Yesaya 57:12 - Mandinka Bible

¹² Saayiŋ m be i la baaroolu waañaari la le, i ye mennu miira ko kuu tilindiŋolu le mu. Hani kiliŋ te tara la ñinnu kono meŋ si i nafaa.

Yesaya 57:12 ပူးပေါင်းရင်းမြစ်များ

Matiyu 23:13

“Kooroo be alitolu Luwaa karammoolu niŋ Farisewolu ye, alitolu bunaafayoolu! Ali ye siloo soroŋ moolu ma ka taa Arijana mansabaayaa kono. Ali faŋolu te duŋ na, aduŋ ali te moolu bula la, mennu lafita ka duŋ.

Matiyu 23:5

“Ì ka ì la kebaara betoolu bee ke le doroŋ, fo moolu si ì je. Ì ka ì la aaya keraŋolu fanundi le, aniŋ ì ye ì la waramba jimfiroolu jaŋayandi.

Yesaya 64:5

I ka moolu le maakoyi, kuu tilindiŋ kewo ka mennu kontaani, mennu hakiloo ka tu i la siloo kaŋ. Bari i kamfaata ǹ kamma le, kaatu ntolu keta junubekelaalu le ti fo waati jaŋ na. Wo to saayiŋ ǹ si tanka noo ñaadii le?

Yesaya 29:15

Kooroo be moolu le ye mennu ye a kata baake, ka ì la yaamaroolu maabo Yaawe ma. Ì ka ì la kebaaroolu ke diboo kono, ì ka a fo ko, “Jumaa le ka ǹ je? Jumaa le be a loŋ na, ǹ ka meŋ ke?”

Yesaya 58:1

Yaawe* ko: “Sari kendeke, kana i kaŋo jii. I kaŋo sikandi santo i ye sari ko bina kumakaŋo. N na moolu la balaŋo kankulaa ì ye, i ye Yaakuba koomalankoolu la junube kuwolu koyindi ì ma.

Yesaya 65:7

ali niŋ ali la alifaa foloolu bee la junuboo la. Ì jututa n na le ka cuuraayoo siisindi jalaŋolu ye konkoolu kaŋ. Ì ye ì la junube kuwolu mennu ke n na, m be jaraboo jindi la ì kaŋ a ñaama le.”

Yesaya 66:18

“Ŋa ì kekuwolu niŋ ì la miiroolu loŋ ne. Saayiŋ waatoo siita le, ka moolu bendi ñoo kaŋ, ka bo kaŋolu to, mennu be bankoolu bee to, ka n na kallankeeyaa yitandi ì la.”

Yesaya 44:9

Moo-wo-moo ka jalaŋo dadaa, a maŋ ke feŋ ti, i ka feŋolu mennu muta naafuloo ti, maŋ nafaa soto. Moolu mennu ka loo ì ye, mu finkintewolu le ti, ì maŋ feŋ kalamuta, wo le ye a tinna ì be malu la.

Yeremiya 10:11

Yaawe ko: “Yeremiya, a fo ì ye ko: Wo alloolu mennu maŋ saŋo niŋ bankoo daa, ì be kasaara la le ka bo bankoo kaŋ, aniŋ ka bo saŋ fatoo koto.”

Yeremiya 10:14

Ate ñaa la, hadamadiŋo bee le mu hakilintaŋo ti, ì maŋ londi soto. Wo tunkannaalu meŋ-wo-meŋ ka malu le, a la jalaŋolu kamma la, kaatu tunkannaalu la batufeŋolu mu kenseŋ ne ti, niijii foño te ì kono.

Yeremiya 10:15

Feŋ fuuriŋolu le mu, jelefeŋyaa feŋolu. Niŋ ì jarabi waatoo siita, ì be kasaara la wo le fee.

Yeremiya 51:18

Feŋ fuuriŋolu le mu, jelefeŋyaa dookuu feŋolu. Niŋ ì jarabi waatoo siita, ì be kasaara la wo le fee.