Yesaya 52:7 - Mandinka Bible

⁷ Ñiŋ mu seewoo kuwo le ti, ka kiilaa je, a ye bo naŋ konkoo kaŋ aniŋ kibaari betoo. A ka kayiroo le kankulaa, ka kiisoo bankee moolu ye, a ka a fo Siyoni ye le ko, “Ali la Alla le mu mansoo ti!”

Yesaya 52:7 ပူးပေါင်းရင်းမြစ်များ

Nahumu 1:15

Yahuuda moolu, ali a juubee! Kiilaa fele ali ye, a niŋ kibaari betoo ka bo konkoolu kaŋ, ka kayiroo bankee ali ye. Ali ali la diina juuraloolu juura, ali ye ali la laahidoolu timmandi. Jawu te ali la bankoo kele la kotenke. Ì bee le be kasaara la.

Maaka 16:15

Bituŋ a ko ì ye ko, “Ali taa duniyaa bee kono, ali ye kibaari betoo kawandi hadamadiŋolu bee ye.

Efesusinkoolu 6:15

Ali samatoolu duŋ, wolu le mu ka tara pareeriŋ ka kayiroo la kibaari betoo janjandi.

Yesaya 40:9

Ite meŋ ka kibaari diimaa naati Siyoni*, sele konko jaŋo santo, ite meŋ ka kibaari diimaa naati Yerusalaamu, sari kendeke, sari santo, aduŋ i kana sila. A fo Yahuuda saatee moolu ye ko, “Ali la Alla fele!”

Jabuuroolu 93:1

Yaawe* le mu Mansa ti, a ye semboo niŋ waroo duŋ ne ko mansa dendikoo. A ye duniyaa londi le a bambanta kat, a te wutu la a noo to muk.

Matiyu 28:18

Yeesu naata ì kaŋ, a diyaamuta ì ye ko, “Kaŋo bee diita nte le la, duniyaa niŋ Arijana.

Yesaya 24:23

Karoo si dibi, tiloo ye foo a la maloo la, kaatu Yaawe Alihawaa Maariyo* le be maraloo ke la Yerusalaamu Siyoni* Konkoo kaŋ, saatee ñaatonkoolu si a la mansabaayaa je.

Jabuuroolu 68:11

Maariyo la yaamaroo kaŋ, musu jamaalu ye kibaaroo samba ko:

Luka 2:10

Wo to le malaayikoo ko ì ye ko, “Ali kana sila! A fele, ŋa kibaari betoo le samba naŋ ali ye, meŋ be ke la seewoo kuu baa ti moolu bee ye.

Maaka 13:10

Foloo-foloo, kibaari betoo ñanta kawandi la bankoolu bee le ye.

Lankenemoo 14:6

Bituŋ ŋa malaayika doo je, a be tii kaŋ n kunto santo, a niŋ badaa-badaa kibaari betoo, a si meŋ kankulaa moolu ye, mennu be baluuriŋ duniyaa kono. A be a ke la nasiyoŋ-wo-nasiyoŋ ye, sii-wo-sii, kaŋ-wo-kaŋ aniŋ banku-wo-banku.

Jakariya 9:9

Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.

Luka 24:47

Tuuboo ka ì koo dii ì la junuboolu la, a niŋ junube yamfoo le be kawandi la a too la nasiyoŋolu bee ye, aduŋ a be dati la Yerusalaamu le.

Suukuwo 2:8

N jusukuŋo kaŋo moyi baŋ, a naatoo fele baŋ, a be bori kaŋ konko baalu kaŋ, a be konkoriŋolu sawuŋ kaŋ.

Jabuuroolu 99:1

Yaawe* mu Mansa le ti, a la kuwo si duniyaa moolu jarajara. A be mansa siiriŋ kerubu malaayikoolu* teema, bankoo si jarajara.

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”

Mika 4:7

Ñiŋ lanjuurutoolu le be ke la moo baluuriŋ toomaalu ti. Ì ye mennu bayi ì fansuŋ bankoo kaŋ, ì ye ke banku sembemaa baa ti. Nte Yaawe faŋo le be ke la ì la Mansa ti Siyoni Konkoo kaŋ, ka bo saayiŋ fo abadaa.

Yesaya 33:22

Yaawe le mu ǹ na kiitiikuntulaa ti, Yaawe le mu ǹ na ñaatonkoo ti. Yaawe le mu ǹ na mansoo ti. Ate le be ǹ tanka la.

Jabuuroolu 96:10

Ali a kankulaa duniyaa moolu kono ko, “Yaawe mu Mansa le ti. A ye duniyaa londi le a bambanta, a te wutu la a noo to. A be moolu kiitindi la tiliŋo niŋ tooñaa le la.”

Matiyu 25:34

Wo koolaa Mansa si naa a fo a bulubaalankoolu ye ko, ‘Ali naa, m Faamaa neemata mennu ma! Ali ye mansabaayaa keetaa, Alla ye meŋ parendi ali ye kabiriŋ duniyaa foloodulaa to.

Jabuuroolu 59:13

ì kasaara niŋ i la kamfaa la, ì ye kasaara, ì noo kana tu. Wo to le duniyaa moolu bee be a loŋ na ko, Alla le be marariŋ Yaakuba koomalankoolu kunna. S

Jabuuroolu 97:1

Yaawe* mu Mansa le ti, duniyaa moolu, ali kontaani! Hani fankaasoo daŋo to siilaalu, ali seewoo!

Yesaya 41:27

Nte le foloo ye a bankee Siyoninkoolu* ye, ŋa kiilaariyaa kuma diimaa le futandi Yerusalaamunkoolu ma ko, ‘A juubee, ali la moolu ka naa le.’

Yesaya 42:11

Mennu be sabatiriŋ keñewuloo* kono, ye sari santo, Kedari koomalankoolu ye seewoo ì la saateeriŋolu to. Selankoolu ye suukuwo laa kontaanoo kono, ì sari kaŋo ye bo naŋ konkoolu kaŋ.

Jabuuroolu 98:2

A ye duniyaa moolu londi a la tankandirilaŋ semboo la le. A ye a la tiliŋo yitandi ì la le.

Jabuuroolu 98:3

A ye a la laahidoo muta Banisirayila moolu ye le, a la kanu bambaloo niŋ foroyaa tilindiŋo kaŋ. Duniyaa moolu bee ye ntolu la Alla la tankandirilaŋ semboo je le.

Nahumu 2:1

Ite Ninewe, boyinkannaa le ka naa wuli i kamma. Wuli ko, i ye i la tatoo kanta, i kali siloo kaŋ juubee. I tewo siti, i ye i looraŋo bambandi.