Yesaya 56:9 - Mandinka Bible

⁹ Alitolu wulakono daafeŋolu, alitolu daafeŋ saŋarariŋolu, ali bee ye naa domoroo la!

Yesaya 56:9 ပူးပေါင်းရင်းမြစ်များ

Yeremiya 12:9

N na tomboŋ moolu keta le komeŋ duwoo, duwa doolu ye meŋ kuru ka a ñapinkaŋ. Ali taa wulakono daafeŋolu bee kafu naŋ ñoo ma ka ì naati, ì ye a domo.

Esekiyeli 39:17

Maarii Yaawe ye ñiŋ ne fo ko: “Ite hadamadiŋo, kunu siifaalu bee kili naŋ, aniŋ i ye wulakono daafeŋolu bee bendi ñoo kaŋ, ì ye naa ka bo naŋ karoo bee la, ka naa sadaabo juuraloo to m be meŋ parendi kaŋ ì ye, meŋ be naa ke la Banisirayila konkoolu kaŋ. Daameŋ to ì si suboo domo, ì ye yeloo miŋ.

Esekiyeli 29:5

ŋa naa i fayi keñewuloo* kono, i niŋ wo ñewolu bee mennu be baa kono jee, i ye tara fayiriŋ kene baa to. Aduŋ moo te soto la meŋ be naa i sika la wo keñewuloo kono jee ka i baadee. M be i dii la wulakono daafeŋolu le la, aniŋ kunoolu, i ye ke ì ye domoroo ti.

Yesaya 18:6

Ì be kasaara la wo le ñaama, Ì be tu la duwoolu le ye aniŋ suluwolu. Duwoolu le be baluu la ì la samaa kono, suluwolu, tilikandoo kono.”

5 Musa 28:26

Kunoolu niŋ wulakono daafeŋolu le be ali furewolu domo la, moo te soto la ka ì bayi.

Jabuuroolu 104:20

Ite le ye diboo daa, ka a ke suutoo ti. Suutoo la, wulakono daafeŋolu ka yaayi taariŋ.

Yesaya 46:11

Ŋa kewo kumandi le ka bo banku jamfariŋo to, tilibo karoo la, ka n na dookuwo taamandi. A be jii la naŋ ne ko seeliŋo. Ŋa meŋ fo, m be wo le ke la, ŋa meŋ feere, m be wo le taamandi la.

Yeremiya 23:1

Yaawe* ko: “Kooroo be maralilaalu ye le, mennu ka n na saajii koorewo janjandi ka a kasaara, aduŋ itolu le mu kantarilaalu ti ì kunna.”