Yesaya 54:7 - Mandinka Bible

⁷ Ŋa i fili jee le fo waatindiŋ, bari m be i murundi la naŋ ne, kaatu m balafaata i ye baake le.

Yesaya 54:7 ပူးပေါင်းရင်းမြစ်များ

Jabuuroolu 30:5

Kaatu a la kamfaa loo mu waatindiŋ ne ti, bari a la konotodiyaa la mewo mu siyo daŋo le ti. Kumboo si tara keriŋ noo suutoo, bari seewoo ka naa le soomandaa.

2 Pita 3:8

N kanuntewolu, ali kana ali ñaa laa ñiŋ tooñaa kaŋ ko, Maariyo fee, tili kiliŋo be le ko sanji wuli kiliŋ, aduŋ sanji wuli kiliŋo be le ko tili kiliŋ.

Mika 4:6

Yaawe ye ñiŋ ne fo ko: “Luŋo be naa le, luŋo meŋ m be n na moolu kafu la ñoo ma. Ì la kuwo be le ko saajii lanjuurutoo, saajiyo meŋ filita. M be moolu bee kafu la ñoo ma le, ŋa niitooroo laa mennu kaŋ.

Yesaya 26:20

N na moolu, ali taa ali ye duŋ ali la buŋolu kono, ali ye bundaalu soroŋ ali faŋ ma. Ali ali faŋo maabo domandiŋ, fo Yaawe la kamfaa ye tambi.

Yesaya 60:4

Yaawe ko: “I dandaŋolu juubee, i ye a je, meŋ be ke kaŋ. Ì bee benta le ka naa i yaa. I dinkewolu be bo la naŋ dulaa jaŋ, ì ye i dimmusoolu fanaa sika naŋ ne.

5 Musa 30:3

Yaawe be balafaa soto la ali ye le, a ye ali murundi naŋ ka bo bankoolu kaŋ, a ye ali janjandi daamennu to. A be ali firindi la le kotenke.

Yesaya 66:18

“Ŋa ì kekuwolu niŋ ì la miiroolu loŋ ne. Saayiŋ waatoo siita le, ka moolu bendi ñoo kaŋ, ka bo kaŋolu to, mennu be bankoolu bee to, ka n na kallankeeyaa yitandi ì la.”

2 Korintinkoolu 4:17

Ñiŋ toorandiŋo meŋ be ke la fo waatindiŋ, wo be m̀ parendi la le ka ǹ naati badaa-badaa kallankeeyaa kono, meŋ maŋ ñoŋo soto.

Matiyu 23:37

“Ite Yerusalaamu, hee, ite Yerusalaamu! I la moolu ye annabiyomoolu faa le, aniŋ ì ye kiilaalu buŋ beroolu la ka ì faa. Siiñaa jelu le n lafita i la dindiŋolu kafu la ñoo ma m bala, ko siisee dimbaa ka a diŋolu kafu ñoo ma a dampaŋo koto ñaameŋ, bari ali buka soŋ!

Yesaya 56:8

Maarii Yaawe ye Banisirayilankoolu mennu be janjandiŋ kafu ñoo kaŋ ne, a ye ñiŋ ne bankee ko: “Hani saayiŋ, m be doolu kafu la ì kaŋ ne, wolu niŋ ŋa mennu kafu ñoo kaŋ, te kiliŋ na.”

Esekiyeli 36:24

A ko: “M be ali samba la naŋ ka bo wo bantala bankoolu bee kaŋ ne, ka naa ali fansuŋ bankoo kaŋ.

Yesaya 60:10

“Siyoni, tumarankewolu be i la tata sansaŋolu lookuu la le, ì la mansoolu be dookuwo ke la i ye le. Ŋa i jarabi kamfaa kono ñaa-wo-ñaa, bari m be i maakoyi la le, ka balafaa yitandi i la.

Yesaya 40:11

A ka a la moolu topatoo le ko kantarilaa ka koorewo kanta ñaameŋ. A ka saajiiriŋolu katandi a faŋo la le, ì ye tara a kara la. A ka saajii dimbaalu kenkeŋ kuuke le.

Yesaya 27:12

Wo luŋo la, ka bo naŋ Yufurati Boloŋo to fo Misira Wulumbaŋo to, Yaawe be a la moolu kiliŋ-kiliŋ bondi la ñoo to le, ko moo meŋ ka siimaŋo toñonka, ka a bo a kaloo bala.

Jabuuroolu 106:47

Hee Yaawe ǹ na Alla, m̀ bondi mutoo kono, ǹ seyindi ka bo banku koteŋolu kaŋ, fo ǹ si i tentu i too la kuliyaa kaŋ, aduŋ ǹ si jusulaa ka i jayi.

Efesusinkoolu 1:10

fo a la lafoo si timma a waatoo la. Bituŋ a be feŋolu bee kafu la ñoo ma ka ì ke kiliŋ ti ate kono, fo wo feŋolu be saŋ fatoolu le kono santo, waraŋ duniyaa kono jaŋ.

Yesaya 49:18

I dandaŋolu juubee, i ye a je, meŋ be ke kaŋ. I diŋolu bee benta le ka seyi i yaa.” Yaawe kalita ñiŋ ne la ko: “A be koyiriŋ ñaameŋ ko nte be baluuriŋ ne, i be kibiri la i diŋolu la kuwo la le, ko maañoo ka kibiri a la ñaroolu la ñaameŋ.

Yesaya 11:11

Wo luŋo la, Maariyo be a bulu sembemaa taa la le kotenke, ka moo toomaalu kaniŋ mennu tuta a la moolu kono, ka bo Asiriya, ka taa fo Misira bankoo bulubaa niŋ maraa la, ka bo Kusi*, Elamu, Babiloni, Hamati, aniŋ ka taa fo Baa Baa* borindoo la.

Yankuba 4:6

Bari Alla ye hiinoo meŋ dii, wo ka tu kafu la le doroŋ. Wo kamma la, a be safeeriŋ ne ko: “Alla ka balaŋ faŋ wara moolu ma le, bari a ka hiina moolu la le, mennu ye i fammajii.”

Yesaya 11:12

A be bandeeroo wulindi la bankoolu ye le, a ye Banisirayila mutamoolu bendi, a ye Yahuuda moo janjandiŋolu kafu ñoo kaŋ, ka bo duniyaa tonkoŋ naanoo to.

Yesaya 12:1

Wo luŋo la, i be a fo la le ko: “Hee Yaawe*, m be i jayi la le! I kamfaabaata n kamma ñaa-wo-ñaa, i la kamfaa banta le, i ye n ñaajiyo fita.

Yesaya 14:1

Yaawe* be naa balafaa soto la Yaakuba koomalankoolu ye le. A be Banisirayilankoolu tomboŋ na le kotenke, a ye ì sabatindi ì fansuŋ bankoo kaŋ. Tumarankewolu be kafu la ì ma le, ì niŋ Yaakuba koomalankoolu ye ke kiliŋ ti.

Yesaya 27:8

Hanii, Yaawe ye ì jarabi le ka ì bayi ka tara mutoo kono. A ye ì bayi a la kamfaa le kono, ko niŋ foño kandoo ka bo tiliboo la.

Yesaya 49:13

Saŋ fatoolu, ali sari santo seewoo kamma, bankoo ye kontaani, konkoolu ye wutu suukuwo ti, kaatu Yaawe ye a la moolu jusoo ñabu le, aduŋ a be balafaa soto la a la moo bataariŋolu ye le.

Yesaya 49:21

Wo to i be a fo la i sondomoo kono le ko, ‘Jumaa le duŋ ye ñiŋ dindiŋolu bee wuluu n ye? N niyo kuyaata le, kaatu m foota n diŋolu la le, n tarata nuŋ mutoo kono le, ì ye m fili jee. Jumaa le duŋ ye ñiŋ dindiŋolu kuluu? N dammaa le tuta m faŋ ye, saayiŋ duŋ, ñinnu bota mintoo le?’ ”

Yesaya 50:1

Yaawe* ye ñiŋ ne fo ko: “Futuubaŋ kayitoo lee, ŋa ali baamaa niŋ meŋ bula? Fo ŋa juloo le taa moo bulu, n ñanta ali waafi la meŋ yaa, ka n na juloo joo? Ali la junuboo le ye a tinna ŋa ali waafi, ali la boyidaalu ye a tinna ŋa ali baamaa bayi.

Yesaya 62:4

Moolu te i kumandi la Tumbuŋo la kotenke, waraŋ Banku Tiñaariŋo. Ì be i kumandi la Kanuntee Saatewo le la, i la bankoo be muluŋ na le ko maañoo, kaatu Yaawe be kontaani la i la kuwo la le, aduŋ i la bankoo be ke la a taa le ti, ko maañoo ka ke a keemaa taa ti ñaameŋ.

Yesaya 63:7

Yaawe ye kanu bambaloo meŋ yitandi, m be a kankulaa la le, aniŋ ŋa a jayi kuwolu to, a ye mennu bee ke. M be Yaawe jayi la le, a ye kuu kende jamaalu mennu dii ǹ na, aniŋ a ye beteyaa meŋ yitandi ntolu Banisirayilankoolu la, kaatu a ye balafaa le soto ǹ ye, aduŋ a ye ǹ kanu le fo a maŋ dandulaa soto.

Yeremiya 51:5

M maŋ n koo dii Banisirayila niŋ Yahuuda la, nte Yaawe Alihawaa Maariyo*, ì la Alla, ì la bankoo be faariŋ ì la junube kuwolu la ñaa-wo-ñaa, ì ye mennu ke nte Banisirayila la Senuŋ Baa la.”

Niikuyaa Suukuwolu 3:31

Lanna kuu le mu ko, Maariyo te wo ke la, ka a koo dii fo abadaa.

Jabuuroolu 30:6

Biriŋ ŋa a loŋ ko m firinta le, n kumata ko, “Feŋ te m bondi la n noo to fo fawu.”

Jabuuroolu 107:3

A ye doolu murundi naŋ ka bo wandi bankoolu kaŋ, ka bo tilibo niŋ tilijii, aniŋ bulubaa niŋ maraa karoo la.

Niikuyaa Suukuwolu 3:32

Laa ko, a si niikuyaa saabu ñaa-wo-ñaa, a be balafaa yitandi la le a la kanu bambaloo la waroo kaŋ.