Yesaya 54:3 - Mandinka Bible

³ Kaatu i be tara la karoo bee le la, bulubaa niŋ maraa, i koomalankoolu be banku koteŋolu la kenoo buusi la le, ì ye naa sabati saatee tumbundiŋolu to.

Yesaya 54:3 ပူးပေါင်းရင်းမြစ်များ

1 Musa 28:14

I koomalankoolu be siyaa la le, komeŋ bankumunkoo. Ì be janjaŋ na duniyaa tonkoŋ naanoo bee le to. M be neema la jamaanoolu bee ma duniyaa kono ka bo niŋ ite le la, aniŋ i koomalankoolu.

Yesaya 52:9

Yerusalaamu tumbuŋolu, ali wutu ñoo la ka seewootoo suukuwo laa, kaatu Yaawe ye a la moolu sabarindi le, a ye Yerusalaamu kumakaa.

Yesaya 49:12

A juubee, n na moolu be bo la naŋ dulaa jamfariŋolu le to, doolu be bo la naŋ maraa karoo le la, doolu ye bo naŋ tilijii, doolu ye bo fo Asuwani maafaŋo la.”

1 Musa 49:10

Yahuuda niŋ mansayaa te fata la ñoo ma, a koomalankoolu be tu la maraloo la le, fo janniŋ maralilaa kuntiyo faŋo be naa la, meŋ, duniyaa moolu la buuñaa be tara la a ye.

Yesaya 55:5

Tooñaa-tooñaa, i be bankoolu le kumandi la, i maŋ mennu loŋ, aduŋ bankoolu mennu maŋ i loŋ, wolu niŋ tariyaa le be naa i kaŋ. Nte Yaawe i la Alla, Banisirayila la Senuŋ Baa la kuwo le be a saabu la, kaatu ŋa i fandi niŋ horomoo le la.”

Kolosankoolu 1:23

Wo be ke la le, niŋ ali foroyaata lannoo kono, aduŋ ali ye bambaŋ wakiiloo kono fo ali kana ali la jikoo bula kibaari betoo la kuwo to, ali ye meŋ moyi nuŋ. Ñiŋ kibaari betoo kawandita duniyaa bee le ye, aduŋ nte Pawulu naata ke wo le dookuulaa ti.

Roomankoolu 11:12

Saayiŋ niŋ ì la jenkoo ye ñiŋ neemoo saabu duniyaa moolu ma, aniŋ ì la boyoo keta neemoo ti nasiyoŋolu ye, wo to ì la tuubi timmariŋo duŋ? A be neemoo le saabu la duniyaa ma, meŋ maŋ ñoŋo soto!

Roomankoolu 10:18

Bari ŋa ñininkaaroo ke, “Fo ì maŋ kumoo moyi baŋ?” Tooñaa, ì ye a moyi le! A be safeeriŋ kiilaalu la kuwo to ko: “Ì la kankulaaroo ka janjaŋ duniyaa bee le kono, aduŋ ì la kumakaŋolu ka futa duniyaa daŋolu to le.”

Yesaya 49:8

Yaawe ye ñiŋ ne fo a la dookuulaa ye ko: “Niŋ n na hiinoo waatoo siita, m be i danku la le. Niŋ kiisoo luŋo siita, m be i maakoyi la le. M be i kanda la, i ye ke n niŋ moolu teema kambeŋo ti, ka banku tumbundiŋo seyindi a ñaama, ka kenoo talaa moolu teema ka ke ì ye keetaafeŋo ti.

1 Musa 26:22

A bota jee, a taata. A ye koloŋ doo siŋ, ì maŋ sonka wo kunna. Bituŋ a ye wo to toolaa Rehoboti la. A kumata ko, “Saayiŋ Yaawe ye kenoo fanundi ǹ ye le. M̀ be jiidi la ñiŋ bankoo kaŋ ne.”

Yesaya 14:1

Yaawe* be naa balafaa soto la Yaakuba koomalankoolu ye le. A be Banisirayilankoolu tomboŋ na le kotenke, a ye ì sabatindi ì fansuŋ bankoo kaŋ. Tumarankewolu be kafu la ì ma le, ì niŋ Yaakuba koomalankoolu ye ke kiliŋ ti.

Yesaya 14:2

Banku koteŋolu le be Banisirayilankoolu maakoyi la, ka ì murundi ì la bankoo kaŋ. Banku koteŋolu be ke la ì taa le ti, ì ye ke ì ye jonkewolu niŋ jommusoolu ti bankoo kaŋ, Yaawe ye meŋ dii ì la. Moolu mennu ye Banisirayilankoolu ke ì la mutamoolu ti, saayiŋ itolu le be ke la Banisirayilankoolu la mutamoolu ti, moolu mennu ye ì mantoora, ye tara marariŋ ì bulu.

Yesaya 26:15

Hee Yaawe, i ye ǹ na bankoo warandi le, i ye ǹ na bankoo warandi, ka buuñaa naati i faŋo ye, i ye bankoo naanewolu bee lafaa le.

Yesaya 45:14

Yaawe ko Banisirayilankoolu ye ko: “Misirankoolu la naafuloo aniŋ Kusinkoolu* la marisandiisoo be ke la ali taa le ti. Sebankoolu la wo kee jaŋolu be ke la ali la joŋolu le ti. Ì be tara la bulariŋ ali nooma neejoloolu le daa. Ì be jimi la ali ye le, ì ye a fo ko, ‘Tooñaa-tooñaa, Alla be ali fee le, Alla koteŋ te keriŋ.’ ”

Yesaya 48:19

Ali koomalankoolu be siyaa la le ko bankumunkoo, ali diŋolu te yaatee noo la. Ì toolu te buruka la muumeeke, waraŋ ì ye kasaara n ñaatiliŋo la.”

Yesaya 53:10

Bari a keta Yaawe la lafoo le ti, ka a mantoora niŋ dimiŋo la. A la baluwo keta sadaa* ti junuboolu ye ñaa-wo-ñaa, a koomalankoolu be siyaa la le. A be sii jaŋo soto la le, aduŋ a be Yaawe la feeroo taamandi kuu la le.

Daniyeli 7:27

Bituŋ ì si naa duniyaa mansamarali bankoolu bee la semboo niŋ waroo dii Alla Mansa Tallaa la moolu la. Ì la mansayaa be tu la le fo abadaa. Maralilaalu bee be soŋ na ì ma le, aduŋ ì be dookuwo ke la ì ye le.”