Yesaya 53:6 - Mandinka Bible

⁶ Ntolu bee keta le ko saajii filiriŋo, moo bee taata a fansuŋ siloo la, bari Yaawe ye ntolu la junuboo bee laa ate le kaŋ.

Yesaya 53:6 ပူးပေါင်းရင်းမြစ်များ

1 Pita 2:25

Kaatu ali bee ye ali fansuŋ siloo taa le nuŋ ko saajii filiriŋolu, bari saayiŋ, ali muruta Kantarilaa kaŋ ne, ali niyolu tankandilaa.

1 Pita 3:18

Kaatu tooñaa, Kiristu faata junuboolu le ye, siiñaa kiliŋ moo bee ye. Moo tilindiŋo faata moo tilimbaloolu ye, fo a si ǹ samba naŋ Alla yaa. Ì ye a baloo le faa, bari Alla la Nooroo ye a wulindi ka baluu.

Jabuuroolu 119:176

N taata le taariŋ komeŋ saajii filiriŋo. N ñini, nte mu i la dookuulaa le ti, aduŋ m maŋ ñina i la yaamaroolu la.

Roomankoolu 4:25

A faata le fo ǹ na junuboolu si yamfa, aduŋ a wulindita le ka bo saayaa kono fo ǹ si tiliŋ Alla ñaatiliŋo la.

Yesaya 55:7

Moo jawoo ye a la jawuyaa siloo bula, moo kuruŋo ye a la kuruŋyaa miiroo tu jee. Ì ye muruŋ Yaawe kaŋ, a be balafaa soto la ì ye le. Ì ye naa ǹ na Alla kaŋ, kaatu a be yamfa la ì ye le burayi.

Yankuba 5:20

wo maarii si a loŋ ko, meŋ ye junubelaa bondi filoo kono, a ye a niyo tankandi badaa-badaa saayaa ma le, aduŋ a be junube jamaa le kafaroo saabu la a ye.

Yesaya 53:10

Bari a keta Yaawe la lafoo le ti, ka a mantoora niŋ dimiŋo la. A la baluwo keta sadaa* ti junuboolu ye ñaa-wo-ñaa, a koomalankoolu be siyaa la le. A be sii jaŋo soto la le, aduŋ a be Yaawe la feeroo taamandi kuu la le.

Yesaya 56:11

Ì mu wulu domorilaa baalu le ti, ì konoo buka faa. Itolu mu kantarilaalu le ti, mennu maŋ fahaamuroo soto, ì bee ka taa ì fansuŋ siloolu le la, ì ka a ke fankuŋ-fankuŋ ne ti.

Jabuuroolu 69:4

Moolu mennu ye n koŋ, daliila te a la, ì yaatewo le siyaata hani n kuntiña kesoolu ti. N jawoolu ka faniyaa le fo m ma, ì semboo warata le, aduŋ ì lafita le ka m faa. Ì ka n joorindi feŋolu le la m maŋ mennu nakari.

Esekiyeli 3:18

Niŋ n ko moo kuruŋo ye ko, ‘Ite moo kuruŋo, a te baayi la i be faa la le,’ saayiŋ ite koroosirilaa maŋ naa feŋ fo ka wo moo kuruŋo dandalaa fo a si a la sila kuruŋo bula, ka baluu. A la wo kuruŋyaa le be a tinna la a ye faa, bari a la saayaa dunoo be tara la laariŋ ite le kaŋ.

Yesaya 6:7

A ye a maa n daa la, a ko, “Bayiri saayiŋ ñiŋ ye i daaturoo maa le, i la boyidaa tuutuuta le, aduŋ i la junuboo kafarita le.”

Yesaya 40:2

Ali diyaamu kuu Yerusalaamunkoolu ye ka a fo ì ye ko, ì la dookuu koleŋo banta le. N yamfata ì la junube kuwo la le. Ì ye ì la junuboo jooroo soto a ñaama le famfaŋ, ka bo nte Yaawe* bulu.”

Yesaya 53:5

Ǹ na junuboolu le ye a tinna, ì ye a baloo soo, ǹ na kuu kuruŋolu le ye a tinna, ì ye a baramaŋ-baramaŋ. Jaraboo meŋ laata a kaŋ, wo le ye kayiroo saabu ntolu ma, aduŋ a la baramoolu le ye ntolu kendeyandi.

Yesaya 53:7

Ì ye a mantoora le, ì ye a jarabi, hani wo a maŋ feŋ fo. Ì ye a kenkeŋ ne ko ì ka taa saajiiriŋo meŋ kanateyi, ko saajiyo ka i deyi a tii kuntulaa bulu ñaameŋ, a maŋ feŋ ne fo.

Yesaya 53:11

A la mantooroo jeriŋ koolaa, a be tara la mala baa le kono, a ye wasa. N na dookuulaa tilindiŋo, ka bo niŋ a la londoo la, moo jamaa si ke moo tilindiŋo ti, kaatu a be ì la junuboo bee dunoo taa la le.

Yesaya 53:12

A be palaasoo soto la moo kummaalu kono le, a niŋ sembemaalu le be jawoolu la naafuloolu talaa la, kaatu a ye a niyo le laa ka faa, aduŋ ì ye a niŋ junubekelaalu le ke konti kiliŋ, kaatu a ye jamaa le la junuboo dunoo taa, a duwaata junubekelaalu ye le.

Yesaya 55:8

Yaawe ko: “N na miiroolu niŋ ali taa maŋ ke kiliŋ ti, sako n taañaa niŋ ali taañaa si muluŋ.

Yeremiya 50:6

“N na moolu keta saajii filiriŋolu le ti, ì kantarilaalu ye ì filindi, ì ye ì caawundi konkoolu kaŋ taariŋ, ì tarata yaayi la ka bo konko ka taa konko, ì ñinata ì la koorewo be daameŋ.

Daniyeli 9:5

Ŋà junuboo ke le, ŋà kuu kuruŋo ke, ŋà hakoo soto baake le, aduŋ m̀ balanta i ma le, ŋà ǹ koo dii i la yaamaroolu la, aniŋ i la karandiroolu.

1 Musa 22:6

Iburayima ye loo taa, sadaa be jani la meŋ na. A ye a laa a diŋo Isiyaaka kunto. Bituŋ ate faŋo ye dimbaa samba aniŋ muroo. Bituŋ ì moo fuloo bee taata ñoo la.

Kiitindirilaalu 21:25

Wo tiloolu la, mansa maŋ tara Banisirayila kono. Meŋ beteyaata moo-wo-moo ñaa koto, a ka wo le ke.

Yesaya 66:3

Bari doolu be jee le mennu ka bula ì fansuŋ siloo nooma, aniŋ ka kontaanoo soto kuu haraamuriŋolu to. Niŋ ì ye tuuraa bondi sadaa* ti, a konta nte fee le ko, niŋ ì ye hadamadiŋo le bondi sadaa ti. Niŋ ì ye saajiyo bondi sadaa ti, a ka munta le ko, niŋ ì ye wuloo le kaŋo kati. Niŋ ì ye siimaŋ sadaa le bondi, wo ka munta m fee le ko, niŋ ì ye seewu yeloo le bondi. Niŋ ì ye cuuraayoo siisindi sadaa ti, wo ka munta le ko, niŋ ì ye jalaŋo le batu.