Yesaya 51:8 - Mandinka Bible

⁸ Kaatu tumboo le be ì tiñaa la ko duŋ feŋo, baabaa ye ì tiñaa ko bayoo. Bari n na tiliŋo be tu la le fo abadaa, n na kiisoo ye tara jamaanoolu muumee bee ye.”

Yesaya 51:8 ပူးပေါင်းရင်းမြစ်များ

Yesaya 51:6

Ali saŋ fatoolu koroosi, ali ye bankoo juubee, saŋ fatoolu be yeemaŋ na le ko siisiyo, bankoo ye naa tiñaa ko funtoo, a moolu ye faa ko siyolu. Bari n na kiisoo be tu la le fo abadaa, aduŋ n na tiliŋo te boyi la muumeeke.

Yesaya 50:9

Maarii Yaawe le ka m maakoyi. Wo to moo jumaa le si n na boyidaa yitandi noo? Ì bee be naa tiñaa la le ko bayoo, tumboolu ye meŋ domo.

Luka 1:50

A ka a la balafaa yitandi a ñaasilannaalu le la, ka bo jamaani ka taa jamaani.

Hoseya 5:12

Wo le ye a tinna n keta Efurayimu ye ko tumboo, n keta Yahuuda ye ko baabaa.

Yesaya 66:24

Aduŋ ì be taa le ka moolu furewolu juubee mennu balanta n na. Tumboolu mennu be ì domo la, te faa la muumeeke, aduŋ dimbaa meŋ be ì jani la, nene te faa la. Hadamadiŋolu ñewuntoo le be ì juubee la.”

Yuuba 4:19

Wo to i ye a miira, a si laa hadamadiŋo la, meŋ daata potoo la, meŋ daata ka bo bankoo bala, meŋ faa be sooneeyaariŋ ko tumboo?

Yesaya 46:13

M pareeta le ka n na tankoo sutiyandi naŋ, a maŋ jamfa, aduŋ n na kiisoo te mee la a be naa. M be Siyoninkoolu* kiisa la le, ŋa n na kallankeeyaa* dii Banisirayilankoolu la.”

Yesaya 45:17

Bari Yaawe le be alitolu Banisirayilankoolu kiisa la, aduŋ ali be tara la tankoo kono le fo abadaa. Ali te maloo waraŋ dooyaa soto la fo abadaa.

Yuuba 13:28

Wo le ye a tinna m be tiñaa kaŋ, n keta komeŋ babara toliŋo. N keta komeŋ bayoo, tumboolu dunta meŋ na.

Yesaya 14:11

I niŋ i la saña wulindoo taata kaburoo kono, i la kontiŋolu maakaŋolu deyita, tumboolu ye i muuri, cooraŋolu jurumita i koto.

Daniyeli 9:24

“Sanji taŋ woorowula siidulaa woorowula, Alla ye wo le nata i la moolu ye, aniŋ ali la saatee senuŋo. Niŋ wo siita, a be kuu jawu kewo baŋ na le, a ye junuboo daŋ, a ye yamfa hakoolu la. A be tiliŋo le londi la fo abadaa, a ye jeroo niŋ kiilaariyaa kumoo kumfaa, aduŋ a be a la batudulaa senuŋ baa jankundi la le.

Yesaya 54:9

“Ñiŋ ka muluŋ nte fee le ko Nuha la waatoo, biriŋ n kalita ko, Tuufaani Waamoo te duniyaa muru la kotenke. Wo to saayiŋ, n kalita le ko, n te kamfaa la i kamma kotenke, n te i jalayi la kotenke.”