Yesaya 52:4 - Mandinka Bible

⁴ Maarii Yaawe ye ñiŋ ne fo ko: “Foloodulaa to, n na moolu taata Misira le, ì sabatita jee ko tumarankewolu. Ñaato Asiriyankoolu fanaa naata ka ì mantoora, daliila te a la.”

Yesaya 52:4 ပူးပေါင်းရင်းမြစ်များ

1 Musa 46:6

Ì ye ì la beeyaŋolu bee taa aniŋ ì la sotofeŋolu bee, ì ye mennu soto Kanaani bankoo kaŋ, ì naata Misira. Yaakuba ye a la dimbaayaalu bee le samba ñoo la, a dinkewolu niŋ a dimmusoolu, a mamariŋolu, kewolu niŋ musoolu.

Yuuba 2:3

Yaawe ko Seetaani ye ko, “I maŋ i hakiloo tu n na dookuulaa Yuuba la kuwo to baŋ? A ñoŋo maŋ soto duniyaa kono, sootaari te a la kuwo to, a tilinta, aduŋ Alla ñaasilannaa le mu. A ye a koo dii kuu jawu kewo la. I ye n ñori a kaŋ ka a kasaara, meŋ maŋ ke daliila kaŋ ti, bari hani wo ñaa-wo-ñaa, a be bambandiŋ a la dankeneyaa kaŋ.”

Jabuuroolu 25:3

Kana soŋ moolu mennu ka tara i baturiŋ, wolu ye bula maloo kono, bari moolu malundi mennu la kuruŋyaa, daliila te a la.

Jabuuroolu 44:12

I ye i la moolu waafi daa feemaa la, aduŋ i maŋ nafaa soto ì soŋo to.

Jabuuroolu 69:4

Moolu mennu ye n koŋ, daliila te a la, ì yaatewo le siyaata hani n kuntiña kesoolu ti. N jawoolu ka faniyaa le fo m ma, ì semboo warata le, aduŋ ì lafita le ka m faa. Ì ka n joorindi feŋolu le la m maŋ mennu nakari.

Yesaya 14:25

M be Asiriya kelediŋ kafoo kasaara la n na bankoo kaŋ ne, ŋa ì doriŋ-doriŋ n na konkoolu kaŋ. Ì la yookoo* be bo la n na moolu toŋo to le, ì ye dunoo meŋ laa ì sañoolu kaŋ, fanaa ye bo.

Yeremiya 50:17

Yaawe ko: “Banisirayila ka munta le saajiyolu, jatoolu ye mennu bayindi ka ì janjandi. Meŋ foloo ye i baluu a la, wo le mu Asiriya mansakewo ti. Silaŋ meŋ labanta a kuloolu feefee la, wo le mu Babiloni mansakewo Nebukanesa ti.”

Yohana 15:25

Bari ñiŋ keta le ka kumoo timmandi, meŋ be safeeriŋ Luwaa Kitaaboo* kono ko: ‘Ì ye n koŋ ne, daliila te a la.’