Yesaya 53:4 - Mandinka Bible

⁴ Tooñaa-tooñaa, ate le ye ǹ na kuuraŋolu taa a ye ǹ na dimoo dunoo samba, bari hani wo, ŋà a miira le ko, Alla le ye a busa, a ye a mantoora, a ye a jarabi.

Yesaya 53:4 ပူးပေါင်းရင်းမြစ်များ

1 Pita 2:24

Kiristu faŋo le ye ǹ na junuboolu dunoo taa, ka bo niŋ a baloo la, a ye ì samba yiribantambiloo kaŋ, fo ǹ si faa junuboo la karoo la, aduŋ ǹ si baluu tiliŋo ye. Ka bo niŋ a la baramoolu le la, ali kendeyaata.

Matiyu 8:17

Ñiŋ keta le fo Annabilayi Yesaya la kumoo si timma ko: “Ate faŋo le ye ǹ na kuuraŋolu taa, aniŋ a ye ǹ na jankaroolu samba.”

Kalatiyankoolu 3:13

Kiristu* ye ǹ kumakaa Luwaa la dankoo bulu le, baawo a faŋo ye wo dankoo taa ntolu la kuwo kamma ko a be safeeriŋ ñaameŋ ko: “Dankoo be moo-wo-moo le ye, meŋ be dendiŋ yiroo bala.”

1 Yohana 2:2

Ate le keta junube kafarilaŋ sadaa* ti ntolu ye, aduŋ a maŋ daŋ ntolu dammaa la, bari ǹ niŋ duniyaa moolu bee.

1 Pita 3:18

Kaatu tooñaa, Kiristu faata junuboolu le ye, siiñaa kiliŋ moo bee ye. Moo tilindiŋo faata moo tilimbaloolu ye, fo a si ǹ samba naŋ Alla yaa. Ì ye a baloo le faa, bari Alla la Nooroo ye a wulindi ka baluu.

Hiburunkoolu 9:28

Wo ñaa kiliŋo la, Kiristu fanaa keta sadaa ti siiñaa kiliŋ ne, ka moo jamaa la junuboolu bondi. A be naa fulanjanke le, bari wo te ke la junuboo la kuwo ti, bari ka moolu kiisa, mennu be i yillaariŋ baake ate ma.

Yohana 19:7

Bituŋ Yahuudoolu ye a jaabi ko, “Ŋà luwaa soto le, aduŋ ka bo niŋ wo luwaa la, a ñanta faa la le, kaatu a ye a faŋ ke Alla Dinkewo* le ti.”

Jabuuroolu 69:26

Bayiri ì ka moolu toorandi le, ite ye mennu jarabi fokabaŋ, ka moolu la mantooroo jumbundi, i ye mennu lanjuuru.

Matiyu 26:37

A ye Pita niŋ Sebede dinkee fuloo samba ñoo la. Wo to le a ye a dati ka sunu, aniŋ a ye niitooroo soto.

Roomankoolu 4:25

A faata le fo ǹ na junuboolu si yamfa, aduŋ a wulindita le ka bo saayaa kono fo ǹ si tiliŋ Alla ñaatiliŋo la.

3 Musa 16:10

Baakotoŋ doo meŋ tombonta alikuuroo la, ka ke junube duniraŋo ti, wo si londi nte Yaawe ñaatiliŋo la, ka ke junube kafarilaŋo ti, ì ye naa a bayi keñewuloo kono, ka moolu la junuboo dunoo taa.

Yesaya 53:10

Bari a keta Yaawe la lafoo le ti, ka a mantoora niŋ dimiŋo la. A la baluwo keta sadaa* ti junuboolu ye ñaa-wo-ñaa, a koomalankoolu be siyaa la le. A be sii jaŋo soto la le, aduŋ a be Yaawe la feeroo taamandi kuu la le.

Jakariya 13:7

Yaawe Alihawaa Maariyo ye ñiŋ ne fo ko: “Hawusari*, kuniŋ i ye wuli n na kantarilaa kamma, wuli a kamma, n na moo sutuŋo le mu. A seyi, saajiyolu ye janjaŋ. Hani domandimmaalu faŋo, m bulu be laa la ì kaŋ ne.”

4 Musa 7:15

A ye ninsituuraariŋ kiliŋ ne samba naŋ, saakotoŋ kiliŋ, aniŋ sanji kiliŋ saakotoŋo, ka ke jani sadaa ti.

4 Musa 7:45

A ye ninsituuraariŋ kiliŋ ne samba naŋ, saakotoŋ kiliŋ, aniŋ sanji kiliŋ saakotoŋo, ka ke jani sadaa ti.

Jabuuroolu 69:8

N keta m fansuŋ moolu ye luntaŋo ti, n keta m baadiŋolu ye tumarankewo ti.

Jabuuroolu 69:27

Ì la junuboolu dunoo lafaa ì ye, ì kana i la kiisoo soto.