne, jatoo be ñaamoo ñimi la ko ninsoo, kankaŋo ye ke saa la domoroo ti. Ì te mantoora ke la, ì te kasaarali ke la n na konko senuŋo* bee kaŋ. Nte Yaawe le ye a fo.”

Yesaya 56:7

m be ñinnu le samba la n na konko senuŋo* to, ì ye tara seewooriŋ n na duwaa buŋo kono. M be soŋ na le ì la jani sadaalu* niŋ ì la beeyaŋ sadaalu ye laa n na sadaajanidulaa* kaŋ. Kaatu ì be n na buŋo kumandi la duwaa buŋo le la, bankoolu bee ye.”

Jakariya 7:13

“A keta teŋ ne: Biriŋ n diyaamuta ì ye, ì maŋ n danku, ì fanaa ye n kili, m maŋ ì danku.

Yoweli 3:17

Yaawe ko: “Ali be a loŋ na le ko, nte le mu Yaawe ti, ali la Alla, meŋ be sabatiriŋ Siyoni, n na konko senuŋo*. Yerusalaamu be janku la le, luntaŋolu te a maa la kotenke.

Esekiyeli 20:40

Maarii Yaawe ko: “Luŋ be sii la, alitolu Banisirayilankoolu bee be m batu la n na konko senuŋo* le kaŋ santo, Banisirayila bankoo kaŋ. Ali be ali la sadaalu samba la naŋ n ye jee le to, m be seewoo la mennu la. Ñinnu le mu sadaa jankuriŋolu ti ali be mennu samba la n ye naŋ.

Yesaya 66:20

Aduŋ ì be ali baadiŋolu bondi la naŋ ne ka bo bankoolu bee kaŋ, ka naa n na konko senuŋo* to Yerusalaamu, ka ke soorifeŋo ti nte Yaawe ye. Ì be tara la seleriŋ suwoolu le kaŋ, sareetindiŋolu niŋ sareeti baalu, bahalewolu* aniŋ ñonkomoolu kaŋ.” A ko: “Ì be ì naati la le ko Banisirayilankoolu ka ì la siimaŋ sadaalu naati keraŋ seneyaariŋo kono ñaameŋ, nte Yaawe la Batudulaa to.

Yesaya 65:9

M be koomalankoolu bondi la Yaakuba lasiloo kono le, Yahuuda koomalankoolu le be n na konkobankoo keetaa la. N na tomboŋ moolu le be a keetaa la, aduŋ n na dookuulaalu le be sabati la jee.

Yesaya 11:9

Feŋ te tara la Alla la konko senuŋo* kaŋ, meŋ si moo mantoora, waraŋ ka moo kasaara, kaatu duniyaa bee be faa la moolu le la, mennu ye Yaawe loŋ, ko baa ka tara faariŋ jiyo la ñaameŋ.

Jabuuroolu 125:1

Moolu mennu ye ì jikoo loo Yaawe* kaŋ ka munta le ko, Siyoni* Konkoo meŋ te jiijaa noo la, a be tu la looriŋ ne fo abadaa.

Kiitindirilaalu 10:14

Ali taa woosii jalaŋolu ye, ali ye mennu tomboŋ. Ì ye ali tanka ali la bataa waatoo kono.”

Hoseya 13:3

Wo to ì si ke ko tuutuwo, ko soomandaa komboo, meŋ ka yeemaŋ waati kiliŋ, ko fuufulewo ka tii feeridulaa ñaameŋ, waraŋ ko siisiyo ka finti palanteeroo la ñaameŋ.

Yeremiya 22:22

Foñoo le be i kantalaalu koora la, i niŋ mennu laata ñoo kaŋ, ì ye taa mutoo kono. Wo to le i be malu la, i keñaa ye bo i kono, i la kuu kuruŋolu bee kamma la.

Yeremiya 22:20

Yaawe ko: “Ite Yerusalaamu, taa Libanooni konkoolu kaŋ ka wuuri santo, i wuurikaŋo ye kuma Basani konkoolu to, i kumboo kaŋo, ka bo Abarimu konkoolu kaŋ, kaatu i niŋ mennu laata ñoo kaŋ ì bee kasaarata le.

Yesaya 65:11

“Bari alitolu mennu ye ali koo dii nte Yaawe la, ali ñinata n na konko senuŋo* la, ali ka domori feŋ sadaa naati Kadu jalaŋo ye, miŋ feŋ diimaa, Meni jalaŋo ye,

Yesaya 41:16

Ali be ì fayi la foñoo kono le, ì ye janjaŋ, burufatoo ye ì tindi. Wo to ali be kontaani la le, kaatu nte le mu Yaawe ali la Alla ti, ali be nte Banisirayila la Senuŋ Baa jayi la le.

Yesaya 40:24

Ì ka muluŋ ne ko fiifeŋo meŋ pareeta suluduŋo la. Niŋ a wulita doroŋ, Yaawe niijii foñoo ye a bee norondi, turubaadoo ye naa a samba komeŋ fuufulewo.

Kuma Kotoomaalu 28:25

Moo meŋ hadumeta, ka sonkoo le jambandi, bari moo meŋ laata Yaawe la, be taa ñaato le.

Jabuuroolu 84:12

Yaawe Alihawaa Maariyo, barakoo be moo le ye, meŋ dankeneyaata i la.

Jabuuroolu 58:9

Alla be ì koora la le, dindiŋolu niŋ keebaalu kafuriŋo, a ye tariyaa ka tambi kaleeroo la kandoo la, ñansaraŋ dimbaa kaŋ.

Jabuuroolu 1:4

Bari moo kuruŋolu maŋ tara wo ñaama. Ì ka munta le ko fuufulewo, foñoo ka meŋ tindi.

Yuuba 21:18

Fo foñoo nene ka ì fee le ko siimaŋ kaloo baŋ, waraŋ foño baa ye ì samba ko fuufulewo?

2 Mansoolu 3:13

Elisa ko Banisirayila mansa Yoramu ye ko, “Nte niŋ ite maŋ kuu kafu. Taa i faamaa waraŋ i baamaa la annabiyomoolu yaa.” Bari Banisirayila mansa ko Elisa ye ko, “Hanii, wo nte. Yaawe le ye ntolu mansa saboo bee kafu ñoo ma, ka ǹ duŋ Mowabi bankoo moolu bulu.”

Jabuuroolu 118:8

Ka tankoo ñini Yaawe bulu, wo le fisiyaata ka i jikoo loo hadamadiŋo kaŋ.

Yesaya 14:32

Muŋ jaabiri le be dii la kiilaalu la, mennu bota Filisitini bankoo kaŋ? M̀ be a fo la le ko, “Yaawe le ye Siyoni* londi fo a bambanta, aduŋ a la moo toorariŋolu be tankoo soto la jee le.”

Yesaya 25:4

I keta tankoo le ti fuwaaroolu ye, boridulaa, fentaŋolu ye ì la niitooroo waatoo, ka ì tanka foño baa ma, aniŋ ka ke ì ye dubeŋo ti, kandoo waatoo. Kaatu moo saŋaroolu la kelendiroo ka munta le ko foño baa meŋ ka sansaŋo busa,

Yesaya 49:8

Yaawe ye ñiŋ ne fo a la dookuulaa ye ko: “Niŋ n na hiinoo waatoo siita, m be i danku la le. Niŋ kiisoo luŋo siita, m be i maakoyi la le. M be i kanda la, i ye ke n niŋ moolu teema kambeŋo ti, ka banku tumbundiŋo seyindi a ñaama, ka kenoo talaa moolu teema ka ke ì ye keetaafeŋo ti.

Yesaya 60:21

“Wo to i la moolu bee be ke la moo tilindiŋolu le ti, aduŋ bankoo be tara la itolu le bulu fo abadaa. Itolu le mu soroŋo ti ŋa meŋ tutu, m faŋo buloo le la dookuwo mu, ka n na kallankeeyaa yitandi.

Yeremiya 30:14

Ali niŋ mennu bee be laariŋ nuŋ ñoo kaŋ, ì ñinata ali la le, ì buka hani ali hati kotenke. Ŋa ali busa ko n jawoo, ko konnantee balafaabaloo la kelendiroo, kaatu ali la boyidaa warata le, aduŋ ali la junuboolu siyaata.

Jabuuroolu 37:11

Bari fammajiilaalu le be bankoo keetaa la, aduŋ ì be tara la seewooriŋ firiŋo le kono, aniŋ kayira baa.

Jabuuroolu 37:22

Yaawe neemata mennu ma, wolu le be a la laahidi bankoo keetaa la, bari a ye mennu danka, wolu be wafati la bankoo kaŋ ne.

Jabuuroolu 37:29

Moo tilindiŋolu le be bankoo keetaa la, ì koomoo be tu la jee le fo abadaa.

Jabuuroolu 37:34

I lamoyi Yaawe ma, i ye taama a la siloo la, aduŋ a be horomoo dii la i la le, ka bankoo keetaa, aduŋ i ñaa be moo jawoolu wafati luŋo je la le.

Yesaya 45:20

Yaawe ko: “Alitolu keleborilaalu, mennu bota banku doolu to, ali beŋ dulaa kiliŋ ali ye kata naŋ. Mennu ka yiri kuntoolu muta ì la jalaŋolu ti, ì niŋ ì ka tu taa la taariŋ, wolu maŋ feŋ loŋ. Ì ka duwaa ñini batufeŋo le bulu, meŋ te tankandiri ke noo la.

Yeremiya 2:28

Yahuuda, i la alloolu lee, i ye mennu dadaa i faŋo ye? Batu, wolu ye naa, niŋ ì si i kiisa noo mantooroo kono, bayiri ite Yahuuda bankoo la alloolu siyaata le, ì niŋ i la saatewolu yaatewo le kaañanta.