Yesaya 56:4 - Mandinka Bible

⁴ Kaatu Yaawe ye ñiŋ ne fo ko: “M be seenewolu le la, mennu ka n na Loobula Luŋolu horoma, ka kuwolu baara, n lafita mennu la aniŋ ka n na kambeŋo muta bambandinke.

Yesaya 56:4 ပူးပေါင်းရင်းမြစ်များ

Luka 10:42

bari kuu kiliŋ ne mu suulakuwo ti. Mariyaama ye kuu kendoo le tomboŋ, meŋ te taa la a bulu!”

Yesaya 27:5

Bari niŋ wo ŋaniŋolu lafita ŋa ì tanka, wo to ŋà kayira kambeŋo siti. Haa, ì niŋ ŋa tara kayiroo kono.”

Jabuuroolu 119:111

I la luwaalu le mu n na sotofeŋ kummaalu ti fo abadaa. Ì ka n jusulandi le.

Yesaya 56:6

Luntaŋolu mennu ye ì faŋo kafundi n na moolu ma, ka dookuwo ke n ye, ka n too kanu, ka m batu, aniŋ mennu ka Loobula Luŋo horoma, ì buka a dooyandi, ì ka n na kambeŋo muta bambandinke,

2 Samuweli 23:5

Fo n na dimbaayaa maŋ tiliŋ Alla fee baŋ, kaatu a niŋ ŋa kambeŋo le siti fo abadaa, jikoo meŋ te buruka la. A be maakoyiri baa le ke la n ye. N lafita meŋ-wo-meŋ na, fo Alla te m maakoyi la, a ye ke baŋ?

Yosuwa 24:15

Bari niŋ ali maŋ lafi ka Yaawe batu, wo to ali a fo bii, ali be meŋ tomboŋ na ka a batu. Ali tombondiroo ke alloolu la ali la alifaa foloolu tarata mennu batu kaŋ nuŋ Yufurati Boloŋo kankuŋ doo la, waraŋ Amorinkoolu la alloolu, ali be sabatiriŋ mennu la bankoo kaŋ saayiŋ. Bari nte wo de, n niŋ n na dimbaayaa be Yaawe doroŋ ne batu la.”

Hiburunkoolu 6:17

Wo to, biriŋ Alla lafita ka a koyindi baake wo moolu la, mennu be a la laahidoo soto la, ko a la feeroo te faliŋ na, a ye a bambandi niŋ kaloo le la.

Yeremiya 50:5

Ì be Siyoni* siloo ñininkaa la le, ì ye ì kuŋ tiliŋ jee la. Ì be naa le ka ì faŋ seyi nte Yaawe ma, ka bo niŋ badaa-badaa kambeŋo la, ì te ñina la meŋ na.

Yesaya 56:2

Seewoo be moo ye, meŋ ye ñiŋ ke, a ye a muta bambandinke, ka Loobula Luŋo horoma, a buka a dooyandi, aduŋ a ka tu jamfa la kuu jawu kewo la.”

Yesaya 55:3

Ali naa n kaŋ ali ye ali tuloo loo n na kendeke. Ali i lamoyi n na fo ali si baluu. Kambeŋo meŋ te daŋ na, n niŋ ali be wo le siti la, n na kanu bambaloo, ŋa meŋ laahidi Dawuda ye.

Yesaya 58:13

“Ali kana jutu Loobula Luŋo la, ka bula ali la niidiyaa nooma, n na ñiŋ luŋ buuñaariŋo la. Ali ñiŋ luŋo kumandi kontaani luŋo la, aniŋ luŋ buuñaariŋo. Ali si ñiŋ luŋo muta ka a buuñaa, ali kana bula ali fansuŋ siloo nooma, ka ali fansuŋ nafaa kuwo taamandi, waraŋ ka kuma kenseŋo fo.

Jabuuroolu 25:10

Yaawe ka kuwo bee taamandi tiliŋo niŋ kanu bambaloo le kono moolu ye mennu ka a la kambeŋo muta, aniŋ a la yaamaroolu.