Yesaya 53:7 - Mandinka Bible

⁷ Ì ye a mantoora le, ì ye a jarabi, hani wo a maŋ feŋ fo. Ì ye a kenkeŋ ne ko ì ka taa saajiiriŋo meŋ kanateyi, ko saajiyo ka i deyi a tii kuntulaa bulu ñaameŋ, a maŋ feŋ ne fo.

Yesaya 53:7 ပူးပေါင်းရင်းမြစ်များ

Matiyu 26:63

Bari Yeesu tuta deyiriŋ. Bituŋ piriisi kuntii baa ko a ye ko, “Ŋa i kalindi Alla baluuriŋo too le la, a fo n ye, fo ite le mu Alimasiihu* ti baŋ, Alla Dinkewo*.”

1 Pita 2:23

Kabiriŋ ì ka a neŋ, a maŋ ì joo niŋ nendiroolu la. Biriŋ a toorata, a maŋ silandiri ke, bari a ye a la kuwo tu Alla le bulu, meŋ ka kiitiyo ke tiliŋo kono.

Maaka 14:61

Bari Yeesu tuta deyiriŋ, a maŋ feŋ fo. Bituŋ piriisi kuntii baa ye a ñininkaa kotenke ko, “Ite le mu Alimasiihu* ti baŋ, Alla Mansa Kallankewo Dinkewo?”

Yohana 19:9

A taata konoto kotenke, a ko Yeesu ye ko, “I bota mintoo le?” Bari Yeesu maŋ feŋ fo.

Luka 23:9

Herodi naata Yeesu ñininkaa kuma jamaa la, bari a maŋ a jaabi feŋ na.

Maaka 15:5

Bari Yeesu maŋ jaabiroo ke kotenke fo Payileti jaakalita.

Yohana 1:29

Wo saamoo Yaayaa ye Yeesu je naa la a kaŋ. Bituŋ a ko, “Alla la Saajiiriŋo fele, meŋ ka naa duniyaa la junuboo bondi!

Lankenemoo 5:6

Bituŋ ŋa Saajiiriŋo je looriŋ mansasiiraŋo niŋ wo daafeŋ baluuriŋ naanoo teema, wo alifaalu ye ì muruŋ-muruŋ. Saajiiriŋo ñiŋ be le ko meŋ kanateyita. Bina woorowula le be a la, aniŋ ñaa woorowula. Wolu mu Alla la noora woorowuloo le ti, a ye mennu kii duniyaa bee kono.

4 Musa 7:27

A ye ninsituuraariŋ kiliŋ ne samba naŋ, saakotoŋ kiliŋ, aniŋ sanji kiliŋ saakotoŋo, ka ke jani sadaa ti.

Jabuuroolu 44:22

Ite la kuwo le ye a tinna ǹ ka tu faa la, ǹ keta le ko saajiyolu mennu ñanta kanateyi la.

Yesaya 53:6

Ntolu bee keta le ko saajii filiriŋo, moo bee taata a fansuŋ siloo la, bari Yaawe ye ntolu la junuboo bee laa ate le kaŋ.

Yeremiya 11:19

Niŋ wo nte, nte ka munta le saajii sooneeyaariŋo, ì be meŋ samba kaŋ ka taa a kanateyi. M maŋ a loŋ nuŋ ko, ì ka feeroo siti nte le kamma, ka a fo ko: “Ali ŋà ñiŋ yiroo niŋ a diŋolu kasaara. Ali ŋà a siyo kuntu ka bo baluwo to, fo moo hakili kana bula a la.”

Jabuuroolu 38:14

N ka munta ko, moo meŋ buka moyiroo ke, aniŋ jaabiri te meŋ daa.

Jabuuroolu 38:15

Bari m be jikiriŋ ite Yaawe le la, ite m Maarii Alla le be jaabiroo ke la n ye.

Yesaya 50:6

Ŋa n koo bondi moolu ye le mennu ka m buutee, n kaaraa moolu ye mennu ka m booraa saba. M maŋ n ñaadaa maabo ñaawaliroo niŋ daajii fayoo kamma.