Yesaya 51:7 - Mandinka Bible

⁷ “Ali i lamoyi n na, alitolu mennu ye kuu tilindiŋo loŋ, n na luwaalu be alitolu mennu sondomoo kono, ali kana sila moolu la malundiroo la, waraŋ ka sila ì la nendiroolu la.

Yesaya 51:7 ပူးပေါင်းရင်းမြစ်များ

Jabuuroolu 37:31

A ka a Maarii Alla la karandiroo muta a sondomoo kono le, aduŋ a buka a lamfee.

Matiyu 5:11

“Barakoo be alitolu ye, niŋ moolu ye ali neŋ ka ali toorandi aniŋ ka kuu jawu siifaa bee laa ali kaŋ faniyaa kono nte la kuwo kamma la.

Esekiyeli 2:6

“Ite hadamadiŋo, kana sila ì la, aduŋ kana sila ì fokumoolu fanaa la. Hani niŋ a keta i fee le ko i be ŋaniŋolu le kono, aniŋ ko i be sabatiriŋ buntaloolu le kono, kana sila ì la fereŋ, i kijoo kana fara ka sila ì la kumoolu la. Kaatu ì mu moo kaŋ jaaroolu le ti.

1 Pita 4:14

Niŋ moolu ye ali neŋ Kiristu too kamma la, ali barakata le, kaatu Alla la Nooroo be ali kaŋ ne, meŋ kallankeeyaata.

Yesaya 51:1

Yaawe* ko: “Ali i lamoyi n na, alitolu mennu ka bula sila tilindiŋo nooma aniŋ ka nte Yaawe ñini. Ali ali faamaa Iburayima la kuwo juubee, ate le mu beroo ti, ali farasita meŋ bala, aniŋ Saara meŋ ye ali wuluu, ate le mu beroo ti, ì ye ali bondi naŋ daameŋ. Biriŋ ŋa Iburayima kumandi, a maŋ diŋ soto, n naata neema a ma le, ŋa a koomalankoolu siyandi.”

1 Pita 4:4

Ì jaakalita alitolu la kuwo la le ko, saayiŋ ali maŋ kafu ì ma kotenke wo baluuñaa jawoo kono, ì be tunendiŋ meŋ kono. Wo le ye a tinna ì ka kuma jawoolu fo ali ma.

Filipinkoolu 3:8

Tooñaa, nte ye feŋo bee muta bonoo le ti, kaatu ka Kiristu Yeesu loŋ, m Maariyo, wo le nafaa warata ka tambi feŋo bee la. Ate le la kuwo kamma la, m bonota feŋolu bee la. Ŋa wolu bee muta suntukuŋo le ti, fo n si Kiristu soto,

2 Korintinkoolu 3:3

Ali la kuwo ye a yitandi le ko, ali keta Kiristu* la leetaroo le ti, a ye meŋ safewo karafa ntolu ma. A maŋ safee niŋ duwaa la, bari Alla baluuriŋo la Nooroo, aduŋ a maŋ safee berewalaalu bala, bari hadamadiŋolu sondomoolu kono.

Kiilaalu 5:41

Wo to le kiilaalu bota kansulumoolu ñaatiliŋo la, ì seewootoo, kaatu a jarita ì ye le ka ì toora, aniŋ ka ì malundi, Yeesu too kamma la.

Yeremiya 1:17

“Bari ite ye i tewo siti, i ye paree. Ŋa i yaamari ka feŋ-wo-feŋ fo ì ye, i si a fo ì ye. Niŋ i silata ì la, m be i silandi kuu la ì ñaa la le.

Jabuuroolu 40:8

N hameta le ka i la lafoo taamandi, kaatu i la karandiroo be n sondomoo kono le, n na Alla.”

Hiburunkoolu 10:16

“M be kambeŋ kutoo meŋ siti la n niŋ ì teema, niŋ wo luŋolu tambita, a be ke la ñiŋ ne ti: M be n na yaamaroolu ke la ì hakiloolu kono le, ŋa a safee ì sondomoolu bala.”

Filipinkoolu 3:10

Nte lafita Kiristu le loŋ na, aniŋ a la saayaakoolaa wulindiroo semboo, aniŋ ka ke karasotolaa ti a la tooroolu niŋ a la saayaa to,

Luka 6:22

Barakoo be alitolu ye, niŋ moolu ye ali koŋ, ì balanta ali ma, ì ka ali neŋ, aniŋ ì ka ali too tiñaa, Moo Dinkewo la kuwo kamma.

Matiyu 10:28

Ali kana sila moolu la, mennu si balajaatoo faa noo, bari ì te niyo faa noo la. Bari ali si sila Alla la, meŋ si niyo niŋ balajaatoo bee kasaara noo Jahannaba kono.

Yesaya 25:8

A be saayaa buruka la le fo abadaa, a ye ñaajiyo fita moolu bee ñaa to, a ye a la moolu la malu kuwo bondi ñiŋ duniyaa kono. Yaawe le ye a fo.

Yesaya 33:22

Yaawe le mu ǹ na kiitiikuntulaa ti, Yaawe le mu ǹ na ñaatonkoo ti. Yaawe le mu ǹ na mansoo ti. Ate le be ǹ tanka la.

Yesaya 54:4

“Kana sila, kaatu i te duŋ na malu kuwo kono. Kana jikilateyi, kaatu i te dooyaa soto la. I be ñina la maloo la le, meŋ keta i la i fondinkeemaa, aduŋ i hakiloo te bula la maloo la, biriŋ i keta furuyaamusoo ti.

5 Musa 6:6

Ali hakiloo kana bo ñiŋ yaamaroolu la, n ka mennu dii ali la teŋ bii luŋo la.

Yesaya 37:6

a ye ñiŋ jaabiroo murundi a kaŋ ko, “Yaawe ko a kana sila kuwo la a ye meŋ moyi. A kana sila kumakaŋolu la Asiriya mansa la dookuulaalu ye mennu fo ka ate Yaawe sooki.